Hadhaa Ana!

... برشا حديث و حكيات


هوما و نحنا : رفع التحديات


9 أوت 1945 على الساعة 11 و 02 دقائق صباحا , يتم إسقاط قنبلة نوّاوية من طرف الوليات المتحدة الأمريكية على ناجازاكي لتجعل الأرض تلتهب و تقتل من تقتل و تشوه من بقي مها حيا و في هيروشيما كان للقصف قصة مماثلة



من بين نتائج الحرب أن اليابان خسرت مليون و ثلاث مئة ألف عسكري , و سبع مئة ألف مدني , 2 ملاين قتيل


و تم توقيع معاهدة تحد من قوتها العسكرية لمنعها من اعادة الكرّة , و تم ادراج هذا الأمر في الدستور الشيء اللي كان ينص الى أجل قريب على منع ارسال القوات المسلحة للأي فرقة أو قوة عسكرية الى خارج البلاد


لكن هذا الأمر لم يثتني اليابان على المضي قدما في "رفع التحديات" , تفدلك؟ لا , و الله بالمجدّ


kawasaki OH-1 ninja


مروحية هجومية خفيفة, قادرة على حمل شخصين , تم بنائها – بنائها موش شرائها و الا كريانها كيف ما يتكراء "أفاتار"- في سنة تعاون بين وكالة البحث و التطوير لتقنيات الدفاعية اليابانية التابعة لجيش الدفاع الياباني و بين شركة كوازكي-كوازكي هذه نفسها اللي تصنع التراكس و المتورات- للصناعة الثقيلة, بين 1997 و 1999, و في بعض المصادر بين 1996 و 1999





دخلت الخدمة بشكل رسمي في 2001 في مهمة مسندة اليها تتمثل في الاستطلاع و الهجوم للوحدات اليابانية


حتى المحركات هي من نوع مستوبيشي , يابانية بالكامل , و الصوارخ زعمة شنوة؟ و الا امريكية؟ لا الصوارخ من صنع شركة توشيبا, ممكن اللاب توب متعك توشيبا , يعني نفس الشركة اللي تصنع الحاسبات تصنع زادة المعدات العسكرية , ميعنيش أنها متهزج أنواع أخرى , لكن على الأقل ثمّا جهد يستحق أن يذكر منهم


1945 , نفس اللي صاير اليوم في علماء العراق , شكون ينجم يستفيد منهم؟ في 1945 كان كل طرف من الحلف الغربي اللي يدعي الحرية , و القسم الشرقي الشيوعي اللي يدعي المساواة بين البشر يجري و يلهث على علماء ألمانيا , شكون يربحهم في صفّه, شكون يتفيد من خبرات متعددة في عدة مجلات عسكرية و مدنية , و ان كان التركيز على المجال العسكري بالأساس , لأن ألمانيا كانت أحد روّاد التقدم العلمي , كان من بين "المكاسب" اللي حققتها أمريكا هي حصولها على عالم كان المسؤال على تطوير المشروع الألماني النازي للصواريخ اللي كان من بين انتجاته المبهرة للعالم في ذلك الوقت صاروخ في-2 , اللي كان قتل 7000في بريطانيا



الدكتور فان براون


كان من العقول اللامعة اللي كانت أي أمّة تعرف أن العلم هو السبيل للتقدم و التفوق تسعى وراه, و كيف كل العلماء اللي لقاو رواحهم يوم سقوط النظام بين خيارين , إما أنه يكون مع الطرف الشرقي الشيوعي و يكمل الخدمة في صحراء سيبيريا , أو أنه يكون في الصف الغريب و يكمل خدمته في أمريكا و كان له أن اختار الطرف الغربي


فان بروان, أشهر من نار على علم الى اليوم , لم يحاكم لآنه نازي أو بالأصح كان في نظام نازي


أو حتى على علاقته بالــ : أس أس – وحدات النخبة النازية المسؤلة عن معسكرات الاعتقال و القتل الجماعي- اللي يرتدي زيها في الصورة التالية



, و لم يحاكم على موت 7000 شخص في بريطانيا بل تحول الى بطل قومي أمريكي بعد منحه الجنسية الأمريكية


و ليكون مسئول على مشروع غزو الفضاء الأمريكي , و بالأصح هو أب المشروع الفضائي الأمريكي


فان بروان, موش وحده, بل ثمّا برشا علماء معاه هاجرو و صنعُ المعجزات


تونس 2010, تحقق الحدث و ترفع التحدي في صالون الملابس الداخلية , منعرفش شنوّة إسم اللي صار , أما تخطى كل التوقعات و خلاني نحس بمعنى التقدم اللي قاعد يصير... معنّا علاش نخافو, تي شنوّ اللي عنّا باش نخافو عليه؟


منيش هنا باش ننبر على اللي فرحان بالمناسبة و عاملين عليها حضبة و قد اعترتهم الفرحة خصاصة مع وجود عارضات تتجول في صالون المعارض تحاول التعرف بالمنتوج المحلّي في أرقى أشكاله .... أما باش نقول كلمة وحدة , وهي أن الإنسان يقاس بما يطمح اليه, و الحديث قياس


9 commentaires:

الاخ صاحب التدوينة السلام عليكم

اشد على يديك وبارك الله فيك على هذه التدوينة وعلى مجمل تدويناتك عموما

بقي ان اقول لك اني معجب بك، ربما لاني ارى فيك نفسي حينما لازلت طالبا

وارجو ان تواصل على نفس التوجهات والعزم الذين تحملهما الان، لان الواقع اثبت ان الكثير تخبو طموحاته وتتراجع ما ان يخرج للواقع، وقليل هم الذين يواصلون

مرة اخرى بارك الله فيك وارجو لك التوفيق في حياتك العملية

ملاحظة صغيرة أرجو ان لاتنزعج منها، والتي اراها تخدش من قيمة تدويناتك، وتتعلق باستعمالك اللهجة الدارجة عوض اللغة العربية، فما اراك عاجزا كمايبدو عن اتقان اللغة العربية ولااحسبك ممن يحتقر لغته محور وجوده الثقافي، وانما هي على الأرجح عادة، يكفي في تجاوزها اعادة النظر فيها


اخوك عادل

سامحني في تعبك أما ياسر تخلوض في هذي، أش مدخل إحتلالا الفضاء في عرض الملابس الداخلية، كما لو أنو القيام بواحد باش يمنع الأخر

arabasta je croix que votre commentaire est très superficiel sinon donnez nous la création que peut émaner d'un défilé de sous vêtements dans une société quelconque ..moi je croix que la liaison faite par hada essaie de souligner les options de développement entre les nations et reconnais que j'ai honte que notre pays ne fait que démontrer la défaillance totale de cet Etat qui ne fait rien pour assurer un bon fonctionnement de ses institutions et le développement des ressources humaines qui devait assurer une nation d'une aptitude plus créative et plus performonte que des débiles qui prétendent incarner la modernité par défilé de bhéma

@ عادل
و عليكم السلام و رحمة الله و بركاته
شكرا جزيل على ما تفظلت به
بالنسبة لاستخدام للغة العربة الفصحى في التدوينات بصراحة فكرت فيها لكن لقيت أنها تجعل المقال بعيد في خطابه عن الشارع التونسي, يعني في النهاية هي مجرد كتبات ليست بالشيء الكثير لكن اذا اعتمدت العربية الفصحى فهي أشبه بالصعود الى البرج العاجي و الابتعاد عن المخاطب , فاستعمال اللهجة الدارجة تجعل القارء التونسي يجد أن ما كتب موجه اليه , باذن الله سيكون لي بعض الكتبات عن قريب باللغة العربية الفصحى
حتى أحوز على رضى من يحملون توجهك صديقي
دمت بودّ

@Arabasta
قبل ما تبدأ تهز و تنفض أرابستا, و تبدأ كيف كل مرة ترمي في التهم جزاف و تقصف بشكل عشوائي , وريني فين ترافيهم الزوز : التعليم العالي و البحث العلمي المتقدم و معاهم الفرحة الدائمة ؟
تي اللي نشوف فيه كل مرة تركيز على "العبط" و اهمال للبقية
كل مرة نشوف اهمال للجانب العلمي و تركبز على ما دونه و انت تقول شنوّة اللي يمنع حصولهم الزوز؟ مثما شيء يمنع الا كون الخلق مركزة برشا على اشلح اشلح و الجانب العلمي ماشي لتالي
دمت بودّ

@ Guygoz & Hadaa Ana: je ne vois toujours pas d'opposition entre le défilé de mode et les avancées technologiques ni même une quelconque opposition entre les deux, la preuve est bien simple: aux USA aussi il y a des défilés de mode et pourtant ils ont réussi la pari technologique et scientifique...

@Arabasta
لا أرابستا, نشوف برشا مشاكل في الحكاية, الشعب اللي يقعد يجري وراء الحوايج الفاضية و التفهات و يسلم في العلم و البحث العلمي هو شعب السامح فيه, الشعب اللي يقعد يستورد في أبسط المواد التقنية و ما ينتهجهاش و يجي في نفس العام وقت الدول تتفاخر بعدد برءات الاختراع و جوائز نوبل و هوّ يرفع التحديات بندوات متع حديث فارغ و زيد معاهم ملتقيات اللباس الداخلي هو شعب مريض

@guyguoz
شكرا على ما تفظلت به, نعتذر على التأخر في الردّ لآنه على ما يبدو كتبنا التعليقات متعنا في نفس الوقت و ما تفطنت به الا بعد ادراج تعليقي,
شكرا جزيل , دمت بودّ

bon, laisse tomber, parce que persister à comparer les USA et la Tunisie sur deux points totalement différents est une insulte à la logique et une aberration de la pensée saine... Juger un PEUPLE de 10 millions de personnes sur un exposé de lingerie (ou de maillots de bain) est extrêmement léger, hâtif et injuste...

باهي أرابستا, إن شاء الله في المثال اللي ماش ندرجه في التدوينة الثانية نشوفو الرأي متاعك في النقطة هذه و مدى رضاك على الشعب الكريم متعنا الذي يعيش في سعادة و هناء في أرغد العيش و اللي يبني في الجامعات اللي باذن الله ماش تكون في أحسن 100 جامعة عالمية

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام