Hadhaa Ana!

... برشا حديث و حكيات




هذه التدوينة , تحتوي على عبرات و صور قد تخدش حيائك, إن كنت ترى في هذا ما قد يسببك لك أي ازعاج, الرجاء تجنب الاطلاع عليها , شكرا



تكون قاعد مرتاح, و في سلام و طمأنينة و تحمد في ربّي على العيش في تونس كيف ما يقول أفتار عمّار, و تشرب في كبوسان و عينيك تثبت في القاعة و انت مروّح تخاف تعثرش في حفرة و الا تطيحش في رقارة محلولة و مخلينها على ذمة الماشي و الجاي


و تلقى روحك في قلب المدفع, في قلب مواجهة , قالش شنوّة خوانجي

لا طاح و لا دزّو, يجي يشري في البلاء


باهي , توّا أنت قلت, عليا و على كل الموجودين هاذم,







حتّى هذه مسلمتش منكم؟

و هذه؟


و مبعد؟ و بعد ما قلت خوانجي و الا ملحد و الا اللي تحب ؟


أنا مسلم و نتشرف بديني, و نحترم الحرية الفكرية للغير, و نمقت المتملقين اللي كيفك, أو بالأصحّ المنافقين, اللي يتخباو وراء الحزب الحاكم و يحاول استغلالو في نشاطاته المشبوهة, و الا تشوف في اللي تعمل فيه تقيّة ليك؟ قال شنوّة وطني؟


اذا إنت معندكش القدرة باش تكتب مجّرد تدوينة أو مجرد مقال تداع فيه على رأيك نقلك السماح فيك, اذا كل اللي تكتبه هوّ تهكم على الدين, اذا انت قادر على اعطاء أي دليل على اللي تقول فيه هاته و الا متنجمش و تعرف روحك عاجز؟


هل الى هذه الدرجة جعل منك الفشل الدراسي مصاب بعقد ؟ و باش تعرف الى أي درجة أنت مصاب بحالة من الغباء المركز



المدونة متاعي اسمها "هذا أنا" موش "حتّى أنا" , حتّى بالعربية و متنجمش تقرأ و الا متعرفش؟ و تحب تنجح , قابلني اذا نجحت في حاجة



نحب نسألك شكون اللي فتح الأندلس و منين ؟؟؟ متعرفش؟ و الا اللي يخدمو فيك ميرظاوش عليك اذا تقول أنه من هذه الأرض اللي تحب تشعل فيها فتنة لا تبقي و لا تذر؟ تنجمش تنكر دور جامع عقبة بن نافع؟ و الا متحبش تستعرف بيه لآنه عرب؟؟

هل هذا هوّ التنوير متعكم؟


هل هذه هيّ أخلاقكم؟؟ كل الصور المدرجة من صفحتكم

نحترم كلّ انسان عنده كرامة , الا إنتي , متوصلش في نهار باش تولي عندك كرامة و تشرف البلاد بانتمائك ليها

الأن أصبح القصف على الهوّية, كل من يقول أنه يرفض نشر الأفكار الالحادية يتم قصفه, كل من يعلن أنه متشبث بدينة يتم التشهير بيه,

هل في تونس أقليات؟



بجدّك تحكي و الا شارب حاجة؟ و الله أعلم تكيتفش زطلة و الا شميتش طرف غبرة؟ أول مرة نسمع بالأقليات في تونس ... مهبول و زغرتولو في وذنه


في تونس كلنا توانسة و مثماش أقليات, بكلنا توانسة , و نعاودها, حتّى انت يا ضايع , لسوء الحظّ... جيت لتكون لطخة عار في صفحة هذا البلد


و تنجمش تفسر شنوّة هذا؟؟






أش تحبّ نعيطلك, أحمد.إ و الا فوّاز , أصيل منطقة منزل عبد الرحمان؟

ومن جيهة انت ضدّ الاسلام و الدين بصفة عامة, أما أش تعمل لهنا؟

و كيف العادة نلقاك في كل صفحة تدعو للفرقة


و عندك لغة خشبيّة , تطير النوم من العين, عنيني متظرك يا متع الط*** و قلّة الدين


برّا كلم داركم يهزوك للطبيب النفسي

و الا تطعلش تعقدت منهم لآنك منجمتش تولي طبيب؟


على الهامش : شكرا على الدعاية المجّانية اللي قمت بهيا في صفحتك للمدونة متاعي , لكن خسارة, عدد الي جاء ميفوتش الخمسة , اللي حكاية فراغة قدّام الي يزوروها كل يوم, و كان بودّي أن نعطيك مقابل’ لكن تعرف إني طالب و ميزلت ناخذ في المصروف من عند الوالد الله يحفظه و كان بودّي نعطيك حاجة, لكن الهدية الوحيدة المتوفرة مخبيها لأفتار عمّار على ما يأتي, لذلك صبر روحك بشوية تشليط بعد ماتكمل الي تعدّل بيه في مزاجك و كيف العادة نحب ننصحك, ردّ بالك تعاود تجرب تنتحر
;-)



2 commentaires:

looool nice mana3rafch c koi el mochkel mai kol wa7ed 7or fi rou7ou metdayyan walla la oumoura rabbi li y7asba . w benesba lel a9aliyet n9oulou
fala 3acha fi tounes man 5anaha wala 3acha man laysa men jondiha
w assalam 3alaykom

@anonyme

أهلا بيك, كلّ واحد حرّ في حياته و في أفكاره, لكن البعض مصاب بمرض انفصاف في الشخصية ... و موش ماش يرضى عليك مهما تعمل حتّى تتبع ملته

و كيف ما تشوف حتّى قرأة جملة بالعربيّة عجزو عليها, اللي مش مستانس بالبخور يحرق حوايجه ;)

دمت بودّ
في أمان الله

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام