Hadhaa Ana!

... برشا حديث و حكيات

عندكش دينار؟


عشية سبت, مروحّ للدار, وصلت للحومة بعد مشوار طويل في النقل العمومي , على الهبطة, يخطفني واحد من أولاد الحومة : يا هذاكا انت,

وينك؟ أش عامل صديقي, -و رائحة الغمر تغمره- ؟

هذا أنا: الحمد لله, لاباس, أش عامل انت؟

جاري: تي هاك تشوف, الدينا *** حالنا , و أنا *** الشراب,

هذا أنا : باهي برشا, صحّيتك, شدّ الدبوزة, هذكا هيّا الحلّ

و دروت وجهي في بالي ماش نكمل ثنيتي, قبل ما يرجع يحكي معيا,

جاري: أسمع, براس الحنينة عندكش دينار؟ شريت أربعة حيار بيرّا و ميزلت صاحي, نحب نكمّل حق كعبة نكملّ بيها الثنية,

هذا أنا: لا معنديش,

جاري: أمان, خوك, يقصدك في حقّ كعبة بيرا,

هذا أنا: تي برّا اشري من عند لطفي بالكريدي, موش صاحبك؟

جاري: تي .... تي ... – ملقهاش-

هذا أنا: تصبح على خير

جاري: بون نوووي


لطفي ميبيعش بالكريدي, و أنا منعطيش فلوسي لأمثال جاري


وصلت للدار, و بعد تحيّة الأهل, مشيت لبيتي و حليت اللاب توب, نتفقد الايميل ثمّاش مساج جديد, نشوف البلوج و بعدين نتعدى للفايس بوك و نلقى أشباه جاري, أما هاذم موش متع كعبة بيرا يحبّو يكملو بيها الثنية كيفه, أما متع جماعة يلوجو على فلوس الخلق, تنتيفة , ضربة على الطاير, سرقة على السريع , يغريك بالبونيس و ينطر منك الدينار أو ما كتب ربّي


المثال رقم 1


screenshot.4


كيف العادة, حساب وهمي, واحذ الصورة لبنية حطت صورتها على الفايس بوك, و الحساب فيه عدد من الأصدقاء اللي يحاولو انهم يوهموك بأن صاب الحساب حقيقي


و المطلوب , تنفيذ الموجود في الرسالة التالية


screenshot.3


المثال الثاني


انتحاص صفة شخص ممثل لشركية الاتصالات


screenshot.11


و التعليق يكشف الكذب


screenshot.9


المثال الثالث

حساب وهمي لآنثى


screenshot.19


صورة مسروقة, و برشا قروبات مشاركة فيها و المساهمة غنية برشا


screenshot.21


أمّا أقوى فازة وقت يجيو معا بعضهم


screenshot.22


و في الختام , ثمّا مساهمة أخيرة مزيانة برشا ,


screenshot.26

screenshot.28


و المساهمة الوحيدة تتمثل في


screenshot.29


هذه, كان جات تقرى معيا, كانت تسلكها و ممكن تجي الأولى في الدفعة


وين تمشي تلقى التعليقات السخيفة هذه, بكلهم يلوجو على دينار على الطاير, و الشعب يلوجو على البونيس, و الخاسر همّا الأشخاص اللي عاملين حسبات على الفايس بوك و حاطين فيهم التصاور متاعم, و يحبو يعملو كلكسيون بالصحاب, و تشوف القائمة متاعن فيها 400 أو حتى تتجاوز ال1000, و تحب شكون يعلقلها تحت تصويرتها بما يجعلها تحس بقيمتها, لكن يجي شكون يستغل الصورة و تبدأ المشاكل, من الغريب كيفاش عباد تضيف في أشخاص ماتعرفهمش

5 commentaires:

mawsa3 bélhom :-D

بلاش هوّا؟ كل شيء بثوابه , خط خاسر عليه 1 دينار, و كل نهار و قسمه و ديميا الدنرات هابطة عليه من الباحثين عن البونيس, تي ممكن يولي يبيع في اللايت من كثيرة ما هو معبّي بالفلوس التليفون

أسامة, شوف التصويرة الثانية متع فاطمة سلاّمي , تلقاه نفس النومرو متع التليفون, = نفس الشخص

lol
bdéw ba7kéyet brass ommok rani felb7ar wa7di ab3athli dinar nkallem bih 7ad iji ihezzni w tawa wallét la7kéya 3al internet :-D
7atta etta7ayoul ettawer :-D

و كيفاش ميطورش؟ الطماعة برشا و المتحيلين قاعد يزيدو, و الربح مضمون
أسمع, نلقاش عندك 1 أورنج؟ :p

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام