Hadhaa Ana!

... برشا حديث و حكيات

المسيح في تونس


screenshot.8


أن يكون المرء سلعة رخيصة تباع و تشترى فهذا شيء متوقع من قليلي الذمة , لكن أن تكون بوق الكراء فهنا يتفاوت الأداء


كان في القديم يشتر الحكام و الملوك الشعراء لينشد فيهم قصائد في المدح لقاء بضع الدراهم , أما اليوم فتشتري بعض الكنائس بعض بني جلدتني مع رشوة من العيار الثقيل : فيزا و خدمة


كيف شلة المسيح في تونس , اذا تسمع كلمة المسيح في تونس أول حاجة تتبادر الى ذهنك هيّ , شكون اللي في تونس ؟


و يكون الردّ متعهم :المسيح


kjip4


همّا من جيهة يقولو انه تصلب و من جيهة أخرى يقولو انه يحوس في تونس , شيء غريب


برّا معليناش , نقول وانهم مجموعة تدعو للتنصير , أما لأي ملة منهم ؟ كاثوليك ؟ بروتستانت ؟ يحكيو تقولش عليهم بكلهم ملة وحدة , و الا على حسب الظروف يبدلو ؟


و قدذاش من انجيل عندهم؟


برّا معليناش , و نقولو انهم على فرد ّ ملة , و بكلهم مسحي قلب و قالب , لكن وقت يجي شخص كيف زميمهم , اللي ميتسماش و يكون أصيل منطقة ريفية و هو شيء لا يعاب , أما هوّ يشوفه عيب , الشئ اللي خلاه يفرض على عائلته باش تهاجر الى المدينة و يغير اللهجة متاعه و كله نقمة على ما حوله , و يصرّح انه مستعد لتغيير دينه لا لشيء الا حتى يحصل على جنسية ثانية و يمر الزمان و يتعرف على بنت حلال , ماو الطيبين للطيبات , و تهزه معها و يبدل الدين متاعه و يرجعلنا بثوج جديد بعد أن تحصّل على الجرين كارت , الطمع يعمل , و بعد كل هذا يجي يحكي على الدين المسيحي على انه يهدي من الظلمات الى النور , منيش نحكي على الديانة المسيحية بشكل كلي لكن نحكي على الشلة القادمة من الغرب , و اللي انطلقت للتنصير


المعادلة سهلة للغاية , شباب يحب الهجرة و العيش الكريم , و وضع مادي متردي عن العديد منهم و مع اضافة بعض النشوة يتحول الامر الى كارثة على أقوى المقاييس ,


منيش ماش نمشي لبعدي , في الصيف أو حتى الأن تشوف الشباب الي اللي يتربص بالسائحات و يحاول التقرب منهم , و بعد جهد يختلف من حالة الى أخرى , تجدهم في علاقة , ممكن تسمى صداقة , و لكن الهدف منها هو الفيزا , و مع مرور الايام ينجح البعض في الخروج , لكن موش الكل يكتفي بالخروج , لأن البعض وقت يغادر يقبل بشرط تفرضه عليه هيّ و هو ترك الدين , كيف سي الشباب اللي سبق الحديث عنه , و لأنه موش الحالة الوحيدة , و لكن للأمر بقية , في البداية يغير الدين و قد يغير الاسم و قد يحتفظ به ليعود و يشتعل مبشرا و يستفيد من كونه من بني جلدتنا و يتقن لغتنا , و من ثم يحمل المشعل بعد أن يتشبع ببضاعتهم حتى لا يخاف عليه , و يحمل في يديه الى من حلوه و من يعرف دعوته التي تتكون من وعد بالهجرة و بما سبق ان وعد به و وعد بالمال اذا قبل أن يترك دينه و زيد يكتبو في الموقع متاعم قبل حجبه في تونس


ويجي شكون يقلك وصلت للخلاص منذ أن قابلت المسيح , قابلت الرب , و لمس قلبي


منعرفش اذا المقابلة تمت فاس أفاس , و الا عبر وسيط يكون هوّ اللي ينقل الرسائل هذه


و من بين اللي يحكي بانه مسيحي طلاب تونسا , كيفاش صار التحوّل ؟


الله أعلم , أما الأحلى منها هو حكاية الاضطهاد الديني , ماو اللي يحب يدبر فيزا في مصر من الأقباط يقول , مضطهد في بلادي , أما الأحلى منها هي هذه


16976_244307342595_134285162595_3350239_3180894_n


اللي يحب يدبر فيزا و دزة متع فلوس يقلب الفيستا , كيف في مصر و في الجزائر و المغرب


20061_257059978980_253021668980_3268569_5774688_n


و اليوم يأتي شهود يهوه للتنصير في تونس , و حلوة برشا أن يتم التحول الى وصف الكنيسة على انها المخلص و الداعم للتطور اللي وصله الغرب , في حين أن الغرب لم يتطور الا لما اقصى الكنيسة من الحياة العلمية و الأكاديمة


اذا ثمّا شكون اليوم يشكك في حقيقة حرب التنصير فما عليه الا أن يبحث عن : مؤتمر كلورا دو 1978و منظمة كاريتاس ، و جمعية برنارد


فيديو للتنصير على يد الجيش الأمريكي موش في تونس , أما اكتشفو وحدكم











من يقف خلف الصفحات المشبوهة في تونس ؟

n278141639027_8917

http://www.facebook.com/pages/lft-lmsbwh-ly-fysbwk-mn-yqf-wrh-wmhy-hdfhm-2/278141639027?ref=mf

المسيح ماهوش في تونس .. برّاو لوّجو عليه بعيد

20061_258300573980_253021668980_3272897_7520799_n

http://www.facebook.com/pages/lmsy-mhws-fy-twns-brw-lwjw-lyh-byd/253021668980?ref=sgm


و في الختام , ليبارك الربّ هذا أنا

تمخّض القذر و ولد فأر و ازداد بعد هذا عهرا


تونس , أو الجمهورية التونسية , قدّاش حجمها ؟ حكاية فارغة مقارنة بالجزائر و ليبيا و غيرها من البلدان , سويعات و تقطعها من بنزرت إلى برج الخضراء , زوز ميترو في زوز ميترو , و من أشد ما يمكن أن يحصل هو أن تتحول البلاد الى شيء يشابه الحالة اللبنانية أو الى ما قد يكون مشابه لها : طوائف و جماعات عرقية و هات من اللوغة هذه


من بين أحسن الأشياء اللي عملها بورقيبة هي انه نزع حكاية العشائر , و القبائل , لأن تونس على صغر حجمها , ما تستحملش من هذا القبيل , في اليمن الى اليوم ثمّا القبيلة و العشيرة , في السودان , و حتّى في الكويت اللي هي أصغر من تونس و اللي يبلغ حجمها 17,818 كلم مربعّ , و اللي أقل من تونس بعشرة مرات , تعاني من تمزق داخلي بسبب وجود العصبية القبلة


وقت نحكيو على القبية , العشيرة أو الطائفة , نوصلو بشكل مباشر الى النزعات , على السلطة على النفوذ , على المراعي كيف اللي يصير في السودان , و الأشد ان الجهل هو اللي يحرك النزعات هذه


و لكن على ما يبدو ان تونس تتحول الى هدف , من قبل بعض القذرات المنحلة , اللي تنبش و تلوج على حاجة ضايعة , على قصة , على فكرة , على وهم , على أي حاجة باش تساهم , موش تساهم في تقدم البلاد , لا , اش من تقدم , كان لزم يحبو يقسموها و يردوها حوّم و كل حومة تحمل لواء عشيرة , كيف حكاية الأمازيغ في تونس


هل تونس عربية أم أمازيغية ؟ برّ نسألو كل واحد في الشارع , و نشوفوه , أما بربي دقيقة , شنوّة لازم باش تكون تونسي؟ جنسية ؟ أم يكون أمك و بوك توانسا؟ برّ معليناش , أما باش نفهمو الحكاية مع "تمزيع تونس بالقوة" لازم نفهمو الفكرة ,


تونس أمازيغية بالقوة , تحب أو تكره , اذا نعمل استطلاع للي يعيش حولي , و نسأل هل أنت أمازيغي؟


بصراحة الحكاية مهياش بسيطة , هل الأمازيغ بيض البشرة ؟


على حدّ علمي لا


هل عيونهم زرقاء أو خضراء أو عسلية ؟ على حدّ علمي لا , شعرهم أشقر؟ أحمر ؟ أكحل؟


على حد علمي بنّي


ملاّ الشعب اللي عايش في تونس اللي تتوفر فيهم الخصال هذه متع العيون الغير بنية و الشعر الغير بنّي و البشرة الغير سمراء , همّا سيّاح؟ حارقين لتونس؟ شكونهم ؟ و البشرة متاعم سوداء؟ مهمش أولاد بلاد؟


على هاللوغة هذه شطر الموجودين في تونس مهمش أولاد بلاد , و الأكثر أن يجي شكون فرخّ أو بزقليف , و يقلك نحن أمازيغ : شتلة صافية


تونس سكنها على مرّ التاريخ : الأمازيغ + القرطاجيين + الوندال + البيزنطيين + الرومان +الأتراك + ...+الخ الخ


بكلهم اندثرو و مخلاوش وراهم شكون حيّ و قعد كان الامازيغ؟


اذا تشوف المجتمع التونسي تلقاه خليط من كل كل الشعوب اللي مرت على هذه البلاد , تشوف في نفس العائلة شكون عينه زرقة و الأخر بنية , تشوف من الشقر الى السمر , و الأمازيغ اللي محصل تغيير على العرق متاعهم ما هم الا قلة , ممكن تقول الجزائر , نقلك صحيح , لكن هذا الأمر موش صحيح في تونس , وهذا ما ينفيش ان تونس دولة متعددة الاعراق و أخر من سكنها هم من العرب و الموجودين الأن مهمش عرب صافين و انما نتيجة تلاقح تمت على مرّ قرون من قبل كل من سكن البلاد


لكن على ما تبين في القترة الفارطة ان البعض لا يفقه أن تونس على ما فيها من مشاكل : بطالة , أمية, وضع اقتصادي ياخذ و يعطي , مهياش في حاجة لفتن من هذا القبيل , بلّ يصرون على العبث بعقول الصغار و استغلالهم لتمرير مشاريع حقيرة و على قد من القذارة و العفن


قريب ماش يقولو برّا نصفيو كل من لا يتوافق مع كرّاس الشروط متاعهم , برّا نعاودو اللي عمله هتلر ,أو برّا نقتلو على الهويّة


و الحكاية همياش مربوط بالقضية الأمازغية و انما بهدف وحيد وهو زرع الفتنة و الفرقة في البلاد , و الحكياة الامازغية ما هي الا الطاقية و الحجة الواهية التي يتم اسخدمها للتحقيق المأرب و الوصول الى زرع الفتنة


كلذ مرة نشوف صفحة مشبوهة , تجيب أفكار غريبة , أفكار تدعو الى أشياء قد لا تخطر على بال الا و تشوف فيها شخص أقل ما يقال عنه انه جربوع كيف برشا عباد معليناش بيهم , باذن الله ماش يجيهم الحديث عن قريب


بطل المرحلة هو أحمد ايزام


screenshot.3

فرخ الفايس بوك اللي ميزال وسخو في سروالو و كل مرة تشوف منه طلعة حلوة , أحمد ايزام اللي عامل صفحة تونس أمازرغية و اللي السواد الأعظم لمتمين ليها هم من الجزائريين و المغاربة و لأنه لم يجد للتضخيم الأمر بدّ , فقد بدأ باضافة عدد من الحاسبات الوهمية , لا لشيء الا باش اللي يشوف يقول , و الله ثمّا منها الحكياة


مثال للحسبات الوهمية و شوف الجروبات المنتمي ليهم , رغم ان الحساب ميزال جديد


20549_271186277468_264284647468_3497797_2170219_n


و هذه صدفة ؟


20549_266334867468_264284647468_3481413_3759744_n


و تزداد الصدف غرابة وقت شنوف هذه , حتى علم تونس مش مستعرف بيه


21940_259506719559_245003184559_3200466_7820744_n


و للحديث بقية


22749_265957412468_264284647468_3479778_3581017_n


توّا هذا يقول انه يهودي و في نفس الوقت أمازيغي ؟ أبقى العرب مهمش أولاد بلاد أما اللي يستوردو فيهم لتوطينهم في أرض محتلة هو الأخ؟


و بعدين يزيد يكمل يبدل علم تونس قبل ما يستدرك الأمر و يعدّل صورة الجروب , علاش ما يبدّلش ؟ موش ضبع؟ و الضبع يتلون على حسب الحاجة ؟



و قبل كل شيء بربي اسم أحمد أمازيغي أو عربي ؟


و يجي أحمد ايزام و يقول بكلّ وقاحة :


1


و يجي يقوم بشوية استفزاز و محاولة للسخرة من الدين و نشر للمسيحية


16244_1235697245617_1024781237_30650024_3303162_n


و لأن الأمر يستوجب حوار بناء

مع استغلال شاب مراهق لم يبلغ العشرين من عمره


screenshot.1


انك تكون مسيحي فهذا شأنك لكن التهجم على دين و محاولة اسخدام التاقية الامازغية لتمرير مشاريع قذرة فهذا شيء لا يمكن السكوت عنه , من بين أصدقائي منهو مسيحي , والشيء الوحيد اللي ممكن نقوله هو ربي يهدي ما خلق, معنديش مشكلة معها لأنه وقت تحكي معاه يكون الحديث مبني على العقل , أما وقت يجي واحد لا عقل له , وقتها الحديث ياخذ منحى أخر

, الى الأن منيش فاهم شنوّة العلاقية بين تونس أمازغية و بعض الجروبات على الفايش بوك اللي تثير الريبة


أحمد ايزام نحب نقلك

smile_often


اليك يا عميراتو


محلاك و انت موهّر , زين و عين , نجيب حوت و خمسة و قرن غزال؟ بالكش تؤمن بالتطير , الله أعلم , مشاء في بالي ان اللي عندهم مستوى سنة ثالثة ابتدائي تنتشر عندهم الحكيات هذه


المهم , سي عمّار , أو علاش السي ؟ نقولوها ديراكت , عمّار ....عمّار حاف


يا عمّار , يا أشد العاملين كدح و تفاني


بربي يا ولد الناس أش بيك ؟ شارب حاجة ؟ نعرف عليك, هاك طحت تقص في المدونات تقولش عليك مفطوم عليهم , و الا الله أعلم أش ضربك على يدك , و الا تطلعش من الجماعة اللي يديهم تاكل فيهم؟ يا وحيّد . صار انتي منهم ؟


تي علاش بربي ؟ هكّا تفضح في روحك سي الشباب ؟ ساعة كنت مكش مشلق برشا , أما جبتها لروحك , أما موش رجولية منك , الفازة مهياش متع رجال سي الشباب , توّ تخيل يجي شخص و يسكرلك الموقع متاعك , يساعدك؟


أكيد لا . أما على خاتر فاطمة معندهاش شكون , و انت سخون بكتفاتك , تعمل العمايل هذه الكلّ؟


خسارة أش من ...... ( احترام للي يقرأ , ميش ماش نكمل العبارة , أمّا العبراة اللي نعجبك , تنجم تكتبها )


هكّا توّ؟


شوف سي عمار , يا صاحب الحمار , أو تحب نقلك يا صاحب الـ 404 ؟ راهو التدوين راس ماله حديث , مهياش حكاية كبيرة متع استثمار أو متع قضية حياة أو موت , راس المال حديث يا معلّم


و تمشيش تسخن ياسر و تعمل فيها راجل على الولايا؟


يا بابا , وحدة وحدة على بدنك , ماك كان جرد صعلوك (قول موش نحترم فيك) عطاه الوقت , و كيف ما يعطيك , يجي نهار ياخذ منك , مكش ماش تقعد مهما كنت تتصور قيمتك , الا و يجي نهار


أصدقاء طفولة عمّار ههههههه


تحيّاتي عمّار باشا , و في الختام كان بودّي نخليك تسمع : رنّي رنّي يا 404 عمّار


القفّة للرجال


التدوينة هذه لا ترتبط بالتي سبقتها , حتّى و ان تشابه الموضوع ,


من بين الخلق اللي يقرأ معيا في الجامعة ثمّا الباهي , و ثمّا الخايب , اللي ما يتقربش , ثما شكون وقت تشوفه تلقاه يبادرك بالتحية , و ثما شكون ميجيك كان وقت يكون حاشتو بيك


منحبش نجامل العباد اللي منطيقهمش , لهذا السبب , أكثر من مرة نلقى روحي في مواجهة مفتوحة على أكثر من جبهة

ثمّا شكون يقرأ معيا , متملق من الطراز الرفيع , يقلك سيدي اذا عنده عندم حاجة , و اذا مثماش منها الحكاية تشوف انه يولي يحب يردكّ نكة في القسم


أول العام كان يجي قعد في مقعد مجاور , و يقعد يقلي :" يا معلّم " , " وحدك و انت تعبر" , " زايد معاك"


و برشا من اللغة هذه , و كل مرة يجيب معجم يدل على مدى سرعته في التطور في هذا المجال , و كل هذا و هوّ قاعد و ما يخدم شيء , أما يعاون بالرأي السديد , و اذا تجي تشوف ما تلقى منها شيء الحكاية , كيف وجوده كيف عدمه , مجرد نبات طفيلي كيف اللي قرينا عليهم في السنة تاسعة أساسي , و كيف الحشرات اللي تعيش على جهد من حوله


و اذا لقاء شكون ينجم يفيده أكثر , يتركك و ينتقل الى غيرك ,


في بداية العام , حب يكون اسمه موجود في فريق العمل للمشاريع اللي نخدم فيها , لكن معطيتوش فرصة , حاولت اني نخرج بأٌقل مرج و تكسير للراس و مولها ربي


الأسبوع الفارط , كنت قاعد في القسم , و اذا بيه يجي و يحب ياخذ كرسي في جنبي , لكن منمتش نمنع روحي , و الا و نقلو : طير من بحذيا , ميشرفنيش يجي قعد في جنبي واحد لحّاس


مع استخدام لغة دارجة ... و زدت كملت هنتلته شوية , و كدت أن أحولها الى اشتباك بالأيدي , معادش يقلقني , فديت و الشيء قاعد يزيد ,


قبل ما تصير الحكاية هذه بشهر و نصف , كنت نقدم في أحد المشاريع , و كان السيد الكريم , موجود , و بدرت منه أكثر من مرة تعليقات , متع فدلكة ثلقية , مرديتش عليه , و انما أول فرصة كان يقدم في مشروع متاعو , بادرت بسيل من الأسئلة , خلاته يجد نفسه في وضعية حرجة , و في كل مرة يعجز عن الاجابة , كنت نكمل عليه بسؤال ثاني , حتى لين لقى روحو ضايع و من نهارتها معادش يقيم راسه , لكن تحول الى أسلوب ثاني , يتمثل في البحث عن شخص ثاني يعتمد عليه وقت عرف اني معادش ماش نمشي معاه في الخطّ


برشا تلحيس , و برشا تفقيف , و برشا عباد معنهاش همة , و الأكثر ان اللي يقراو معيا , ميحبوش يردو عليه , لانهم يخفو من لسانه الطويل ,

انسان معندوش اي ذرة كرامة أو أي همة , و رغم انه يعرف اني منطيقوش , الا انه لا يتردد لتودد و لعق الحذاء و التملق , لكي ينال بعض الرضى و يجي يقرق باش نفهمو قبل الامتحان , و يقعد على القاعة وقت ملقاش بلاصة بقعد فيها , وبعد هذا , معادش يعبرك .

العباد هذه , متهمنيش و مهياش من النوع اللي نحترمه أو نتردد في الردّ عليه في أي مناسبة , لانها موش أكثر من قذارة تعيش على جهد الأخر


و الأمثلة كثيرة , زعمة مريضة؟ اذا مريض يمشي يداوي أرحمله و أرحم للناس اللي تعيش حوله ,


ثمّا برشا قهاوي في الحومة , و في القهوة تشوف الشتلة اللي منجحتش باش تكمل تقرأ , أمّا عندها المرض متع الفرينة , أول ما حلت القهوة كنت نشوف شكون يسربي , و كنت نشوف شكون معاه , في البداية مفهمتش أش صاير , الى أن في يوم صدفة , ثمّا شكون قلي ان اللي نشوف فيهم في القهوة واقفين , و يسربيو للخلق و كل مرة تشوفهم ماشين يجيبو في "ولعة" أو في كاس تاي أو قهوة ما هم الا مجموعة تحاول انها تنال رضى صاحب القهوة و تدبرشي كاس قهوة بلاش


محلاه البلوشي وقت يكون بعرق الجبين , اش بينا حاقرين الخلق و الله يتعبو في الهزّان , كان مشاو خدمو على رواهم و الجهد اللي يخدمو بيه في الهزان تعلمو بيه صنعة أو اجتعدو اكثر في خدمتهم , كان أنفع


القفة من أروع ما أنتجته بلادي , حتى ثمّا شكون في الحومة يشد راس الشارع مع "بائع خمر خلسة " , موش يخدم صانع , أما رامي عليه الصحبة , ثمّاش ما يدبر كعبة بلاش


و لان القفة هي الرياضة الثانية في تونس , أطالب بسويعة قفة , كيف سويعة سبور , و نساند مقالقو في هذا الطلب


و يقعد البندير أرقى أسلوب للتعبير عن الوطنية


الفيديو من الفايس بوك








القفة و مشتقاتها , سلعة رائجة برشا , و الطلب عليها قاعد يزيد , و عن قريب ماش يولي اللي ميقففش شاذ و ما يعجبش



و رغم ان ثمّا توجه لتخلص من بيع المواد الغذائية صبّا , لما تمثله من تبذير كيف ما يقول أصحاب التوجه , الا أن الفرينة صبّا تقعد من أكثر المواد انتج و استهلاك


ماجبت شيء من عندي , أما ثما ربي يشهد على الحالة المكربة متع المجرابين و اللي عندم يديهم تاكلهم وقت مايهزوش شوية قفايف ,لان قفة وحدة لا تكفي


دخلت لتدوينة متع واحد عامل فيها مدون , فوجدت الرابط التالي



اعمل كليك على الصورة باش تكبر


الى هنا كل شيء طبيعي , أما الي موش متوقع هو التالي



جبتش حاجة من عندي ؟
نحب نقتبس شوية من الحديث العطر

"و نظامها جميل و عاطي كثير حقوق "





موش معقول توصل تلحس نعل موضف سامي في وزارة الخارجية الأمريكية , كل هذا على خاطر فيزا؟


مقواك




الوغد - الشيخ إمام

الأغنية كتبها نجم وغناها إمام.. في زمن خيانات السادات.. الخيانة هي هي.. واختلف الخائن: حسني مبارك.. كلب المرحلة





كان فـ بلدنا غول أنتيكا إسود زي الليل والهم
لأجل يبوس رجلين أمريكا يشفط عرق الناس والدم
لما النار بتطق في عينه .. بيفكر ماإحناش كاشفينه
دابحنا بإيده ورجلينه … بسلامته فاكرنا هنتخم
الكلب بيعشق أمريكا ويطاطي ولا مره يشم
بدل الشهداء ديسكو وزيكا .. ويهوذا بقي الخال والعم
الكلب بيعبد أمريكا ويطاطي ولا مره يشم
بدل الشهداء ديسكو وزيكا .. ويهوذا بقي الخال والعم
الخاين باع نيلنا ودينه .. يبصم ويمرغ في جبينه
هيروح فين وإحنا محصرينه
هيموت من الداء ومن الدق



الفيديو من الفايس بوك










صباح الخير ... صباح النور


"صباح الخير ... صباح النور"


كل نهار , نحاول قدر الامكان نبدأ النهار بكلمة حلوة مع العائلة , و الجيران و الاصحاب في الجامعة , كل نهار نحاول اني نكون متفائل , و نكون مبادر قدر الامكان بالتحية لمن حولي, نشوف انه من الأدب أن نبادر بالتحية


هذا الي تعودت عليه, تعوت اني نظحك في وجوه العباد , وقت نحكي معاهم , و ننجح في كثير من الأحيان في الوصول للجامعة مع هذه الابتسامة , رغم ما أجده في النقل من مشاكل تنجح في بعض الأحيان في تعكير المزاج


لكن ثما حاجة ديما تجلب الانتباه , وهي جفاء من حولي , على الاقل في الحومة ثما برشا عباد اللي ترد التحية , لكن ثمّا زادة شكون ميردش , و ميكلم حدّ من الخلق , ميعبر حتّى حدّ , تقول "صباح الخير" , "صباح الورد" أو "السلام عليكم" و الله ميرد عليك , تقول أطرش ؟

لا يسمع , أما ميردش . علاش ؟



الله أعلم


البعض يكون يغزرلك , و يستناك تبادر بالتحية , و ميقولكش كلمة "صباح الخير" الا اذا كنت انتي المبارد , مش مشكلة , حاجة متقلقنيش . أما اللي يقلقني هو الأشخاص الي يحبو يفرضو الكبّي متعهم على من حولهم , يعني اذا انتي تقول صباح الخير و تتبسم في وجه السيدّ أو السيدة , يقولك : ديما تضحك؟


صحيح ثما حيديث شريف يقول : تبسمك في وجه أخيك صدقة , أما في مجتمع انقلبت فيه القيم , تتحول الابتسامة الى شيء يثير التسائل , و يتحول الكبّي و النكد الى عادة


ممكن المشكلة عندي هم الحساسية المفرطة لما حولي , و انّي مهتم برشا بالتفاصيل , لكن وقت نشوف كيفاش خدّامة في مكتبة تمدلك الفلوس و ترميهملك , نشوف ان أسلوبها يفوت الجفاء الى قلت تربية , خاصة اذا نقارنها باليابان , في اليبان وقت تتمدلك حاجة , تتمدلك بزوز يدين و معها كلمة تفضّل , وقت نشوف شكون في الادارة نحكي معها بتربية و تردّ عليا عشرة وافي و قتها نقول ان ثما حاجة مهياش عادية ,


وقت تشوف الناس على أعصابها , ممكن تقول صباح و الناس مستعجلة , أما العشرة متع الصباح , و الناس ميزالت على أعصابها , حاجة مهياش معقولة , علاش التنفيز هذا الكّل؟


الكثر من اللباقة تنقص الكثير من البشر في المحيط , لكن المصيبة ان مجتمعنا يفقد في القيم الأخلاقية , أبسط حاجة هي انّ في تونس أكثر شعب يذكر الله , موش حمدا و شكرا على نعمة و انّما وقت تسمع سبّ الجلالة في الطريق العام , في المدارس و المعاهد , و الجامعات و في البيوت ... برشا عنف لفضي يتم استخدامه بشكل غير مبرر , من النادر اني نخرج للشارع من غير ما نسمع كلمة زايدة , ممكن لان المنطقة شعبية , لكن مع هذا لا أجده عذرا ... وين نمشي نسمع كلام يندى له الجبين , وقت تحكي مع حدّ و تقله نقص البلاصة مخلطة , يرد عليك : علاش همّا ميعرفوش ؟


اما وقت تجي كلمة زايدة قدام أمه أو اخته أو قريبته وقتها يولي الكلام ميعجبش.


وقت كنت نقرأ في المدرسة , مكنتش نسمع اي كلام زايد من عند المعلمين , لكن في المدرسة الاعدادية , لقيت روحي عند أستاذ يسب الجلالة , من غير اي حياء , موش تنرفز , أما مجرد تعبير عن الوجود لان شعاره : أنا أعربد في القسم أنا موجود


الأستاذ هذا سبق اني تحدثت عليه في تدوينة : التحرش الجنسي أثناء الدراسة , لكن الى الان ميزلت تنذكره , نتذكر تجاوزاته في القسم,


في القانون سب الجلالة يكمن أن يعاقب صاحبه بالسجن , لكن من يطبق القانون , اذا كنت تسمع تجوزات من من يفترض به أن يمثل القانون ؟ و شكون يعلم , اذا تسمع بمعلم يقوم بتجوزات ؟ من تحرش الى أفعال دنيئة من قبل أستاذ...


ما ننكرش أن موش الكل على هذه الصورة , لكن العدد قاعد يكبر و من الصغرة قبل ما تشوف برشا صغار تتعلم تكتب أو حتى نطق الحروف , تشوفه يتعلم من بوه أو محيطه السبّ و الكلام الزايد و معها سبان الخالق, و الأكثر ان الأب يفدلك مع ابنه و يقله سب عمّك , في نطاق الفدلك ... كله في نطاق الفدلكة , و في نطاق الفدلكة كل شيء مباح


مدراس تفقد هيبتها و قيمتها , و مجتمع يفقد أخلاقه , شنوّ ماش يكون مستقبلنا؟


منتصورش مستقبل زاهر


المشكلة هذه تمس كل الأفراد بمختلف الشرائح الاجتماعية , اذا شخص يحب يحكي على راحته , ينجم يحكي وقت يكون مع الشخص الي يحكي معاه في مكان غير عام , لكن انك تشوف عدم احترام للغير فهذه طامة كبرى من أمراض أصابت مجتمعنا ,


برشا قيّم ضايعة و البعض منها يتجه الى الانقراض, حتى لين نوصلو كيف اليوم الى مرحلة ان الي يعمل الحاجة الصحيحة هوّا الشاذ على المجتمع , وقت تتحول الامانة الى مغنم , وقت تشوف زميلك في القسم يطيح فلوس من جيبه و تشوف شكون يرمي ساقه و يغطي على قعطة نقدية , و يشوفها مكسب ليه


وقت تشوف ان البعض يصبح يمتهن الغشّ , كيف حال تاجر , وقت تعارك هوّا و مرته , جاء يشكي لشخص نعرفه , و يقله : نحلف في النهار عشرين يمين كاذب , على خاطرها –يقصد مرته- و هيّا متفهمش




وقت تسمع بشكون قبل ما يموت , يوصي في أولاده و يقلهم : ردو بالكم على الرزق , راني ماش ندخل عليه جهنم .


وقت كنت نتفرج على برنامج خواطر في رمضان , كانت ثمّا حلقة كاملة عن مكتبة في اليابان , و كان من بين الكتب الي وراوهم , هي كتب تتحدث عن زرع الأخلاق الحميدة في الأطفال: في معاملة الكبار , في معاملة المعلم , في معاملة الأهل


لكن عندنا أكثر الكتب انتشارا هي كتب التنجيم بعد بدأ التقازات -جمع تقازة - الاستفادة من برامج محو الأمية و نشر علمهنّ عبر أساليب متطورة لاستغلال التقنية في ما ينفع و معها بالتأكيد , كتب الطبخ


و بعد كل هذا يقال ان شعبنا ميقراش؟ و موش مثقف؟


TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام