Hadhaa Ana!

... برشا حديث و حكيات

تحيت و بعد ,


علاش سألت ؟


علاش سألت عن الهدف من القراية ؟


أولا قال رسول الله صلى الله عليه و سلم : انما الاعمال بالانيات و لك امرء ما نوى


علاش سألت عن الهدف من القراية ؟


وقت نشوف ان من المفروض ان الانسان كلما ازداد علم يزداد تواضع , هذا الي قريناه في الفلسفة , و هذا الي كان أستاذ الفلسفة يركز عليه و يعاودة , لكن منيش فاهم اش صار ... دخلت أول الجمعة الي فاتت عند أستاذ يقري فيا , "بروفيسور" يعني أعلى رتبة لاستاذ جامعي ممكن يوصللها , -اذا أنا غاط , صححلي- شاف خدمتي و كانت ملاحظته ان الخدمة الي قدمتها جدية و اعجب بيها , و نفس الأسبوع , وقت دخلت عند أستاذة تقري فيا , سألتها سؤال , فكان ردها انها مرقتني , و قالت : شبك تسأل برشا ؟ و تزد تسمع معند أستاذ أخر وقت سألته و عجز عن الاجابة , كان تصروفه هو انه خرجني قدام الموجودين على اني التافه و الي يعقد فيها , في حين ان السؤال في لب التخصص ... و في نهار الاثنين , تشوف أستاذ أخر تتمنيك على طالب زميل و تقولو :" أسألتك مترقاش باش تكون أسألة " , و الاستاذ ضايع مينجمش يكتب قاعدة منغير ما يبعد عن الأوراق , رقغم تبجحه بانه يقري في النادة من 6 سنين .... 6سنين و موش قادر يكتب مجرد قاعدة على الصبورة منغير ما يشوف الأوراق ؟ حاجة عادية ؟


وقت تشوف أستاذ يصلح في تمارين بالغالط و اذا تتكلم تتهنتل , هل أنا على الدرب السليم؟


وقت تكون تخدم كيف البارح من الساعة الخامسة مساء الى الخامسة صباح باش توصل تكمل خدمتك و نرقد من ال6:15 الى 8:00 و تلقى شكون من صحابك ساهر مع زميلته , ميهمنيش فاش يعمل .... و تشوف رغم الفرق في الخدمة و الجهد , تلقى انه ياخد عدد أحسن منك , موش على خاطر مستوى الخدمة , لا


بل على خاطر صحاب هو و الاستاذ ... موش وقتها تطرح السؤال ؟


ممكن تقول ان الأعداد مهياش الهدف , و ان المستوى الي تحققه هو الي يحكم ... صحيح , لكن من غير أعداد جدية منكملش قراتي و نهار الي نحط حاجة في درس شفتها في درس نكون واخذه من جامعة غربية نلقى ان في أكثر الحالات اني نخذ عدد سيء , لان الاستاذ يحب حاجة من الي يقري فيه و ان كانت غالطة


و الأكثر من هذا هو ان اذا تشوف السواد الأعضم من أصحاب الموءسسات المنتشرة , هل أصحابها من حملة الشهائد العليا ؟ مش لازم نذكرو بالاسم اي شخص , اما احكم وحدك


وقت تكون ماشي في الثنية و ما تلقاش الحد الأدنى للعيش الكريم : طريق نظيف و نقل حضاري ... متسألش اذا فما فرق بينا و بين الغرب في تقدير قيمة الفرد؟ اذا تحب تقارن دولة مهما كانت بدولة أخرى ,من بين الحوايج التي تاخذها في عين الاعتبار هي قطاع النقل , لانه ركيزة من ركاز الاقتصاد : تنظيم , احترام للغير , احترام للبشر , جودة الحياة ,


في الوقت الي يتحول الحصول الى سرعة عالية متع انترنات الى حق قانوني في فليندا , نلقى ان معناش الحق في نقل محترم


وقت , نشوف ان السنين الي قريتهم في جامعتي و نقارن الي قريته و الي نقرأ فيه بما يدرس في الخارج , اش ممكن نشوف ؟ وقت نقارن التحصيل العلمي الي حصلته و الي حصله شخص في عمري في جامعة غربية , زعما فما فرق ؟


فما مادة كان الاستاذ "يسرق" في الدروس من دروس زميل له في جامعة غربية , كنت نتبع في الدرس و نحاول نسبقه , و نخدم أكثر , و في النهار الي كملنا السيماستر , و بدينا نحظرو للامتحان النهائي مكتفين بما درسناه , تكتشف انه كل الي قريته يمثل نتيجة 4 حصص لدراسة المادة في جامعة من جامعات الجنوب الفرنسي, الي يقراوه في فرنسا في 4 حصص يمثل محتوى مادة كاملة متع 6 شهور ... منيش ماش نحكي على الفرق في المناهج بين الي نقرأ فيه و بين الموجود في أمريكا الشمالية أو في الدول الاسكندينافية , أو على الأقل في حامعة مرموقة في فرنسا اللي مهياش من جمعات النخبة العالمية , و قتها أعتقد ان من حقي اني نسأل : علاش نقرأ

2 commentaires:

باش يجي وقت تفهم فيه الّى ما كلّ ما يتمناه المرأ يدركه و انه من الجيد أن تكون قد احتفظت ببعض النجاح و بقليل من الحظ ,ببعض التميز .. الأمر ليس سوداويا و ليس أبيضا انه عوان بين ذلك بلعربي الحيف عند بعض الأساتذة و الا عفوا على العبارة "البهامة" متاع بعضهم أمر وارد جدّا سيأتي يوم تدخل غمار العمل و حينها ستجد أنّ من يرأسك حمارا يحمل أسفارا و لكنّك ستحافظ على أدبك لتمرير المعلومة الصحيحة بأكثر دبلوماسية ممكنة لألا يغضب منك ..و لكن ذلك لن يخلع عنك نجاحا ستأخذه رغما عن الجميع بتميّزك ثمّ عيشك الواقع سيرضيك بما تلقى من مشاق في سبيل العلم و حسبك أن تعلم أنه هناك من يلقى معاناة و أشد الضنك للحصول على شهادته العلمية .. ثم من الأفضل أن تركّز على أهدافك و تترك صغائر الأمور و الناس لأن ذلك قد يحبطك قليلا و ليس ذلك أمرا حكيما لقد أنهيت تعليمى منذ عشرة أعوام و لم يتغير الوضع السيء في مناهجنا التعليمية و لكني ورغم علمي بصحة ماتقول أدعوك لعدم التركيز على شيء سوى التميّز و تقبّل ما دون ذلك وتذكّر أنّك ولو كنت في بلاد الفرح الدّائم فانه من الممكن أن تتوصّل لما تحب ..بارك الله في جهدك

@guyguoz

لا أدري صراحة كيف أصابني الاحباط بسبب بعض العثرات التي واجهتها , و لكن أسأل الله أن لا أعود لهذه الحالة من جديد ,

في أمان الله

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام