Hadhaa Ana!

... برشا حديث و حكيات

نسّم علينا الهواء


هذه التدوينة تحتوي عبرات و صور , قدّ تخدش حيائك, فان كنت ترى في هذا إزعاج لك فرجاء تجنب قراءتها , شكرا

السنة هذه شهدت برشا تطوّرات كبيرة برشا , كانت في مستوى التحدّيات


تطورات على مستوى المحتوى الإعلامي الراقي اللي قاعد يقدّم في الساحة الإعلامية التونسية, كانت بالبرامج الراقية في قناة تونس 7 اللي شهدت اقبال كبير برشا عليها من كافة الشرائح العمرية و لأول مرة يوصل الوعي الى تنبيه المشاهدين الى العمر القانوني لمن ينصح له بمتابعة البرامج أو بالأصح المسلسلات , ملاّ وينك انت؟ مرّة ممنوع على الأقل من 12 و مرة ممنوع على الأقل من 16 , أما خسارة مثماش الممنوع على الأقّل من 18 كيف ما يحب بعض المهرجين التوانسة


من الطبيعي أن القنوات التلفزية تحاول انها تستقطب أكبر عدد من المشاهدين, لكن الموش مقبول هوّ أن يتحول الجلوس و متابعة القنوات الوطنية مع العائلة الى احراج و تولي تحط أي قناة غربية سواء أوربية أو حتّى أمريكية أرحم برشا من الي قاعد يصير على قناة وطنيّة , ستر ربي أن ميزانيتها تقتطع من جيبي كيف ما يصير لكّ مغلوب على أمره يخلّص في الستاج


وكيف العادة يكون الشعار : الحرّية , و اللوغة المتعفنة اللي يطلع بيها المروجين لهذه البرامج و اللي همّا بالاساس المستفيدون الرئيسيون من هذه البرامج, و انت تقلق؟ جرب حل فمك و قول شنوّة هذا و تشوف الجوّ كيفاش يولي من حولك , توّلي انت ضدّ التقدم و الحريات و ضدّ كلّ جديد , وميزلت تنجّم تحّل فمكّ؟


و مرتّ الأيام و انتهت الضجة الإعلامية الى أن نسم علينا الهواء من قناة المغرب العربي الكبير كما يحّب البعض أن يروج لها, و ما أعذبها من نسمة و نسم علينا لوغة من الحزام لوطا, و ما يلزمكش تحّل فمك باش متوليش ظلامي


توّ بربي شنية المشكلة في" نص ميترو في كلسونة" ؟ فيها حاجة ؟ أكيد مفيها شيء, أما أنا عندي برشا حساسية من الموضوع و قاعد نبالغ فيه, و شنّية المشكلة في شخص يحّوس و في جيبه واقي – بريزربتيف- ؟ أما أحسن و الا تكون العلاقة الجنسية من غير حماية و اللي ممكن ينجرّ عنها أمراض, ماو لازم نوّعيو الشعب, و التوعية مسؤولية الإعلام, و هذه قاعدة تمّ على قدم وساق, و ان كان البعض من اللي يتم طرحه يكون في شكّل كوميدي


starwars.smokeyoda


و اللي يعجبك أن موش نسمة أو تونس 7 هي أوّل قناة تقوم بهذه النوع من الهزل؟ هاو ثمّا شكون عاجبه و جايث زوز فيدوات و عامل بيهم كيف و يوري فينا اننّا على الدرب السليم و ان هذه المواضيع يتم طرحها بهذا الشكل في دول عربية أخرى, مكش مصدّق ؟


هاو ثمّا شكون عجبتو الحكاية و وفرلنا فيديو

الفيديو من الفايسبوك










يمشيش مخّك لبعدي. ردّ بالك . الحكاية بكلها على البيزا و العجين, موش على الاكس اكس أحّ كيف ما قال مهرجّ تعيس في برنامج ثقّافي,


Pizza0


حلوة اللقطة؟ كان معجبتكش معندكش ذوق و طلعت كيفي, و السيّد اللي عاجبه الشيء أو حتى" الاعلامية" اللي الصباح قاعد نقرأ في جريدة تونسية لقيتها عند صديق تقول انها تجاوزت الخطوط الحمراء و مهياش نادمة , منّجم نقلّها كان صحّتك اقعد لغادي, هذكا هوّ مستواك و ما تنجم تنجح الا بالأسلوب هذا, كيف برشا من اللي يغنّيو وقت عرف وان صوتهم ما يوصلش, خدمو بشعار : اشلح تنجح


أش جاب ماجدة الرومي أو أي فنانة عندها صوت , لكمشة من الرهوط هاذم ........ لبسين من غير هدوم , عرفو أش يحبّ المكبوتين جنسيّا


أما علاش ناخذو كان العرب المتخلفين مثال ؟ أحنا تحلينا, نكملوها للنهاية؟


هذه البداية, في هولندا المخدّرات حاجة عادية, يعني مهياش ممنوعة, تنجم تمشي لبار و تدخنها و ما تاخذش عام حبس و 1000 دينار خطية , أيّا نحلو حتّا أحنا اللعب ؟ موش الشعب يحب اللعب ؟


hashish


في السويد و فلندا المثالية الجنسية شيء يسمح بيه كيف في هولندا و بعض الوليات الأمريكية و بعض البلدان الأوربية, نحلو اللعب في تونس ؟ أبقا الإيحاءات الجنسية ميسالش و البقية لا؟


366px-Double_Venus.svg


و من روائع الحرية أن الانسان ينجم يعمل تصرفات حلوة براش كيف هذه


Promotion)

حملة دعائية يقوم بها بعض أعضاء راديو في فيلندا للتروج لبرنامجهم ,


ماهمش عرات كيوم ولدتهم أمهاتهم , أما لابسين كلاسط-جوارب- على أعضائهم


ولغة الخطوط الحمرات اللي يحب يتجاوزوها ما هي موجودة الا في الأخلاق ؟ مثماش خطوط أخرى حمراء تحبو تتجاوزوها ؟

the-parisians-time-for-nothing-more


و أبقا اللي يجي من المشرق هوّ غزو ثقّافي و اللي يجي من أوربا هو الانفتاح ؟


وينو الانفتاح على مستوى التعليم العالي الي ماشي لتالي, وقت اللي طالب في مؤسسة علمية يقوم ببحث لفائدة مختبر و ميلقاش موارد لاستغلالها و ما يلقاش مجلات علمية كيف ما يلقى أقرانه و اللي أقل منه في الجامعات الغربية, أبقا في الاكس اكس أح نتبعوهم و في "أنا أفكر أنا موجود" و ""الحرية هي المسؤولية" - جورج برنارد شو- و "العدل أساس العمران" نبعثوهم ؟


منيش مع الاغلاق أمّا مع تغيير المحتوى مع ما يلائم ثقافتنا, و الى أنا يحصل هذا , أنا أرفض نسما و أشجع على مقاطعتها



8 commentaires:

Bravo et Merci Hadhaa Ana

Salut
c'est bien beau tt ça!! ça exprime un point de vue tt a fait respectable
mais il y'a deux petites choses qui me dérangent ds ton billet
1- le fait de parler de Nessma comme si cette chaine faisait partie du service public(ce n'est pas le cas et du coup un bouton suffit pr arreter si c'est a ce point).
2- et c'est ce que je trouve un peu abusé ds tte cette polémique c'est de jouer sur l'identité( nationale ou religieuse soit elle )et les conneries de ce genre pr justifier une forme de censure. l'identité est quelque chose de relatif.le fait de s'ériger en donneur de leçons et en soi disant garant des traditions et de nos bonnes valeurs est trés prétentieux et insultant

mabrouk al 3awda ya 9attous ezzebla ya tombou ya hada ana
hahahahaha
chbik melli 9otlek rani fe9t bik enti howwa 9attous ezzebla sakkart moudawwentek ????? ha ha ha ha ha .....
lhaddarja 5awwéf hahahahaha

il ne faut pas perdre de vu que tout cela s'inscrit dans le cadre de la guerre psychologique pour faire deraper les jeunes de leurs vrais probleme ( chomage; inegalité des chances , distribution inegale des richesse)

et l'autre coté essayé de freiner le retour massif de nos jeunes vers l'addoption des valeurs de notre identité arabo-musulmane comme etant la seule et unique issue pour le progres et la vraie liberté.

voilà t'étais comme dab bien cohérent et juste ..je dis à slim que l'auto censure qu'il proclame n'est pas une solution ds un environnement empoisonné . l'État censure tt ce qui toucherait de loin ou de prés l'exercice du gouvernement mais ne se vergogne jamais à laisser faire ces chaines privées qui détruisent l'identité nationale car voyez vs elle ne doit pas être relative
d'ailleurs c se que on ns chante depuis 1956 .chaines tunisiennes :bethea tv .hada merci fratellino pour ton post !

@Anonyme
شكرا على مرورك صديقي

@Slim
1- مقلتش ان نسما هي قناة حكومية و ان فهم هذا من التدوينة فهو عن خطأ و ليس قصدا
2- منيش هنا باش نعطي دروس و مواعض و انّما نعبر عن رأي في اللي يحصل, و اللي نشوف فيه , كيف اللعب على الحبلين اللي قاعد يصير , من جيهة دعوة لتوحيد المغرب العربي الكبير و من ديهة نشر لمحتوى يخالف التقاليد و أبسط القيم الموجودة في تونس , و الا وين اللي يحبّ يحمي الهوّية؟ موش هويتنا اللي قاعدة تمس؟ و كلّ مرة ماشين لقدّام , و نقولو أن الانسان لازم يمّيز , و اذا ما يميزش؟مسؤلية شكون؟
شطر الشعب موش عارف علاش عايش على هذه الأرض , القهاوي تفرغ و تعبي بالشباب و نحنا نحكيو على الوعي الذاتي
في أمان الله

@Anonyme2
مكنتش ماش ندرجلك تعليقك , لآني منحبش نقعد نعاود في حاجة قلتها, وهي أني لست قطّوس الزبلة, كيف ما تتصور انت أو يتصور أحد لمدونين اللي كتبها في تدوينتو, و الأكثر هو أني أفخر بمعرفة قطّوس الزبلة و أفخر بأنه صديقي و من أكثر المدونين اللي نحّس أن أسلوبه أثر في طريقة كتباتي و زيد عندك . قطّوس الزبلة من بين أكثر المدونين اللي يعجبوني , كيف البرباش و كلاندستان و غيرهم... و حكايت تسكير المدونة , هي مرتبطة بمدى تفرغي باش نردّ على التعليقات , و كلّ مرة نكون غارق في القراية نحاول نتجنبّ أي شيء قدّ يأخذ مني الوقت , كيف ما سكرت الكونت متع الفايس بوك, و الأن أفكر في اعادة غلق المدونة من جديد لآني مقبل على فترة دراسية قاسية
في أمان الله

@Anonyme 3
و هذا اللي قاعد يصير , سواء عن علم أو جهل من عديد الأطراف , و المصيبة أن المجتمع ,يتبع كان في الفساد , أما في الخدمة و الأخلاق الحميدة ندر أن تجد منهم من يتفيد منهاالا ما رحم ربي ,
دمت بوّد

@guyguoz
أسعدتني كثير مداخلتك , كما كنت على وشك أن أقوم بمراسلتك قبل أجد تعلقك لآطمئن على حالك , فلقد مرّ زمن طويل منذ أخر مرة أشرقت فيها المدونة بوجودك :))
في أمان الله

inchalah tt ira bien pour le couvre feu universitaire qui te tiendra bien en oeuvre pour tes études car c l'essentiel moi je lis tj ce que tu écris mais des fois le travail me complique la vie et c à peine que entre deux souffles je lis ce que mes amis écrivent ..donc bonne continuation =)

@guyguoz
شكرا و بالتوفيق :)))

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام