Hadhaa Ana!

... برشا حديث و حكيات

أوّل مرة


برشا حوايج موش كيف ما تسمع بيها أو كيف ما تشوفها على التلفزة أو في فيلم , كيف ما تعيشها


الجمعة اللي فاتت , لآول مرة ناخذ قرار يكون عنده تأثير كبير في حياتي المهنية و الدراسية , بعد مدة من العمل في مختبر بحث تابع لآحدى الشركات لتطوير مشروع كان سيساهم في الرفع من الانتاجية في هذه الشركة , لقيت روحي مجبر على أخذ قرار تقديم الاستقالة, أول مرة نستقيل فيها , و مكنتش نتصور اني ممكن نقوم بشئ مشابه , العمل لم يكن له مردود مالي يذكر, يعني مجّاني , الشيء الوحيد اللي ماش نكتسبه هيّ السمعة اللي ماش نربحها , و الخبرة في حين ان ان الربح المتوقع أنه يكون بين الـ5.000 يورو و ال40 ألف في بداية المشروع, و المبلغ اللي ماش يربحوه في النهاية يتجاوز هذا المبلغ بعشرات المرّات


لكن على قدر ما الصورة مشرقة من الخارج, على قدر ماهي ما تعجبش من الداخل, كلّ شيء كان تقريبا مقبول الا أني فدّيت من أسلوب النظرة المتعالية , اللي تحاول انها تذكرك انك المحتاج ليهم أكثر ممّا هم محتاجين ليك, بعد حوار مطول مع المسئول, وصلت الى نتيجة, تخليني نخير الاستقالة على البقاء و التجرع من كأس الذلّ, لكن للاستقالة تبعات, من بينها تعليق البحث, الشيء اللي يشكل مشكلة لي في القراية


فكرت برشا, و بعد ما تشجعت كلمت بعض اللي نعرفهم , "أصدقاء" على أساس اني قدمتلهم خدمات في السابق و عاونتهم حتى في مشاريهم , و خاصة ان البعض منهم صار الأن له سمعته في مختبرات , يعني ينجم يتصرف من غير ما يكون ثمّا اي تاثير سلبي يذكر, علما أنهم الرابحين في نهاية المطاف قبل ما نربح أي حاجة أخرى


لكن البعض جبد روحه و عمل روحه ما في بالوش, و الأخر طفّى الضو و مردش , و البعض قال انه ماش يحاول , و الشئ الأكيد هو اني نوثق في الفئة الأخيرة , أما البقية طلعت السماح فيها


الشيء الغريب هو ان البعض وقت طلب منّي في السابق أن نقضيله , سواء في عمله أو مشاريعه أو حتى في أشياء لأفراد عائلته, متأخرتش عليه لكن وقت تطلب منه شيء و لو كان بسيط ينئ بنفسه و الأغرب هو وقت تلقى شخص معندكش برشا من اللي تعرفت عليه , لكن يكون حريص على مصلحتك و يسأل عليك أكثر من الذين تحسبهم أصدقائك

2 commentaires:

مبروك على القرار المصيري
الكرامة قبل كل شيء

شكرا صديقي , هوّ قرار , اتخذنه ورغم انه خلاني الأن في مشكلة كبيرة برشا الا أني منيش نادم و اذا الكرامة امتهنت فعلى الدنيا السلام
في أمان الله

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام