Hadhaa Ana!

... برشا حديث و حكيات

شعب عايش على الفرينة


مستغرب ؟ منتصورش , اذا انتي عايش في هالبلاد لأنك أكيد شفت و تشوف كلّ يوم في الشيء


كل نهار نمشي للجامعة نتعدى قدّام مركز للشرطة قريب للدار, المركز هذا بحكم موقعه في قلب المنطقة السياحية , على الصباح واقف نحكي مع أستاذ قديم قرّاني و نسمع في شخص يزمّر, شدّ ما سيّب , الناس الكل تلفتت تتفقد في اللي يصير و يطلع شوفير متع كميون يزمّر باش يقول " صباح الخير" للعون الواقف قدّام المركز


تمشي للجامعة تشوف طلاب تصبّح على أستاذ يقري فيهم و نهار اللي يكملو معادش يدورو بيه و يطفيوه,


نرجع للحومة نشوف شكون شادد العسّة على الماشي و الجاي يصبّ بيهم في القفة متاعه كلّ نهار, و بحكم أني منغزرلوش حتى في وجّه حاططني في قائمة المغضوب عليهم ... ميشرفنيش نكلم قفاف


تحل الفايس بوك تشوف فديو كيف هذا, اللي يحكي على قيام جنود أمريكان بقتل مدنينن في العراق اشتبه بأنهم مسلحون , ليتبين أنهم صحفيان و بعض المدنين من المنطقة













و متستمعش صوت للمدافعين عن حقوق الانسان اللي يخيضو فيها كل مرة على اللي يصير في ايران أو في الصين, لو كانو يعاملو العام كله سواسية و يشهرو بكل من يقتل بغير حق كان ممكن نحترمهم, لكن همّا كيف الدمى المتحركة يتم التحكم بيهم عن بعد, من وراء الستار


لو جاء اللي قتل 12 شخص هو عرب أو من أي تنطيم مسلح من المنطقة و استهدف الغربيين , هل كان ردهم ليختلف عمّا قام به الأن؟


كان يمكن أن يختلف لو أن القاتل لم يكن غربيا ذو عيون زرقاء يحمل على كتف علم دولة تقيم لهم المؤتمرات و الندوات


تزيد تدور في الفايس بوك, تلقى شكون عامل حملة مسميها "المبيد الحشري للخوانجية" و حاططني في الواجهة, لآني شهرت بيه نهار اللي عمل مشكلة تمزيغ تونس و في قصّة المسيح في تونس , و اللي يحف فمه معاه يزيده في الليستا, و كلّ هذا و هوّ يستغل في كونه ينتمي للتجمّع الدستوري الديمقراطي, هل هذا علاش مينجمش يحل فمه و ينتقد اللي عمل اذاعة الزيتونة ؟ و بنك الزيتونة ؟ و الا يعرف ان اللعب وقتها يحراش ؟

أما تنجّم تتبلى على بنات الناس و ترميهم في عرضهم لآنها محجبة أو لأنها موش عاجبها اللي تعمل فيه,


روح شوفلك حاجة أخرى لكلكها في فمّك أحسنلك

0 commentaires:

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام