Hadhaa Ana!

... برشا حديث و حكيات

شعب من ورق


وفات القراية , و حان موعد الهجرة الى الديار, و مفارقة الأصحاب... بعد ما توصل تشوف ان بعض الحوايج تغيرت و البعض الأخر لم يتغير... كيسات جديدة و ديار جدد و قهاوي اللي تبارك الله, في ازدياد مستمر


بعد التجول تقرر العودة للبيت و الاكتفاء بما رأيت...نوصل المحطة, نقعد نستنا , مثماش حاجة تبدلت, الكار باقي تجي مخّر


بعد عشرين دقيقة توصل و يوصل الشوفير يجري باش يلح الوقت اللي ضيعه, تطلع و تشد كرسي... و تبدأ الرحلة


بحكم ان الكرسي اللي خذته في مقدمة الحافلة فمن الطبيعي أن اي حركة من الشوفير نجم نتابعها... لكن الشيء اللي عجبني برشا, هوّ مدا قدرته على السياقة بد وحدة, اذا علمت أن اليد الثانية فيها التلفون اللي كان يحكي فيه, شكون ماش يكلمه؟


في منتصف الطريق, جاء السيد المسئول على الخلاص أو ما يعرف بالخلاص, و قرب للشوفيه , و همس : ثمّا واحد قال انه حاكم, يخلص و الا ما يخلصش


فرد عليه الشوفير: أناهو؟


الخلاص: هو موش باين عليه حاكم, أما شاكك فيه


مفهمتش كيفاش يبان عليه انه حاكم و الا سبب ان البعض يعرف نفسه بكلمة حاكم في حين أنه عون/ضابط أمن , شخص ساهر على تطبق للقانون .... أما الشوفير قام بتوجه الحافلة للمركز, و رساتلنا في 20 دقيقة تأخير


وصلنا قدّام المركز و هبط الخلاص و مشاء يعيط للأمن, دقائق و يرجع و معاه عون بالزّ المدني, طلع , و انصب في مقدمة الحافلة أمام عون من حرس المرور اللي كان في مقدمة الحافلة, و قال: وينه؟


بكل ثقة قالها العون


جاء الأخ الكريم منتحل صيفة "الحاكم" و هبط ذليل ليحمل الى غياهب المركز... بعدها بدأ الشوفير و الخلاص في مرحلة جديدة, تتكون بشكل أساسي من التفاخر بالانجاز العظيم, و بالضحك بأعلى الصوت ... وصلو مرحلة من النشوة اللي تخليك تسأل شنوّة قيمة الانجاز اللي قامو بيه... و الا شنوّة اللي تبدل بين عشرين دقيقة قبل اللحظة هذه و ساعة الانتصار... شنوّ اللي يخليه ينتقل من الهمس الى الفخر... موش حاجة كبيرة


أما هذا شعب من ورق

4 commentaires:

injaz kbir 5aterhom kima 9al tawfi9 jbali fi klam ellil hadhouma ezzouz elli ye5dmou fel car najmou yfar9ou bin el mouwaten libsit elli metmata3 bimtiyazat essorti w bin essorti elli yetmata3 bimtiyazat el mouwaten libsit ;)

ههههه,بصراحة , شيء ينطّق... أما ما نعرفش شنوّ صار في المنتحل, كان الله في عونه :))
عندك الفيديو متع كلام الليل؟

chnowa sarlou moch mouhem barcha ... el mouhem elli ana met2aked elli ma3adech bich y3awed san3tou lloollooll

taw ma 3andich el video 3andi snin melli tfarajet fiha mais ken l9itha taw na3tik lien ;)

صحيح , صعيب أنه يعيدها, أما ربّي يصبره :)))
شكرا على مرورك العطر صديقي
نهارك زين :)

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام