Hadhaa Ana!

... برشا حديث و حكيات

لاتصـــالح رائعه أمل دنقل









http://www.facebook.com/video/video.php?v=55902747488

لا تصالحْ !
ولو ملكوك الذهب
أترى حين أفقأ عينيك
ثم أثبت جوهرتين مكانهما..
هل ترى..؟
هي أشياء لا تشترى..:
ذكريات الطفولة بين أخيك وبينك ،
حسُّكما - فجأةً - بالرجولةِ ،
هذا الحياء الذي يكبت الشوق.. حين تعانقُهُ ،
الصمتُ - مبتسمين - لتأنيب أمكما..
وكأنكما
ما تزالان طفلين!
تلك الطمأنينة الأبدية بينكما:
أنَّ سيفانِ سيفَكَ..
صوتانِ صوتَكَ
أنك إن متَّ:
للبيت ربٌّ
وللطفل أبْ
هل يصير دمي - بين عينيك - ماءً ؟
أتنسى ردائي الملطَّخَ بالدماء..
تلبس - فوق دمائي - ثيابًا مطرَّزَةً بالقصب ؟
إنها الحربُ !
قد تثقل القلبَ ..
لكن خلفك عار العرب
لا تصالحْ ..
ولا تتوخَّ الهرب !
(2)
لا تصالح على الدم .. حتى بدم !
لا تصالح ! ولو قيل رأس برأسٍ
أكلُّ الرؤوس سواءٌ ؟
أقلب الغريب كقلب أخيك ؟!
أعيناه عينا أخيك ؟!
وهل تتساوى يدٌ .. سيفها كان لك
بيدٍ سيفها أثْكَلك ؟
سيقولون :
جئناك كي تحقن الدم ..
جئناك . كن - يا أمير - الحكم
سيقولون :
ها نحن أبناء عم.
قل لهم : إنهم لم يراعوا العمومة فيمن هلك
واغرس السيفَ في جبهة الصحراء
إلى أن يجيب العدم
إنني كنت لك
فارسًا،
وأخًا،
وأبًا،
ومَلِك!
(3)
لا تصالح ..
ولو حرمتك الرقاد
صرخاتُ الندامة
وتذكَّر ..
(إذا لان قلبك للنسوة اللابسات السواد ولأطفالهن الذين تخاصمهم الابتسامة)
أن بنتَ أخيك "اليمامة"
زهرةٌ تتسربل - في سنوات الصبا -
بثياب الحداد
كنتُ، إن عدتُ:
تعدو على دَرَجِ القصر،
تمسك ساقيَّ عند نزولي..
فأرفعها - وهي ضاحكةٌ -
فوق ظهر الجواد
ها هي الآن .. صامتةٌ
حرمتها يدُ الغدر:
من كلمات أبيها،
ارتداءِ الثياب الجديدةِ
من أن يكون لها - ذات يوم - أخٌ !
من أبٍ يتبسَّم في عرسها ..
وتعود إليه إذا الزوجُ أغضبها ..
وإذا زارها .. يتسابق أحفادُه نحو أحضانه،
لينالوا الهدايا..
ويلهوا بلحيته (وهو مستسلمٌ)
ويشدُّوا العمامة ..
لا تصالح!
فما ذنب تلك اليمامة
لترى العشَّ محترقًا .. فجأةً ،
وهي تجلس فوق الرماد ؟!
(4)
لا تصالح
ولو توَّجوك بتاج الإمارة
كيف تخطو على جثة ابن أبيكَ ..؟
وكيف تصير المليكَ ..
على أوجهِ البهجة المستعارة ؟
كيف تنظر في يد من صافحوك..
فلا تبصر الدم..
في كل كف ؟
إن سهمًا أتاني من الخلف..
سوف يجيئك من ألف خلف
فالدم - الآن - صار وسامًا وشارة
لا تصالح ،
ولو توَّجوك بتاج الإمارة
إن عرشَك : سيفٌ
وسيفك : زيفٌ
إذا لم تزنْ - بذؤابته - لحظاتِ الشرف
واستطبت - الترف
(5)
لا تصالح
ولو قال من مال عند الصدامْ
" .. ما بنا طاقة لامتشاق الحسام .."
عندما يملأ الحق قلبك:
تندلع النار إن تتنفَّسْ
ولسانُ الخيانة يخرس
لا تصالح
ولو قيل ما قيل من كلمات السلام
كيف تستنشق الرئتان النسيم المدنَّس ؟
كيف تنظر في عيني امرأة ..
أنت تعرف أنك لا تستطيع حمايتها ؟
كيف تصبح فارسها في الغرام ؟
كيف ترجو غدًا .. لوليد ينام
- كيف تحلم أو تتغنى بمستقبلٍ لغلام
وهو يكبر - بين يديك - بقلب مُنكَّس ؟
لا تصالح
ولا تقتسم مع من قتلوك الطعام
وارْوِ قلبك بالدم..
واروِ التراب المقدَّس ..
واروِ أسلافَكَ الراقدين ..
إلى أن تردَّ عليك العظام !
(6)
لا تصالح
ولو ناشدتك القبيلة
باسم حزن "الجليلة"
أن تسوق الدهاءَ
وتُبدي - لمن قصدوك - القبول
سيقولون :
ها أنت تطلب ثأرًا يطول
فخذ - الآن - ما تستطيع :
قليلاً من الحق ..
في هذه السنوات القليلة
إنه ليس ثأرك وحدك،
لكنه ثأر جيلٍ فجيل
وغدًا..
سوف يولد من يلبس الدرع كاملةً،
يوقد النار شاملةً،
يطلب الثأرَ،
يستولد الحقَّ،
من أَضْلُع المستحيل
لا تصالح
ولو قيل إن التصالح حيلة
إنه الثأرُ
تبهتُ شعلته في الضلوع..
إذا ما توالت عليها الفصول..
ثم تبقى يد العار مرسومة (بأصابعها الخمس)
فوق الجباهِ الذليلة !
(7)
لا تصالحْ، ولو حذَّرتْك النجوم
ورمى لك كهَّانُها بالنبأ..
كنت أغفر لو أنني متُّ..
ما بين خيط الصواب وخيط الخطأ .
لم أكن غازيًا ،
لم أكن أتسلل قرب مضاربهم
أو أحوم وراء التخوم
لم أمد يدًا لثمار الكروم
أرض بستانِهم لم أطأ
لم يصح قاتلي بي: "انتبه" !
كان يمشي معي..
ثم صافحني..
ثم سار قليلاً
ولكنه في الغصون اختبأ !
فجأةً:
ثقبتني قشعريرة بين ضعلين..
واهتزَّ قلبي - كفقاعة - وانفثأ !
وتحاملتُ ، حتى احتملت على ساعديَّ
فرأيتُ : ابن عمي الزنيم
واقفًا يتشفَّى بوجه لئيم
لم يكن في يدي حربةٌ
أو سلاح قديم،
لم يكن غير غيظي الذي يتشكَّى الظمأ
(8)
لا تصالحُ ..
إلى أن يعود الوجود لدورته الدائرة:
النجوم.. لميقاتها
والطيور.. لأصواتها
والرمال.. لذراتها
والقتيل لطفلته الناظرة
كل شيء تحطم في لحظة عابرة:
الصبا - بهجة الأهل - صوتُ الحصان - التعرف بالضيف - همهمة القلب حين يرى برعمًا في الحديقة يذوي - الصلاة لكي ينزل المطر الموسمي - مراوغة القلب حين يرى طائر الموت وهو يرفرف فوق المبارزة الكاسرة
كلُّ شيءٍ تحطَّم في نزوةٍ فاجرة
والذي اغتالني: ليس ربًّا
ليقتلني بمشيئته
ليس أنبل مني.. ليقتلني بسكينته
ليس أمهر مني.. ليقتلني باستدارتِهِ الماكرة
لا تصالحْ
فما الصلح إلا معاهدةٌ بين ندَّينْ ..
(في شرف القلب)
لا تُنتقَصْ
والذي اغتالني مَحضُ لصْ
سرق الأرض من بين عينيَّ
والصمت يطلقُ ضحكته الساخرة !
(9)
لا تصالح
ولو وَقَفَت ضد سيفك كلُّ الشيوخ
والرجال التي ملأتها الشروخ
هؤلاء الذين يحبون طعم الثريد
وامتطاء العبيد
هؤلاء الذين تدلت عمائمهم فوق أعينهم،
وسيوفهم العربية، قد نسيتْ سنوات الشموخ
لا تصالح
فليس سوى أن تريد
أنت فارسُ هذا الزمان الوحيد
وسواك .. المسوخ !

Drapeau-palestinien-Cisjordanie_pics_809

زعمة علاش ؟


18878_1300734914672_1119413397_30943378_4081068_n

علاش التخلف قاعد يستشري و الجهال قاعد يزيد؟

أمس مدونة طارق و قبلها مدونة فاطمة و قبلهم الكثير و الكثير و الأعداد تزداد, و عن قريب قد يتم حجب المزيد, أما حب الاطلاع يحرق قلبي و نحب نعرف , كيفاش يتم الحجب؟ شكون يوقف وراه؟ و شنوّة المستوى متاعه , أعلولنا ندوة صحفية و جيبولنا الحاجب و المقص في يده و خليه يشرح كيفاش يخدم في خدمته

و اذا ثمّا موقع مسكر كيفاش نقدّمو طلب لفتحه, ملاّ توّا هو يخدم و مثماش شكون يحاسبه؟ هوّ فوق القانون؟ توّا ثمّا قانون ينظم الحجب؟ و الا الحكاية بالكيف؟ و الا ممكن لأن المدونة اسمها “بنية تونسية” و عمّار ميحبش البنات, معقد منهم , أو احتقار للمرأة و هذا يخالف الفكر المستنير في تونس و يحبّ يرجع بينا الى ما قبل الميلاد و ممكن عن قريب يقول عمّار برّا نرجعو نوئدو البنات على خاطره عنده حساسية منهم, توّ هذا موش مسّ بالمكاسب؟

21936_290347261905_208556746905_3822447_4598688_n


علاء الدين و الهولوكست

يعتبر مسلسل علاء الدين من بين أكثر الانتاجات الاعلامية لوالدينزي نجاح, و ان كان يحتوي على عبرات في الأغنية تشوه صورة العرب, لكن هذا لم يمنع انتشاره و بثه من قبل عدة قنوات عربية

64_3490_1061089680


لكن اليوم , تمخضت فيرنسا و "اليونيسكو" و طلعو بمشروع علاء الدين الذي لا يقل غرابة عن مصباح علاء الدين الذي كلما فركه خرج الجني ليحقق المعجزات , و اليوم يأتينا علاء الدين و في جعبته مشروع , هدفه التعريف بالمحرقة اليهودية أو ما عرف بالهولوكوست, و اللي يقول المدافعون عن البرنامج انه يهدف الى مقارعة المنكرين لها و التعريف بماسات الشعب اليهودي الذي عاش الأمرين

و زيد على هذا شدّ عندك , في التعريف متاعهم :

ما هو انكار وقوع المحرقة؟

إن إنكار المحرقة هو الاعتقاد بأنها لم تحدث كما وصفها كتاب التاريخ.

باهي , ملاّ كيفاش وصفها التاريخ ؟

احداث المحرقة وقعت بعيداً جدا عن المجالات الداخلية لالمانيا، بعيداً جداً عن مرأى ومسمع من الشعب الالماني العادي. كانت تدور في الأراضي المحتلة من الاتحاد السوفياتي وكانت بولندا هي مسرح هذه الاحداث ضد الأنسانية (خارطة معسكرات الابادة. في بولندا ، 1942) ، (خريطه مجموعة من وحدات التدخل) في الاتحاد السوفياتي . اربعة من وحدات التدخل مع أعوانهم المحليين أطلقوا النار على 1،5 ملايين من اليهود ، لا سيما عمليات اعدام جماعيه.
اربعة من معسكرات الاباده كانت تقع في بولندا : بلزيك ، تريبلينكا ، وسوبيبور وماجداناك. في أجزاء أخرى من الأراضي بولندا كان معسكرا (سيليسيا العليا ووترلند) تمارس فيهما اعمال الاباده، بالإضافة الى شلمو و اوشفيتز، كانوا أيضاً مسرحا لعمليات القتل الجماعي.

الخ...الخ

توّا بربي موش أي حدث تاريخي يتقيّم بأكثر من طريقة؟ توّ كيف نجي و نقول لا ما ماتش من 5 الى 7 ملاين يهودي و ان اللي ماتو كان منهم خجر و المعوقين اللي كان يشوف فيهم أدولف هتلر عالة على المجتمع , يعني الرقم المطروح مبالغ فيه , توّ 5 الى 7 ملاين , حسبوهم في احصاء أثناء الحرب؟ بعد الحرب؟

و مع هذا مجرد ان تقول ان العدد هذا مبالغ فيه, ترسيلك في حلّ و اربط اذا كنت تعيش في أوربا و توّلي معادي للسامية بالرغم من انك "سامي" , يعني نحن و اليهود أولاد عمّ و النهار اللي يحكيو على السامية و العداء للسامية يشوفو كان رواحهم , ملاّ شد عندك

5.000.000-1 = خطية أو حبس , انت و المحكمة و المحامي اللي ممكن تجيبه , الخلاصة مجرد ان تشكك في كيفية أو في عدد اللي مات منهم تولي مشتبه

حلوّة؟ شفت حريت التعبير وين تبدا و فين توفا؟ تبدأ قبل الحديث عن المحرقة و توفا أول ما يبدأ الحديث عنها , اذا تقول "شنوّة هذا؟", تاكل على راسك , اذا تقول : "بالمجد و الا تفدلك ؟" تزيد تاكل

هذا يتسمّا انكار المحرقة, لازم كل ما تحكي تقول ثمّا 5.000.000 شخص على الاقل من اليهود مات و بعدها تنجم تحكي

الناكرون للمحرقة يطالبون بالتالي:

.. عدم استخدام النازيين غرف الغاز لقتل جماعي لليهود. لقد كان هناك غرف صغيرة موجودة بالفعل من أجل تسريب الزيكلون استخدمت في هذه العملية.
• لم يستخدم النازيون أفران حرق للتخلص من ضحايا الاباده. إن كمية الطاقة المطلوبة لاطلاق نار الافران تتجاوز بكثير ما تسمح به الطاقة خوفاً من تضرر الأمة في زمن الحرب
• إن أفران الحرق التي كانت موجودة كانت صغيرة جداً كي تفي لهذا الغرض، والسبب في وجود أفران حرق أنها كانت في تستخدم في حرق الوفيات الناجمة عن أسباب طبيعية كالمرض وإنتشار الأوبئة التي يمكن أن يتوقع وجودها بدرجه معقولة وعالية الكثافة في معسكرات العمل.
• إن الرقم من 5الى 6 مليون ميت يهودي هو غير مبالغ فيه، كما أن الكثير من اليهود كانوا قد هاجروا بالفعل الى روسيا، بريطانيا، فلسطين، والولايات المتحدة. كل هؤلاء المهاجرين يجب ضمهم الى قائمة هذه الأعداد.
• العديد من الصور والكثير من الأفلام صورت لقطات بعد الحرب العالمية الثانية قد تم صنعها من قبل الحلفاء خصيصاً من أجل الدعاية ضد النازية.
• مطالبة جميع الحلفاء بما لم يفترض طلبه من النازيين وهو تسهيل هجرة اليهود الى فلسطين من أجل دعم عزمها على انشاء وطن يهودي في فلسطين، ويجري استخدام هذه المطالبات حالياً في حشد التأييد لسياسات دولة اسرائيل، لا سيما في تعاملها مع الفلسطينيين.
• الدليل التاريخي على محرقه اليهود هو مزور أو أنه يساء تفسيره عن عمد.
• ثمة هناك مؤامرة من الولايات المتحدة وبريطانيا، أو مؤامره يهوديه لجعل اليهود يبدون كالضحايا، كما تهدف الى تشويه صورة الالمان.
• ان الاغلبيه الساحقه من المؤرخين والأكاديميين متحيزين جداً، وهم يخشون فعلاً الإعتراف بأن المحرقة كانت حيلة؛ انهم يعرفون انهم سوف يفقدون وظائفهم فيما اذا تكلموا عن هذا.

إن إنكار وقوع المحرقة يتجاهل او يقلل من قيمة عشرات آلاف الصفحات من الوثائق والصور الفوتوغرافيه التي أعدها النازيون أنفسهم ممن نجوا من الحرب.

إن ردود المؤرخين الناكرين دقيقة حول المحرقة، وهم يطالبون بفضح زيفها وحججها.

اذا تشكك في نقطة وحدة من اللي سبق تولي محلّ اتهام و ترسيلك في ما لا يحمد عقباه , يعني تسمع و تصفق و تسكت و تقول الله يبارك


المشروع طموح برشا , لدرجة انك تقعد باهت في الندوات و اللقاءات التي قاعدة تصير, اذا انتي تلم ثلاثة أشخاص و تعمل قعدة في داركم أو في حانوت أو في تركينة ممكن توليلك قضية نشاطات مشبوهة , أما السفرات اللي يحميهم العرف الدبلوماسي, تاخذ راحتها , تلم اللي تحب , تعمل ندوات كيف ما تحب و تركح الجوّ كيف ما تحب, و الا كيفاش يكون العرف الدبلوماسي؟ كله في نطاق القانون و ربي يديم القانون الدولي و العرف الدبلوماسي اللي يشجع على الحوار في السفرات ,خاصة سفارة فرسنا الشقيقة ,

توّا علاش حرقهم الحليب توّا على المحرقة؟توّا اليهود تقتلو في عهد طاغية كيف هتلر, شيء ما يعجبش , أما علاش شدّو ما سيبو؟ و الا لقاو ان دمج اسرائيل في المنقطة لازم يمر عبر دفع شحنة من التعاطف مع اليهود... و بعدين يقولو همّا هربو من هتلر الى أرض الميعاد , اذا فرنسا اليوم حرقها الحليب شبيها ما تستعرفش بالمليون جزائري اللي قتلتهم و تقدم اعتذار؟ علاش متقدمش اعتذار لتونس كيف ما يبكيو على الهولوكوست ؟ و علاش امريكا متقدمش اعتذار للهنود الحمر اللي تقتل منهم 20 مليون ؟ و علاش فرنسا اللي وصلت جربت السلاح النوّاوي على الجزائريين ما تعمل ندوة على الوحشية الاستعمارية ؟ أبقا حلال عليهم حرام علينا؟

جرائم في التاريخ المعاصر

الخمير الحمر

258162

800px-Choeungek2

Ac.khmerrouge

بعض ضحايا للخمير الحمر

حكم كمبوديا - التي سميت وقتها كمبوتشيا الديمقراطية - منذ عام 1975 إلى عام 1979, و قتل في فترة حكمه من 850,000 إلى 3 مليون

ميستاهلوش برنامج يحكي على السكوت الغربي و على الجرائم الإبادة الجماعية ؟

الإبادة الجماعية في رواندا

Rwandan_Genocide_Murambi_skulls

450px-Rwanda_genocide_wanted_poster_2-20-03

على طول مدة 100 يوم قام الهوتو بقتل ما بين 500.000 و ال1.000.000 شخص , موش عباد هاذم؟


البوسنة والهرسك


411px-Evstafiev-sarajevo-building-burns


مبنى البرلمان يحترق أثناء الحرب

Srebrenica2007

ضحايا مجزرة سربرنيتشا

, نشبت بعد الاستقلال عن الاتحاد اليوغوسلافي في سنة 1994, لتحصد أكثر من 300.000 ألف مسلم من الألبان, ركز على عبارة مسلم من الألبان

موش تطهير عرقي ؟ ماهمش عباد؟ ماهمش من بني أدم؟ و الا صفة البشرية تحظر و تغيب ؟؟


شنوة صار في سربرنيتشا؟ اذا ما سمعتش على هذه المجزرة نقلك ان مات فيها 8.000 شخص , تحب تزيد في العدد أو تنقص مثماش مشاكل , مشكش ماش تكون معادي للسامية لآنهم ألبان و ربي يخلينا الامم المتحدة و القواة الهولندية اللي كانت على مقربة من سربرنيتشا و في الوقت اللي هرب اليها المدنيون خوف و طمع في النجدة كان ردّهم بطرد أفراد عزل و رميهم للصرب ليفتكو بهم من قتل و اغتصاب و اجهاض للحوامل و أفعال يندى لها جبين الانسانية


توّا هولندا ماش تعطي تعويضات للشعب المنكوب؟

فلسطين

800px-Jerusalem_Dome_of_the_rock_BW_14


الجرح النازف , قدّاش قتل و يقل الى الأن الى لحظة كتابة هذه الكلمات ؟ و الا موش عباد ؟ و المليون و نصف اللي في غزة؟ اللي معندهمش ماء صالح للشراب , أش يتسمّاو؟

شكرا لكّل مثقفي المغرب العربي اللي يسامو في التوعية بالهولوكوست , لآنها الحل لنشر ثقافة التطبيع و الانبطاح

هدية ليكم

gaza-attack-israel-flag-burned-2

نهار سبت


أفقت صباح يوم السبت منهك كيف العادة, وضعية توعدتها, أرق و سهر و ضياع وقت و الكثير من الأشياء التي أعتزم القيام بها, لكن لايوجد تقدّم يحصل


كتاب من 215 صفحة مطالب باني نقراه, في ثلاث أيام وصلت للصفحة 17

و كتاب أخر من 814 وصلت الى الان للصفحة 118

و العديد مثلها , لا تقدّم يلحظ , و الوقت قاعد يهدر بشكل رهيب


فقت ال7:15 , دخلت للتولات , غسلت وجي و منجمتش نشّد روحي و نقعد واقف , السهرة تخليني نصبح تاعب, و راسي يوجع, و الدواء معادش ينفع و الأكثر ان أحد الأصدقاء نبهني بأن الدواء المهدئ اللي نستعمل فيه ينجم يتسبب في مشاكل في الكبد, فصت مجبر على الإقلال منه


خرجت و مشيت للكوجينا , تاعب و لازم نحظر الفطور وحدي , قهوة و فروماج و خبز , هذا البرنامج , أما الله غالب ملقيتش الخبز و بخلت باش نمشي للحنوت, رغم انه مقابل الدار , و اكتفيت بقهوة فطور و قلت نمشي نزرب روحي و نقعد نكمل نقرأ


قعدت من ال8 الى 3 من بعد الزوال و لا تقدّم , 4 صفحات ... مشكلة في التركيز


فكرت في تبديل الجوّ, قلت نتفرج على فيلم , عندي فيلم هبطتو في النهارين اللي فاتو , أما طلع طويل ساعتين و 5 دقائق , أش ماش يعدّيهم ,


تعدات 15 دقيقة و فدّيت , مشيت عملت دورة و رجعت , و قعدت نتفرج 10 دقائق أو أقل و نعمل دورة في الدار و نرجع , نمشي للجردة و نتفرج على العصافر , على قطّوس على أي حاجة و نرجع , منجمش نقعد على الطاولة برشا , حتى في القراية


تعدات 40 دقيقة من الفيلم و أنا على هذا المنوال , فديت , شنوة الحل؟ توّ ولات ال5:30 و ما تفرجت الا على 40 دقيقة بالتقصيت , و ليت تعديت للنهاية متع الفيلم و عرفت اش صار , قلت نمشي نعمل دوش و نخرج نشوف واحد من أصحابي

نسيت الماتش و خرجت, و صلت قدّام قهوة و شفت الشعب , و تذكرت ان ثمّا ماتش متع كرة يدّ , وليت عملت دورة قصيرة و تعديت قدّام حنوت الحجّام , تذكرت عندي جمعتين ما حجمتش , منيش صحاب ياسر مع مكينة الحجامة و نكره الاحساس وقت تلامس وجهي , عذاب , لكن لا خيار لي


دخلت الحنوت و سألت الحجّام : سلام , ميزال ثمّا برشا ؟


كان رده لا اتهنّا , ميزال كان السيد اللي قاعد على الكرسي والموجودين بكلهم يتفرجو على الماتش , و ليت قعدت نستنى


عشردقائق تعدّات و كمل الماتش و بدأت الحجامة


تعدات دقائق بين أخذ و ردّ و بين الفدلكة معيا و مع الموجودين, هذا اللي يعدي بيه الحجام الوقت , يصنع في الجوّ و الشيء هذا مكانش صعيب بحكم شخصيته المرحة


ميزلا ما كملتش الحجامة و وقفت موتو – درّاجة- قدّام الحانوت , و هبط منها شاب في العشرين و دخل

قبل أي عبارة للسلام على الموجودين بدأ : وين ** ك, يا محمد, شكون ميزال توّا؟


رد عليه الحجّام : ميزال الراجل و واحد أخر

بزقليف : أنا نحبّ نحجم توّا, وتوّا ماش تحجملي

السيّد بزقليف شارب و رائحة الخمرة تعطره , و الحجّام ميحبش مشاكل , قعد يهدي فيه و يقله هاو نكمل و نحجملك


متلفتلوش , و عملت روحي مافيباليش بيه ,و الحجذام يهدي فيه


بزقليف : توّا تحجم ل**ي , و الا ن**** الحنوت , و نفزد **ه, أنا توّا نحب نعمل 1000 ** مشكلة , توا نحبّ نعمل 1000 ** مشكلة


وقعد يتجلغم على هذا النحو مدة, و أنا معلبليش , و الحجّام يسايس في روحه لآن السيد سكران , و حكاية السكر و العربدة حاجة عادية في الحومة


طفّ , ماذا جرى؟ ثمذا تليفون ينوقز , طلع تليفون بزقليف , مده من جيبه بتثاقل و هو يترنحّ و قال : أه , عرفي


خرج قدّام الحانوت و قعد يحكي : أهلا عرفي ... اتهنّا ... غدوة يكون موجود .. لا مثّما حتى مشكلة ... حاظر , اتهنّا


كمل التلفون و دخل و جاء بحذى الحجّام و قله بكل هدوء و بصوت منخفض : نمشي نوصل فلان و نرجع ؟


طلع عامل كعبتين و جاء يتجلغم باش يقولو راجل ,الشتلة هذه من فصيلة بزقليف , اللي يعمل كعبتين يولي يشوف روحه أسد


_______________________

تقبل الاجتهاد , عبراة متداوة يذكر فيها الله : **

نسّم علينا الهواء


هذه التدوينة تحتوي عبرات و صور , قدّ تخدش حيائك, فان كنت ترى في هذا إزعاج لك فرجاء تجنب قراءتها , شكرا

السنة هذه شهدت برشا تطوّرات كبيرة برشا , كانت في مستوى التحدّيات


تطورات على مستوى المحتوى الإعلامي الراقي اللي قاعد يقدّم في الساحة الإعلامية التونسية, كانت بالبرامج الراقية في قناة تونس 7 اللي شهدت اقبال كبير برشا عليها من كافة الشرائح العمرية و لأول مرة يوصل الوعي الى تنبيه المشاهدين الى العمر القانوني لمن ينصح له بمتابعة البرامج أو بالأصح المسلسلات , ملاّ وينك انت؟ مرّة ممنوع على الأقل من 12 و مرة ممنوع على الأقل من 16 , أما خسارة مثماش الممنوع على الأقّل من 18 كيف ما يحب بعض المهرجين التوانسة


من الطبيعي أن القنوات التلفزية تحاول انها تستقطب أكبر عدد من المشاهدين, لكن الموش مقبول هوّ أن يتحول الجلوس و متابعة القنوات الوطنية مع العائلة الى احراج و تولي تحط أي قناة غربية سواء أوربية أو حتّى أمريكية أرحم برشا من الي قاعد يصير على قناة وطنيّة , ستر ربي أن ميزانيتها تقتطع من جيبي كيف ما يصير لكّ مغلوب على أمره يخلّص في الستاج


وكيف العادة يكون الشعار : الحرّية , و اللوغة المتعفنة اللي يطلع بيها المروجين لهذه البرامج و اللي همّا بالاساس المستفيدون الرئيسيون من هذه البرامج, و انت تقلق؟ جرب حل فمك و قول شنوّة هذا و تشوف الجوّ كيفاش يولي من حولك , توّلي انت ضدّ التقدم و الحريات و ضدّ كلّ جديد , وميزلت تنجّم تحّل فمكّ؟


و مرتّ الأيام و انتهت الضجة الإعلامية الى أن نسم علينا الهواء من قناة المغرب العربي الكبير كما يحّب البعض أن يروج لها, و ما أعذبها من نسمة و نسم علينا لوغة من الحزام لوطا, و ما يلزمكش تحّل فمك باش متوليش ظلامي


توّ بربي شنية المشكلة في" نص ميترو في كلسونة" ؟ فيها حاجة ؟ أكيد مفيها شيء, أما أنا عندي برشا حساسية من الموضوع و قاعد نبالغ فيه, و شنّية المشكلة في شخص يحّوس و في جيبه واقي – بريزربتيف- ؟ أما أحسن و الا تكون العلاقة الجنسية من غير حماية و اللي ممكن ينجرّ عنها أمراض, ماو لازم نوّعيو الشعب, و التوعية مسؤولية الإعلام, و هذه قاعدة تمّ على قدم وساق, و ان كان البعض من اللي يتم طرحه يكون في شكّل كوميدي


starwars.smokeyoda


و اللي يعجبك أن موش نسمة أو تونس 7 هي أوّل قناة تقوم بهذه النوع من الهزل؟ هاو ثمّا شكون عاجبه و جايث زوز فيدوات و عامل بيهم كيف و يوري فينا اننّا على الدرب السليم و ان هذه المواضيع يتم طرحها بهذا الشكل في دول عربية أخرى, مكش مصدّق ؟


هاو ثمّا شكون عجبتو الحكاية و وفرلنا فيديو

الفيديو من الفايسبوك










يمشيش مخّك لبعدي. ردّ بالك . الحكاية بكلها على البيزا و العجين, موش على الاكس اكس أحّ كيف ما قال مهرجّ تعيس في برنامج ثقّافي,


Pizza0


حلوة اللقطة؟ كان معجبتكش معندكش ذوق و طلعت كيفي, و السيّد اللي عاجبه الشيء أو حتى" الاعلامية" اللي الصباح قاعد نقرأ في جريدة تونسية لقيتها عند صديق تقول انها تجاوزت الخطوط الحمراء و مهياش نادمة , منّجم نقلّها كان صحّتك اقعد لغادي, هذكا هوّ مستواك و ما تنجم تنجح الا بالأسلوب هذا, كيف برشا من اللي يغنّيو وقت عرف وان صوتهم ما يوصلش, خدمو بشعار : اشلح تنجح


أش جاب ماجدة الرومي أو أي فنانة عندها صوت , لكمشة من الرهوط هاذم ........ لبسين من غير هدوم , عرفو أش يحبّ المكبوتين جنسيّا


أما علاش ناخذو كان العرب المتخلفين مثال ؟ أحنا تحلينا, نكملوها للنهاية؟


هذه البداية, في هولندا المخدّرات حاجة عادية, يعني مهياش ممنوعة, تنجم تمشي لبار و تدخنها و ما تاخذش عام حبس و 1000 دينار خطية , أيّا نحلو حتّا أحنا اللعب ؟ موش الشعب يحب اللعب ؟


hashish


في السويد و فلندا المثالية الجنسية شيء يسمح بيه كيف في هولندا و بعض الوليات الأمريكية و بعض البلدان الأوربية, نحلو اللعب في تونس ؟ أبقا الإيحاءات الجنسية ميسالش و البقية لا؟


366px-Double_Venus.svg


و من روائع الحرية أن الانسان ينجم يعمل تصرفات حلوة براش كيف هذه


Promotion)

حملة دعائية يقوم بها بعض أعضاء راديو في فيلندا للتروج لبرنامجهم ,


ماهمش عرات كيوم ولدتهم أمهاتهم , أما لابسين كلاسط-جوارب- على أعضائهم


ولغة الخطوط الحمرات اللي يحب يتجاوزوها ما هي موجودة الا في الأخلاق ؟ مثماش خطوط أخرى حمراء تحبو تتجاوزوها ؟

the-parisians-time-for-nothing-more


و أبقا اللي يجي من المشرق هوّ غزو ثقّافي و اللي يجي من أوربا هو الانفتاح ؟


وينو الانفتاح على مستوى التعليم العالي الي ماشي لتالي, وقت اللي طالب في مؤسسة علمية يقوم ببحث لفائدة مختبر و ميلقاش موارد لاستغلالها و ما يلقاش مجلات علمية كيف ما يلقى أقرانه و اللي أقل منه في الجامعات الغربية, أبقا في الاكس اكس أح نتبعوهم و في "أنا أفكر أنا موجود" و ""الحرية هي المسؤولية" - جورج برنارد شو- و "العدل أساس العمران" نبعثوهم ؟


منيش مع الاغلاق أمّا مع تغيير المحتوى مع ما يلائم ثقافتنا, و الى أنا يحصل هذا , أنا أرفض نسما و أشجع على مقاطعتها



المسيح يحبك


دخلت كيف العادة نشوف في أخر الأجواء في الفايس بوك و على الايميل , و نطّ من الشباك , و قد عرض عليا التعرف على دينه , لأنه كان مسلم قبل أن يتحول الى المسيحية , دام الحوار طويل و لم يقنعني لتغيير ديني , و أنتها بطلب عنواني و رقم الهاتف و إعطائي رقم هاتفه و طلبه مني أن أبقى معه على اتصال مع تسجيلي للحوار كامل

اذا كان المسيح يحبني , اذا أنا واصل


أما كيف ما كلوندستان فسر معنى كلمة عبارة دخول و خروج , بشرح مفصل , فقد وجب ذكر معنى كلمة المسيح يحبك , لأنه موش حب من طرف واحد و انما حب من أطراف متعددة


ساعتين و نصف و هوّ يحكي على المسيح و يقلي انه يحبني , شيء قوي و الأكثر يحكي على كون المسيح هوّ المخلص , ممكن يقصد انه مميكن يعطيني فيزا كيف الجماعة؟ وقتها نقلك مخلص , لأنهم في كثير من الحالات يكون ثما اتفاق بينهم و بين بعض الشركات قصد توفير موطن شغل للمتنصرين الجدد , و الا تتصور ممكن هذا الشيء يتعدى في تونس ؟


أول مرة نتعرف على شخص مسيحي كان وقت عمري ثلاثة سنين وقتها تعرفت على مرت خالي الأجنبية , اللي خذها و قت كان يقرأ في الخارج , و نهار اللي رجع معها و على اساس انها مرته , العائلة رحبت بيها و لكن مع تحفظّ على اختياره , كانت تلبس الصليب في رقبتها , و هذه حاجة تخصها لأنها مسيحية , و كنت نسأل هلّ هذا يعني شيء معين كونها مسيحية في تونس ؟ و كانت الاجابة ان عديد الجاليات الغربية تمارس شعائرها الدينية من غير أي قلق في تونس , حرية ممارسة المعتقد, و نتفاجئ اليوم وقت نشوف جروب في الفايس بوك للمسيحيين المضطهدين في تونس


السيدّ المبشر اللي حكاء معيا , كان يحاول انه يستهزئ من صلاة المسلمين و من القرآن ,و كانت حجته أن العرب متخلفين بسبب الدين و بسبب الاسلام


لقد تم القتل باسم الرّب و استغل الدين لتمكين للكنيسة من الهيمنة و التوسع كقوة لا يجب الاعتراض عليها لأنها ارادة الربّ المخلص و كل من يرفضها هوّ محارب للربّ و قد وجب قتله , و قد أوجدت جبهتان , الأولى ملائكة و الآخرون شياطين و كلّ من يأتي بما يخالف ذلك هوّ مهرطق وجب حرقه , كما صار لمتداول كتب ابن رشد في بلاد الغال يوم كانت الكنيسة تحكم و تحاكم و تحرق البشر


جاليليو جاليلي

225px-Galileo.arp.300pix


عالِم فلكي وفيلسوف وفيزيائي إيطالي, علامة ان صحّ التعبير , اش صار فيه؟


تم نفيه الى بقية عمره في بيته كعقوبة بديلة عن الاعدام , توّ بربي هذه الكنيسة المخلصة؟ و الأكثر هو يوم أن تم عزل الكنيسة من الحياة العلمية وقتها بدات المراجعة الفكرية


محمد بن الحسن بن الحسن بن الهيثم أبو علي البصري

225px-Ibn_al-Haytham


عالم عربي في الرياضيات والبصريات والهندسة, وله العديد من الكتب و الاكتشافات العلمية التي أثبتت اليوم و البعض منها ينسب لغيره زورا و بهتان


أش صار فيه؟ تحرق؟ تنفاء ؟


لا مصارله شيء , بالعكس كان علامة زمانه و كان يساهم في رقي المجتمع العربي و الاسلامي


مثال أخر : في نهاية القرن 16 برز نجم جيرانو برونو , الذي قام بالبحث في اكتشفات كوبرنيك الذي قال بدوران الارض حول الشمس , لكنه رمي الى السجن لمدة 6 سنوات , 6 سنوات موقوف على ذمت التحقيق ... بسبب شكون ؟ موش الكنيسة ؟

و حوكم كيف كلّ المرطقين و تعرف واش صار فيه؟


فى عام 1594م تم القبض على برونو, وسجن لمدة 6 أعوام حتى ينظر فى أمره. وفى عام 1600م, تمت محاكمته وإدانته. ولأنه رفض الإعتراف بجريمته وخطئه, حكم عليه بأقصى عقوبة. وفى ميدان الزهور بروما, وبعد أن ربط لسانه وجرد من ملابسه, قيدت يداه ورجليه فى قضيب من حديد. ثم بدأ حرقه حيا وسط جمع غفير من المؤمنين الأبرار, اللذين ظلوا يهتفون بالموت للكفار


في حين أني أجد على مر التاريخ علماء مثل الفرابي و بن الهيثم و بن الجزار و ابن سَمِجون غيرهم من الذين طور العلوم و ساهم في تحسين حياة البشر و كان لهم نصيب في الميدان العلمي , حتى ان الشافعي كان له نصيب في ميادين أخرى مثل الفلك و الطبّ و ان كان لم يصلنا اليوم منها شيء يذكر لأنه يكن الميدان الذي تخصص فيه مقارنة بالعلوم الدينية, و مثماش شكون حرقهم أو قتلهم بعد اصدارهم نتيجة أي بحث علمي كيف ما صار مع غيرهم اللي عاشو في نطاق هيمنة الكنيسة


الدين و العلم , هل يعقل أن من حارب بالأمس العلم يأتي اليوم ليستفيد من ثمرة إقصائه من الحياة العلمية؟


مهزلة العقول العقيمة


لكن السؤال اللي يطرح نفسه بشدة علاش الدول العربية متخلفة رغم هذا التاريخ العريق؟


و هل يعيش البعض أزمة هوّية ؟ و الا خلينا نقولو هل في الدول العربية مناخ مشجع على الابداع و التطوير؟



من حقّك باش تعبرّ و تعيش عبد على هذه الأرض


بعض الذكريات الى اليوم منجمش ننسها و الى الأن كل ما نتذكرها نقعد متقلق و كاره العيشة اللي عشتها , على رغم ان البعض فيها يعود الى أيام الروضة و المدرسة الابتدائية


من بين اللي نتذكرها في القراية بعض الممرسات في الروضة من قبل بعض المروضات , و العقوبات كانت تتنوع من الشتم الى العقوبات الجسدية


مثماش ديما سبب واضح للي كان يصير , و انما مجرد شخص يحب يقول انه موجود , و يحبك تسكر فمكّ


وقت نحاول الليوم نفهم اللي صاير , نشوف ان الشخص اللي مارس على من لا حول له و لا قوة بطشه أو جبروته , شخص كان في مرحلة من حياته محقور و مكانش ينجم يفرض احترام الاخر , و في الغالب هي أفراد تعيش حالة من الضياع في مسألة تحديد موقع الذات بين ما يحيط بها , بعبراة بسيطة , هوّ انسان معقد


اليوم نشوف حالة مشابه من التعسف و عدم الاستماع للاخر , رغم ان السبب ما تيعداش كونه المطالبة بالسكن الجامعي الا انه يتحول الى اقامة في زنزانة


زعمة علاش ؟ كسروّ حاجة ؟ و الا تحل فمك تبات في التخشيبة؟


عمره ما المطالبة بالحقّ ما تساهم في تخلف المجتمع بالعكس , أما اللي يساهم في التخلف هو عدم محاسبة المقصر المتعمد , و كذلك اللي يمنع الشباب من التعبر عن ذاته , أما البعض لا يفقه أن الكبت و التعسف و البطش وتسكير الجلغة بالقوة هوّ اللي يخوف و هوّ اللي ممكن يجعل الامر يتدهور


أساند الطلبة في التعبير عن حقهم المشروع في السكن الجامعي و في الاحتجاج السلمي




22338_104864086207254_100000509892257_129649_3672794_n



الحمار عمّار 404

الحمار، حيوان مستأنس من الجنس الذي ينتمي إليه الحصان، يعيش أيضا بصورة برية في صحارى أفريقيا وآسيا وبراريها. الحمار من العائلة الخيلية، رتبة: فردية الحافر، من شعيبة: الثدييات، من شعبة: الجليات التابعة للمملكة الحيوانية من الكائنات الحية. هو الرفيق الدائم للإنسان، حامل المشقة، والمسأنس منه مع تنوع عائلته، مايزال في دوره القديم، رغم أن قريبه الأوناغر البريّ مهدد

المصدر


مقواك , هاو طلع عندك أصلّ , و أنا نقول عليك برشا حوايج خايبة


أما كلّ مرة تزيد ترسخ عندي فكرة كونك حمار و طاستك فارغة يا عمار , مع اعتذاري لكل من أسمه عمار و خاطيه الشيّ

danky

موهر عميراتو , أما تقعد ديما عاجز عن كتابة مقال واحد في مستوى أفكار ليلية , يا متخلف عفّ علينا من تخلفك



ماكثر ربي كان من الشلايك


سيّب طارق يا حيوان


بين الأمس و اليوم , تاريخ يراد أن يعيد نفسه


بعد المخاض و انقشاع الضباب , تبينّ أن


بعد هذا المخاض العسير , حدث ما لم يكن في الحسبان , فلقد صار الشعار : تحل الصرة تلقها فارعة


فقد أثبت الفحوص للشخص المريض , أنه مصاب بما يسمّا الحمل الكاذب


Pseudocyesis


هي حالة تصيب النساء اللاتي يبحثن عن الإنجاب دون ان ينجبن حيث تظهر بعض العلامات والأعراض في الحمل الكاذب كانقطاع في الدورة الشهرية وانتفاخ في البطن وتغييرات في الثديين فتعتقد المرأه اتها حامل وتتهيأ لذلك نفسياً والفحوص المعمليه والطبيه تنفي تماماً حدوث الحمل". و جدير بالذكر بأنه يصيب الحيوانات أيضا: كلاب و فئران ...الخ الخ


و لم يكن الردّ الا مقال هزيل تافه يقطر حقدّ و ينشر من الكراهية ما لم تعهده هذه البلاد قطّ الا لما كان المستعمر الغربي يستبيحها , و ذهب البعض من الذين انساقوا لما سار عليه لمساندته في المطالبة بالتطهير العرقي بتشجيعه و مواساته , ليتبن أنهم حسابات وهمية , موش قتلك تحل الصرة تلقها فارغة؟



و اذا عرف السبب بطل العجب

screenshot.13


اذا كان أدولف هتلر هو مثله الأعلى فقد وجب التذكير بالتالي


600Hitler-car


عاش هتلر طفولة مضطربة حيث كان أبوه عنيفًا في معاملته له ولأمه. حتى إن هتلر نفسه صرح إنه في صباه كان يتعرض عادةً للضرب من قبل أبيه. وبعدها بسنوات، تحدث هتلر إلى مدير أعماله قائلاً: "عقدت - حينئذ - العزم على ألا أبكي مرةً أخرى عندما ينهال علي والدي بالسوط. وبعد ذلك بأيام، سنحت لي الفرصة كي أضع إرادتي موضع الاختبار. أما والدتي، فقد وقفت في رعب تحتمي وراء الباب. أما أنا فأخذت أحصي في صمت عدد الضربات التي كانت تنهال علي مؤخرتي.


هل مؤخرتك بخير يا ولدي؟


لبدّ أنك عشت ظروف قاسية , أو انك عشت فترة مراهقة حطمت فؤادك , فجعلت تبحث عن السبيل لتبرز وجودك , فما وجدت في من حولك اهتمام بك , و وجدت طريقك للبروز بعد أن وجدت في مختلّ عقلي مثلا تقتدي بهي و , مختل جعل هذا العالم يشهد بغباء الفكر القائم على التفوق العرّقي , فحجة شعب الله المختار التي تستخدم اليوم , كانت بالأمس شعار مجرم شهير في تاريخ البشرية, أباد البشر و قتل من حوله ليصل للسلطة , بلّ وصل الى حدّ قتل بعض ضباطه الذين لم يوافقوه في الرأي , و لكن رغم هذا لم تكتفي , فأنت كعدد من النازيين الجدد الذين لو وجدوك أمامهم لجعلوك تحت أقدامهم , فبرغم تشبعك بعقيدتهم الا أنك من عرق أقل مستوى منهم كما يعتقدون



النازيون الجدد

0,,572023_4,00

20080922-bpp111


و اذا بك تحاول أن يعيد التاريخ نفسه , فانبريت في جعل كل مصائبنا نابعة من العرب , و أن حلّ يكمن في تهجير من لم يوفقك في الرأي , ان لم يكن في تطهيرهم عرقيا


بعد تمكنه من إحكام سيطرته على السلطة السياسية بشكل كامل، حاول هتلر أن يكسب تأييد الجماهير لسياساته عن طريق إقناع معظم الشعب الألماني بأنه من سينقذهم من موجة الكساد الاقتصادي التي اجتاحت العالم، وكذلك من معاهدة فرساي والشيوعية و"البلاشفة اليهود" (الذين أثروا سلبًا على الحركة الشيوعية في الفترة بين الحربين العالميتين الأولى والثانية) وكذلك من تأثير الأقليات الأخرى "غير المرغوب فيها". واستأصل النازي كل معارضة صادفته عن طريق العملية التي أطلق عليها التنسيق بين كل الأنظمة ودمجها في نظام واحد (بالألمانية: Gleichschaltung)."


هل تعرف مصدر فكره؟



379px-Bundesarchiv_Bild_183-S33882,_Adolf_Hitler_retouched


تعتبر الصحة العنصرية (شكل من أشكال العنصرية العلمية) واحدة من الركائز التي التي أسس عليها هتلر سياساته الاجتماعية. ويستند هذا المفهوم على أفكار آرثر دي جوبينو - وهو أحد نبلاء فرنسا - ،وعلى علم تحسين النسل؛ وهو علم زائف يتبنى فكرة النقاء العرقي، وعلى الداروينية الاجتماعية، وهي الايدلوجية التي تتبنى فكرة أن الارتقاء البشري يحدث نتيجة للتنافس بين الأفراد والجماعات والأمم. وعند تطبيق هذا الأفكار على البشر، تم تفسير مبدأ "البقاء للأصلح" على أنه يهدف إلى النقاء العرقي وإبادة كل "من ليس جديرًا بالحياة". وكان أول ضحايا هذه السياسة هم الأطفال من ذوي الإعاقات البدنية أو العقلية. وكانت عمليات قتلهم تتم في إطار برنامج أطلق عليه اسم (برنامج القتل الرحيم) (بالإنجليزية: Action T4‏). وبعد اعتراض الشعب الصاخب على هذا البرنامج، تظاهر هتلر بإيقاف العمل به، ولكن في حقيقة الأمر استمر القتل.


و زيادة على هذا


كانت عمليات القتل تتم بشكل أقل تنظيمًا في أماكن أخرى. فبالإضافة إلى الأفراد الذين كان يتم التخلص منهم بالتسميم بالغاز، لاقى كثيرون حتفهم نتيجةً للتجويع والإصابة بالأمراض أثناء العمل بنظام السخرة (أحيانًا كانوا يعملون لصالح الشركات الألمانية الخاصة). وفضلاً عن قتل اليهود، تعرض آخرون للقتل أمثال بعض البولنديينمن غير اليهود (بلغ عددهم أكثر من ثلاثة مليون فرد) والشيوعيين أو الخصوم السياسيين وأعضاء جماعات المقاومة والمثليين جنسيًا والأفراد المنتمين للقبائل التي تحمل اسم روما (وهي مجموعة فرعية من الغجر تستوطن أوروبا الوسطى والشرقية) والمعاقين بدنيًا والمتخلفين عقليًا وأسرى الحرب السوفيت (ربما بلغ عددهم ثلاثة ملايين شخص) والمنتمين للطائفة المسيحية التي أطلق عليها اسم شهود يهوهوالمؤمنين بفكرة البعث الثاني للسيد المسيح والوثنيين الجدد وأعضاء النقابات العمالية والمرضى النفسيين. وكان مجمع معسكرات الإبادة الذي يطلق عليه معسكر اعتقال اوشفيتز بيركيناو قالب:بولنديةواحدًا من أكبر المراكز التي تتم فيها عمليات القتل الجماعي في ذلك العهد. ولم يقم هتلر أبدًا بزيارة معسكرات الاعتقال، كما لم يتحدث أبدًا علنًا عن عمليات القتل التي تتم فيها بعبارات صريحة


800px-Buchenwald_Corpses_60623

جندي أمريكي يقف بالقرب من حافلة تحمل أكوامًا من بقايا جثث خارج أحد الأفران الخاصة بإحراق جثث الموتى في معسكر اعتقال Buchenwald الذي كان قد تم تحريره مؤخرًا


المصادر

http://ar.wikipedia.org/wiki/أدولف_هتلر

http://en.wikipedia.org/wiki/Adolf_Hitler


هل تعرف من هتلر يا غلام ؟ لو وجدك أمامه يوم كان حيّا لأرسلك ليستخرج من جسدك الزيت فيصنع منه الصابون


أمّا الجهل مصيبة


اللهم احفظ هذا البلد من كل شر محدق و من كل نفس أمارة بالسوء


يتبع

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام