Hadhaa Ana!

... برشا حديث و حكيات



رويترز, ان لم تستحي فاصنع ما شئت




ماشدني في تقرير رويترز هي الفقرة التالية: 


وسد أكثر من 15 ألف محتج وسط تونس العاصمة يوم السبت وردد معظمهم شعارات مناهضة للاسلاميين بعد مقتل قس في هجوم ألقت الحكومة باللوم فيه على "مجموعة من الارهابيين الفاشيين ذوي الاتجاهات والمرجعيات المتطرفة."


في البداية لازم نذكرو أن رويترز اعتمدت في نقلها للخبر على شاهد من رويترز, شاهد الزور هذا لم يعرف بنفسه مثل بقية الصحفيين اللي ينقلو الخبر بكل مهنية و اللي قام بنشر خبر كاذب , الشاهد هذا اللي يحول وكالة أنباء عالمية الى نسخة مستنسخة من صحافة بودورو و اللي وكالة الانباء مسؤولة عن ما وصلت اليه من انحدار لدرجة نشر أخبار كاذبة و مثماش منها ...لازم يسأل, شنوا الهدف منه اللي يقوم بيه؟


شنوا الهدف من محاولة استثارة الاسلاميين و استفزازهم أو نشر أخبار تشوه فيهم باش تحصل ردت فعل منهم؟ و نقعدوا نرجعو لنفس الموضوع متع بيان الداخلية و حركة التجديد, ثما شكون يحب يثير الفتنة في تونس و تشويه صورتها و ثما أحزاب ركبة على الموجة ... شنوا الهدف من محاولة التهجم على الدكتور منصف المرزوقي في السابق و تشويه صورته امام الناس؟


شكون المستفيد من قمع المتظاهرين في القصبة؟ مثماش حاجة قاعدة تصير في تونس الهدف منها تشويه صورة البلاد و تشويه صورة الثورة و العباد اللي رفضت الانصياع لبن علي الا و تكون فيها أيادي عفنة, مثماش حاجة قاعدة تصير صدفة, لان في السياسة و الأمور الأمنية مثماش صدف, اما ثما شكون من مصلحته احداث فتنة في تونس, ثما شكون من مصلحته أن الناس تولي تترحم على بن علي, و ثما شكون من مصلحته أن بن علي و نظامه يرجع و اذا تعذرة عودة بن علي, فعلى النظام الفاسد ان يعود ليمسك بزمام الأمور في تونس, هذا اللي يحبوه

3 commentaires:

الله لا ترحملهم عظم اولاد الحرام ابداها من الغنوشي و انتي هابط الى كل الوزراء المسخين الي يحبو يلزقو عى الكراسي بالسوبر قلو و يدخلوا البلاد في حيط يا هموم يا حكومة العار اتقو مولاكم راهي الدنيا هذه فاها موت يعطيكم موت يهزكم حتى كان حرام علي واحد كيف الغنوشي الجربوع اش مازالوا في عمرو اما خيرلوه يدخل في التاريخ و الا يدخل لجهنم فهموه بلاكش طايح في غيبوبة و يسخايب روحو عمرو 20 سنة الموت علينا حق اما الله غالب مع الاوباش هذعه الداخلية مازالت معبية باطارات فاسدة وهوما ما يجوت حتى شلايك

kan yab9a ell ghannouchi et chebi lama twalli 7areb fel bled ..... jamais moslem yo9tol en plus il veut montrer que les musulmans ne peuvent pas faire une révolution pacifique.
allah lè trabe7kom ya mole7dine et RCD

حسبي الله ونعم الوكيل فيهم

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام