Hadhaa Ana!

... برشا حديث و حكيات


شعب الخرافة


كل نهار نمشي للحجّام , نقلى كدس متع جرائد , الحق يقال , انه كل نهار يشري الجديد لحرفائه ... وقت نقعد في الحنوت , نلقى اما التلفزة تخدم و تعدي في فيلم , أو يحطها على وحدة من قنواة الأعاني , التابعة للأمير الوليد بن طلال , قنواة روتنا... في أحسن الأحوال, و في أحيان أخرى يكون الموجودين , يتفرجو على ماتش كورة , و قتها يكون الحنوت معبي , و هي من المنسبات الي نتجنب التواجد فيها في الأماكن العامة الي فيها تلفزة , لهذا جرات العادة اني نتصل بالحجّام قبل ما نمشي للحنوت , منحبش نقعد نستنى برشا , الوقت يضيع في الفارغ , و ان كنت نحس اني نضيع فيه برشا , في حوايج أخرى ... لكن فما حاجة نفد منها , وهي لان الجام , قاري للسنة ثالثة ابتدائي , مينجمش يقرأ مقال وحده , و انمّا يتفرج على التصاور و ممكن يطلب من الي بحذاه يقراله ... وسعات وقت يكون الموضوع الي يحب يقراه هوّا حظك اليوم ............... حظك اليوم ؟


وما أدراك ما حظك اليوم , حظك باش ؟


عباد تعقد الأمال و تربط روحها بكلمات كتبها واحد قاعد في بيرو في جريدة , حكّ راسو , و قعد يفكر , كيفاش ينوع من الحظوظ و يكتب حويجة على مزاجه , و يجي شكون يشري جريدة بالذمة و يقراه

الأكثر ان الي يقرأ الخزعبلات هذه همّا من أصحاب الشهائد الجامعية , نقعد باهت وقت تقلي بنية من الي عندم باك +4 , في الصحافة , تقلي انها تشري الجريدة لمجرد انها تقرأ حظك اليوم , موش يقال العلم نور؟ علاش العقول هذه متتورش و تنحي الخرافات هذه من حياتها؟ وقت نجي نشوف شكون عندها باك + 5 , و تحمل شهادة مهندس , و تمشي للعزام أو العراف الروحاني , و يحل عليها الكتاب اش تقول؟ لا ما تخافش , تونس بخير و نعمة


حتّى في الفدلكة متعنّا أو في الاستهزاء نقولو , برّا حل على روحك الكتاب , يعني الخرافة انتقلت الى اللا وعي , و صار من العادي ان نستعملها من غير ما نقولو انها مجرد خزعبلات

نهار العيد , ذبحت العلوش , كانت أول مرة نذبح فيها علوش , و الحمد لله تعدات بخير , لكن وقت كنت نذبح , و كان الدم على الارض , و تجي جدّتي و تقلي : سمي بسم الله وانت تذّب في الدّم , جدتي هذه مقراتش نهار في المدرسة و تقول الحديث هذا , و نشوف شكون قراي بعد الباك, شنّوا الفرق بينهم؟ القراية هذه زادتهمش حاجة ؟ الا ما رحم ربي


قبل مدة قصيرة كان على قمر نايل سات , قنواة تحل الكتاب على الهواء , أو هكذا كان يقال , كل مرة واحد يطلبهم يطلعوم مريض بحاجة , و أروع مقطع وقت قال العرّاف لسدية , ان قبيلة من الجن ساكنتها , قبيلة كامة , و شكون يعرف لعّل عملو فيها دولة , منستغرب شيء من الجهلة الي كل نهار تسمعم يحكيو , الحمد لله ان ادارة النايل سات قامت بالغاء الباقة التعيسة هذه




و قت نسمع في الراديون , شيخ , من جامعة الزيتونة , يقول للي ماش يذبح , انه يرش بعض الملح على الدم , باش "ما يستذاش" , اش يكون ردك؟

وقت دخل الصليببين للقدس , حصلت مجزرة , اخطلط فيها الدم , دماء المسلمين و دماء المسيحيين , لدرجة ان الفرسان الصليبيين وقت كانو يجريو بالأحصنة متعهم , كان الدم يتطاير , بربي علاش ماستذاوش هاذم؟ علاش مصارلهمش الي ينبه منه الشيخ الزيتوني الي كان يحكي في الراديون ؟

كل مرة نسمع حتى من الي يقراو معيا , "اليوم صبحت على فلان" , و بعد ؟ النتيجة انك ماش تحكم على نهارك اما بانه يوم مثمر , أو نهارميعجبش , لمجرد انك قلت لجارك صباح الخير ,أو رد بالك تشوفش قطّوس أكحل في الثنية


صحيح اني نؤمن بوجود الجنّ , لما ورد في القران و أحديث رسول الله صلى الله عليه و سلم , أما بصراحة كثرولها العرافة , أو ان صح الوصف , الكذّابة, الي كل ما تحل جريدة , تلقاه يداوي التابعة , و العجز الجنسي و الأورام الخبيثة و كل ما يعد من الامراض المستعصية , اذا هوما كيف ما يحكيو , عندهم الجن يمشي بامرهم , بربي يمشيو يحررو القدس , علاش عندهم القوة هذه و ما يستدموهاش ؟ اذا هوما ينجمو يشفيو , علاش ما يمشيوش يداويو المرضى في مستشفى الرازي ؟

العرّاف , التقازة ... و اخواتهم, ما هم الا صورة للجهل المتجذر في عقليتنا

و الأشد , انك تشوف , "عراف مرخص" , اش يبيع ؟ انه يتعرف لك على مستقبلك


مرة كنت نحكي مع زوج عرافة , قتله تنجم تربح في برنامج "مين سيربح المليون" ؟

قلي : متنجمش تشوف لورحها و لاقاربها ,

بربي؟ و تنجم تشوف للعباد؟

قلي : أكيد .

أيا باهي , باش تقز مرتك؟

معجبتوش الكلمة , أما قال: بالكارطة , وتجيبها صحيحة



تبارك الله , على خيرات بلادي




و الله , ان على هذه الأرض ما يستحق أن يصنع به هولوكوست

2 commentaires:

Ya si hedha ena, klemek s7i7 w ya3tik sa77a. Juste 7abbit ne3mel une remarke sghira:
En ce qui concerne le sang, fil islem il est considéré "najassa" tout comme l'urine. Celui ki saute par dessus ou meme prend une douche (7achek w 7acha les lecteurs elli meyestehlouch) avec l'urine "meyestedhech" kima ya7ki "chi5" et le sang aussi. Mais allah ghaleb, el 3alem 3arabi fih 70% des analphabetes w 98% johhel (5ater un diplomé n est pas necessairement wa3i) en plus de 5 siecles de colonisation et de croisades et plusieurs generations de dictatures obscurantistes et sanguinaires. Tout cela a fait de facon elli barcha 7ajet wellet deformées w 9riba barcha lel 5ourafa menha el 7aja ma39oula.

Imagine en 2009, 25% des tunisiens sont encore analphabetes alors ke el johhel sont encore plus nombreux. Avec ces chiffres comment veux tu que cha3b yjib mennou rabbi... Ti behi barcha ki mafinech achkoun yekel el l7am le3bed...

@Anonyme
الي قلته في ما يتعلق بالدم صحيح,لكن يا سيدي الكريم, اذا موقف كيف هذا يكون من شيخ من الزيتونة , فانها لطامة كبرى, و كيف ما قلت زادة , ان الشهائد رغم بريقها الا انها لا تعطي لحاملها ثقافة و عقل راجح, و بالنسبة لمرحلة الاحتلال الفرنسي , صراحة اسغربت وقت سمعت ان فرنسا في مرحلة ما , قامت بدعم بناء الاضرحة , و مقمات الأولياء , لعلها لترسيخ الجهل .... شكرا على مرورك

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام