Hadhaa Ana!

... برشا حديث و حكيات

شنوّة الحلّ؟


العشية, قتلي ثمّا مشكلة,


الحكاية و ما فيها متعلقة ببنية في أول فترة المراهقة , ممكن 15 أو 16 سنة


قتلي إن المشكلة كبيرة, بدات , عندها برشا, بدات وقت اخترات أمها أنها ترجع تعيش مع جدة البنية , لأنها حالة إجتماعية, كيف عدد كبير قاعد يزيد كل عام في المجتمع متعنا


بدات من نهار اللي سكنو مع جدتها , و لأن البيت هو للجدّة و موش من حق أي شخص بخلافها يحكم شكون يدخل و شكون ميدخلش, من الطبيعي أن يكون من بين اللي يتواجدو بصفة طبيعية أحفاد الجدّة, اللي هوما أبناء خالها و خلاتها


و في مجتمع تترواح فيه "النورمال" من بين اعتبار دخول الذكر الى بيوت الغير بين المنع و اعتباره من الواجب كيف الحالة هذه, و الا كيفاش ميجيش ولد خالها باش يتفقد جدّته العزيزة, تبدأ المشاكل


بدات وقت حصل المحظور , بن البنية و بين ولد خالتها, منعرفش كيفاش ممكن نوصف لحظة طيّش حصلت,و الا نوصف رفضها للي صار... منعرفش , هل كان عن رضا أم عن إكراه


الأن المشكلة إن البنية حامل, و موش عارفة حتّى أش تعمل, مقلتش لأمها و مهياش متشجعة باش تقول لأي شخص ثاني


بعد ما وفاء الحديث, لقيت روحي ضايع, و موش عارف أي لازم يصير, رغم أنها متقربليش و منعرفش حتّى دارهم, لكن الحكاية مقلقتني , مستقبلها تمسّ , و الأكثر هو اللي صار و العواقب اللي ماش توقع بعد ما يبدأ الموضوع يكبر و يكشف للمحيط العائلي متعها


المجتمع متعنا ما يرحمش, حتى و ان كان للشاب نصيب من الخطأ الا أنها ماش تتحمل وحدها اللي صار, رغم أن الخالق يحاسب المخطئين بنفس المقاييس إلا أن الخلق يحاسبوها كأنها سبب خروج أدم من الجنّة


منيش نلوج على تبرير لكن في مجتمع يعشق الفضايح, شرف و مستقبل البنية يعدّ ضائع منذ بداية هذه القصّة و لا حول و لا قوة الا بالله


شنوّة الحلّ؟


2 commentaires:

la solution est simple il faut qu'elle avoue tout ce qui c passé à sa mère .il n'y a pas d'autres solutions tu dis qu'elle a 16 ans mais on ne sait pas l'age de son partenaire .dans l'immédiat c le plus important et nous sommes bien dans une société immorale ça explique bien l'histoire de cette jeune fille ..je suis plutôt partisante de ce verset du coran qui dit " wallahou awla en takhchaouhou "..dis à la fille de parler à sa mère désormais le temps est venu pour elle de penser à son enfant surtout ne pas le tuer en l'avortant après le choc sa mère saura quoi faire ..la haoula wa la kowwata illa bellah .

@guyguoz

هذا بالتحديد ما طلب منها في الختام, أهمّ حاجة هي أنها تكلم أمها و تخرج من دار جدتها و تكري بيها لبرّا و متسلمش في الصغير , لكن يقعد ديما تأثر الأم عليها أشدّ, و اللي نتوقع أنها ماش تظغط عليها باش تقوم باجهاض , و لا حول و لا قوة الا بالله

الخيارين أحلاهم مرّ, اذا ماش تجهض, ماش يكون قتل لنفس و حتّى ممكن تهديد لصحّتها لأنها صغيرة و اذا بقي الطفل ماش يعاني بشكل كبير من قبل المجتمع و ماش يولي يتم تحاشيه لأنه لقيط, ويحاسب على ذنب لم يكن سبب فيه

دمت بودّ

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام