Hadhaa Ana!

... برشا حديث و حكيات



أنا بتنفس حريّة : سيبّ صالح












http://www.facebook.com/video/video.php?v=114872708543756

جوليا بطرس ◄ بتنفس حرية

أنا بتنفس حرية ما تقطع عني الهوا
ولا تزيدا كتير عليي أحسن ما نوقع سوا

أنا بتنفس حرية ما تقطع عني الهوا
ولا تزيدا كتير عليي أحسن ما نوقع سوا

ما بتقدر أبدا تلغيني بدك تسمعني و تحاكيني
ما بتقدر أبدا تلغيني بدك تسمعني و تحاكيني

و إذا فكرك عم تداويني مش هيدا هو الدوا

أنا بتنفس حرية ما تقطع عني الهوا
ولا تزيدا كتير عليي أحسن ما نوقع سوا

يا ريتك مني تسمع بيكفي اللي صار
القوة هي اللي بتوقع إن وقفت بوش الأفكار

هالدنيي بتساع الكل و حدا الحقيقة بتضل
هالدنيي بتساع الكل و حدا الحقيقة بتضل

و إذا بدك بنلاقي الحل لو لا بنفكر سوا

أنا بتنفس حرية ما تقطع عني الهوا
ولا تزيدا كتير عليي أحسن ما نوقع سوا

صوت الحرية بيبقى أعلى من كل الأصوات
مهما تعصف ريح الظلم يغطي الليل المسافات

مافيك تلون هالكون عبعضو بذات اللون
مافيك تلون هالكون عبعضو بذات اللون

و تغير نظام الأرض و تغير مجرى الهوا

أنا بتنفس حرية ما تقطع عني الهوا
ولا تزيدا كتير عليي أحسن ما نوقع سوا

أنا بتنفس حرية ما تقطع عني الهوا
ولا تزيدا كتير عليي أحسن ما نوقع سوا


هوما و نحنا : لكلّ مجتهد نصيب


في 2010, عرف العالم برشا انجزات, على سبيل المثال النظام الدكتاتوري الإيراني اللي يعيش تحت الحصار و العقوبات الاقتصادية منذ أن حصلت الثورة الخومينية يعلن في عيد جيشه المعظم , أنهم قد تمكنُ من صناعة نظام الدفاع الجوي اس 300 بفضل جهودهم, و خبراتهم المحلية, ميهمناش اذا هوما صنعوه بيديهم أو بمساعدة من كوريا الشمالية أو الصين , أما صحّى ليهم, يخدمو على رواحهم

نظام أس 300




هو نظام دفاع جوّي , رادار مربوط بمنصة اطلاق صوارخ أرض-جو (من الأرض لاصابة أهداف في الجوّ) في دائرة قطرها 400 كيلوماتر قادرة على تهديد اي طائرة غربية, يعني اذا يحطو منّه على سبيل المثال, ثلاثة بطاريات : بين بنزرت و سيدي بوزيد و معاهم الثاثة في تاطاوين , تكون تونس الكلّ مغطية بدرع صاروخية




في حين أن الفرس يتنافسو مع الغرب في المجال العسكري, في تونس عمّار يتنافس مع المدونين , يحب يسكرلهم مدوناتهم و الأن وصل لأكثر من 15 مدّونة و الشيء ميزال, في حملة هي الأكثر شراسة على حريّة التعبير شملت كل التيارات الفكرية في محاولة لرفع التحديات و الصنصرة الشاملة, عوض عن المقاربة الشاملة

و اليوم أخر ضحية , هو البرباش

نمشي وبيننا يغُل خائنون
يوجعنا أنهم بغدنا يقامرون
يجرحنا أنهم قرارنا يحاصرون

سيّب صالح, فكّ يزي



قدّام وكر عمّار - موش أنا , أما شخص من بين اللي يرفضو الصنصرة-

المصدر :

http://tweetphoto.com/20391416

رسالة الى عميمرات (الصناع " المهندسين" متع عمّار) : شنوّ شعورك بعد ما قريت عامين برباراتوار و بعدهم ثلاثة سنين في مدرسة مهندسين باش تولي قاعد قدّام أرديناتور و تحسب للناس النفسّ؟ هذا هوّ اللي كنت تحلم بيه؟ هذه هي الخبزة اللي كنت تطمحلها؟


مبروك عليك


سيّب صالح :

http://www.facebook.com/pages/Sayeb-Sala7/118947234797427


عمّار محلاها فيك







يصير يا عمّار, أما لتوّا مفهمتش علاش فليكر تمت صنصرته؟؟
http://www.flickr.com/


وين تمشي تلقى 404, و ين تدور وجهك ثمّا 404




طفّ أش صار ؟ تحطم البندير


رجع متثاقل , بعد أن ذهب للمقهى المجاور و بعد أن عاد حامل في يده الكبوسان و يسأل نفسه : هل كتبت بنت عائلة أرتيكل جديد ؟


جلس أمام الجهاز و ارتشف رشفة خاطفة , و حكّ رأسه و استمنى أفكاره , و بدأ يبحث عن بندير جديد يقرعه, ثم قال نعمل طلعة نلقاش تعليق في المدونة


حل لوحة التحكم, و لقى ثمّا 10 تعليقات , بدأ يقرأ , معجبوش , لأن المحتوى متعّه يتهم صاحبه بانه بندير, و أنه يتصنع الوطنية

الشيء ميعجبش , برشا كلام زيد و برشا شتم و تجريح من مجهولين,

زاد هبط, لين وصل للتعليق 9 , وقتها لقاء ثمّا : "نبارك و نشيد ... الخ الخ" ابتسم, و بانة ابتسامة صفراء و بان بين أسنانة بقية من حشيشة تاي


التعليق عدد 10 , طلع على الكف زادة, عجبه, على الأقل ثمّا شكون يساند فيه , فرح , لكن الفرحة ما تمت , وقت اكتشف أن البولج متعه حجبت رغم أن يداه اهترت من التبندير و التقفيف و رغم أن ريقه نشح من التلحيس


القوة أن تحول الى المستوى الدولي و لم يكتفي بالدوي المحلي, ووصلى الى لعق أحذية مسئولين سامين ... و التاريخ لا يرحم


تي علاش ؟ على خاطر قال "ثمّا شكون ياكل في لحم البهايم"؟ حكّ راسه و قال تي ثمّا شكون ياكل في لحم الكلاب , و أنا نتحاسب على أرتيكل ؟ أمان يا عمّار , هذه نهاية العشرة بينتانا؟ أمان يا عشيري ؟ نهون عليك؟ نسيت وقت كبّرت على خاطرك نهار اللي نسفت مدونة تيتو؟ و رساتلي في عركة مع هذكا هوّا و اسماعيل و معها "بزقة" من عند أشرف؟


عمّار , يا من أفنيت شبابي في التبندير ليك, اليوم تنساني ؟ و تنسى العشرة؟ أخيت عليك يا عميراتو


بعد ما رجعله شاهد العقل , مشاء يتفقد, لقاء ثمّا مجموعة كبيرة من المدونات تم حجبه في الثلاثاء الأسود: أراباستا, نورماللان,أحمد... و بالأخص مدونة بنت عائلة, وقتها ضحك من جديد و لتبان برشا حشيشة بين أسنانة الصفراء اللي ما يخسلهاش كان مرتين في العام


شيء غريب , كيفاش خذيت الوسام هذا مع المجموعة المباركة من شبيبة تونس , وقتها ضحك , و اتفرهم و بردّ على قلبه, لكن وقت رجع باش يكتب لحسين في تن بلوج و يقله "بربّي بدل العنوان متع البلوغ , لقد حجبت" وقتها رجع للقلق, و قتها تذكر أن عمّار اللي قرفعه -ثلاث نقاط على القاف - على يدّه اليوم, مسه في كرامته, صحيح أن معندوش كرامة , أما قد يستخايل في روحه


تذكر أن رغم الشحنة الوطنية القوية اللي يسيب فيها, منفعتوش


رغم أنه كان يخدم صبايحي عند عمّار , الا أن عمّار مرحموش , لآن عمّار ما ينساش, عمّار اللي عمل روحو ما فيبالوش وقت أفاتار مشاء يلحس في حذاء موظف أمريكي ثمّاش ما ينطر الجرين كارت, و يسلكها في حرقة في السليم


أفاتار اللي كان يحكي على طارق كحلاوي و يتجلطم عليه بالأمس , اليوم ولّى يتقربله ثمّاش ما طارق يقله يعطيك الصحةّ يا ... صحيتك


أفاتار اللي بعد ما طعن فاطمة ارابيكا من الخلف, و قال أنها متورطة في قضية متع مخدرات , ممكن الله أعلم اكتشف أنها تزرع في المارجوانا في الجردة متعها, إنت تشك في حديث أفاتار؟ تولي مكش وطني ,


أما المجراب تهمزو مررافقو



اما بصراحة محلها الفازة وقت خلاتك تغسل , حلوة برشا من فاطمة بعد ما تعبى قلبها من اللي صارلها


زيد هذه على الطاير

أفاتار, يا ساكن حديقة البلفيدار , شنحوالك؟ هل أنت بخير؟ أنا أشعر بالفرحة اليوم , لآني رأيتك في موقف مخزي عبرت لك, ثمّاش ما تولي عندك همة و تولي راجل, و تنقص من المرض, أما الحجرة ما تذوب ...... و انت تقعد على ما أنت عليه


هل تعلم أنك ما توصلش باش تكون راجل؟ في السابق تحكي على قطّوس الزبلة بلوغة مبتور الوجه وقت فاق بيك أش عملت في حكاية الجروب اللي أنكرت أنك وراها, اما الكذاب أصبر عليه شوية و تشوف كيفاش يرجع في كلامه


و بعدين دورتها على تيتوف و طارق, الى أن وصلت الى البرباش و قلت أنه وراء حكاية المبيد, وماش تهز في الفرينة الصبّى لمكتب التحقيقات الفدرالية و ممكن معاهم وزارة الداخلية الأمريكية , و مختلف التشكيلات الأمنية التابعة ليها, قال شنوّة, أفاتار وجد خلية تابعة للقاعدة, كل هذا باش تصفي حسابك يافاتور؟ مقواك في التشويه


أما الحاجة اللي خلاتني نزيد نحتقرك هي وقت حكيت على عمروش, اللي هو صاحبي, رزقي راجل , و من أعز الأصدقاء , أما انت ما توصلش تكون كيفه , هو راجل وانت تعرف روحك شنوّة


و بما أنك تحب النكت الجنسية , كان بودّي نحكيلك نكتة عليك أما المدونة مخلطة خسارة


اليوم تم حجب 10 من المدونات في خطوة غير مسبوقة من عمّار 404


تمشيوش تقولو نحكي على "جبه" اللي عامل فيها مدوّن واطي النية؟ لا , خاطني , و أفاتار يعرف على شكون نحكي



أكتفي بهذا القدر, و البقية تأتي عن قريب باذن الله, بالنسبة لكل من حجبت مدونته فهو محل ترحيب للكتابة في مدونتي الا أفاتار , فرغم أنك تحصلت على وسام 404 للحرية التعبير الا أنك غير مرغوب بيك, طير روّح



نسيت , كون راجل وقت تكتب أرتيكل و اكتب في البلوج متاعك موش بالسرقة باش ميراكش حدّ و يرد على الكذب متاعك

مشكلة كبيرة برشا أنك تكون فاقد للهمة

و لآنك تحب تتبع عناوين الاي بي , حبيت نذكرك بهذه


كان بودّي نكمل ننرشل الغسيل القذر أما في فرصة أخرى ان شاء الله


على الهامش : في موضوع الحجاب


بعد غياب , بديت في قراءة بعض التدوينات, إطلعت على تدوينة مصورة لطارق شنيتي اللي تعرض فيها للحجاب , أمس شفتها< و لقيت فيها جملة قالها هي أن الحجاب هو دخيل على المجتمع التونسي> - في هذا المستوى قمت بخلط بين نقاش حصل مع أرابستا و طارق الكحلاوي و بين الفيديو متع طارق-


بصراحة لم يكن سبب كتابتي لتدوينة اللباس الطائفي تعليق طارق , لكن السبب هو أني في الجامعة رأيت حارس لم يصل بعد دراسته و سنوات فشله الى السنة السادسة إبتدائي, حتى خطه لا يُقدرُ على قراءته , واقف لمنع طالبة وصلت الى جامعة بمعدل 15/20 بتفوقّ في الباكلوريا ... هنا لست بصدد المقارنة في المستوى العلمي , لكن بصدد أن أسأل هل العلم كفيل بأن يحفظ للمرء كرامته؟
هل يعقل أن ترى مشهد من الامتهان للكرامة بهذا الشكل ؟ هل يعقل أن تصبح الدعوة للحرية طريق للاستبعاد و الاقصاء؟

هل من المعقول أن يكون شخص جاهل يفرض على طالبة في مرحلة المهندسين شيء يدخل في المس بحق كفله القانون , و مثماش شكون ينجم يقول لا معندكش الحق؟ و اللي يحكي مع أي شخص يمارس في الشئ هذا يكون ردّه : برّا اشكي


الخبر التالي من جريدة
le figaro
و هو على متعلق برفض سيدة فرنسية دفع خطية مالية لأنها كانت تقود منقّبة





كان ثمّا تعلق , لا أدري سبب حذفه تسأل فيه صاحبه/صاحبته, لما تعاقب سدية لآتها منقبة في حين أن السيرات اللي البلاّؤ متها"فيمي" مسموح بأنها تكون موجودة في الطريق العام, اذا اعتبرنا أن وجه الشبه هو كون الحاجتين هاذم قد يعد وجودهم عائق للسائق على حدّ قول المعلق



, يعيد التساؤل, هل المشكلة في قبول الأخر أم في كون قد ترسخ عندنا رفض لكل ما قد يعيد يصور على أنه شرقي ؟ خاصة عندما قرأت تعلق ولاّدة في تدوينتها في معرض الكتاب


تترك لوحات المعلومات و تخطو بعض الخطوات في اتّجاه أجنحة الكتب فتعترضك " الكائنات الطّالبانيّة" نساء و رجالا تجوس خلال الأروقة و تتصفّح كتبها المفضّلة

نرفض أي تدخل للدولة في المعتقدات الأفراد أو في فرض زيّ على المواطنين

في الصورة هذه اللي يرى فيها العديد أنها انتصار للمرأة




أنا نشوف أن هذا يدخل في عنف الدولة ضدّ المرأة, و تدخل في الحرّيات الشخصية, سواء بفرض الحجاب أو الاجبار على خلعه



TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام