Hadhaa Ana!

... برشا حديث و حكيات

طلبني و فعدنا نحكيو … سكت , و تنهد و قال : مخيبها الغربة

معندوش برشة مالى مشاء لكن توحش دارهم و توحش اصحابو و زيد رمضان , توحش تطيب امو , بريكة و شربة مع شقان الفطر … هو كيف الناس الكل , أو الاغلبية المطلقة منهم … تحب تعيش حياتها , تعب تعيش لباس … بالمعنى الحرفي للكلمة … حقها … وقت تشوف الناس كونت و رجعت من الخارج و استقرت و عملت عايلة …لكن الفرق هو ان الاغلبية اختارت اوربا لانها قريبة و لان الشروط الي تتطلبها موش تعجيزية … خاصة للي يحب يقرى في مستوى احسن من الي في تونس في اغلب الحلات و ان كان البعض يقرى في مستوى اقل من الموجود في تونس , كيف الي يقرى في اوربا الشرقية … ضروف حكمت … موش الناس الكل تنجم تصرف على اولادها بنفس الكيفية … عرفت شكون امو باعت الارض و فما شكون باعت امو ذهبها و فما الي بوه خذا على خاطرو قرض … كل واحد حكاية و كل حكاية ما يعرفها كان ربي و العباد الي عاشوها … هو كان كيف الناس الكل , بوه موش رجل اعمال و موش ثري باش يعطيه الثلاثين مليون … بعت دارهم الارض و عطاه بوه اربعين مليون لانه يعرفف ان العام يكلف 25 و باش ولدوا ميقعدش متخص في الفلوس حرم روحو من الارض الي تعب باش يشريها و تعب و هو يلم في الفلوس و تعب و هو يخدم فيها … لكن لانه كبر و وصل لللتقاعد متعو… و ابنو الوحيد ابجل … يحبو يعيش حياتو , يحبو يولي مهندس , يخدم و يكون و يكون… و برشا أحلام


من مدة شهر تقريبا كنت في ندوى لاحدى الجمعيات و حكاء المحاضر على قصة صارت في الشابة – المهدية – , على شاب حب يهاجر , لكن هو موش من العقول او من ذوي الشهائد العلمية العالية الي ممكن تقبل اي دولة متقدمة بوجودو على ارضها و الاقامة قيها, لهذا السبب قرر انه “يحرق “ , و كان الشيء الي حبو , و حرق , لكن المركب غرق في البحر و مات الي كانو عليه … الخبر و صل للبلاد لكن حتى حد ما حب يقول لامه , وقت سمعت امو بالحكاية مشات للشط و قعدت تجري على حافة البحر و تصيح على ولدها … مش مصدقة , أمس كان قدامها و اليوم معادش باش تشفو


78679665b37e9d4dd886bc28b14719c0_l wh_87379888

يا غربة يا خوانة

يا مضيعا لحباب

يا محيرى لقلوب

يا مسيلى دمعتنا

خارج متعدي الحدود

و حالف ماعادش يعود

خارج في الليل و بالسرقة

و قليبو مليان بالحرقة

لودع حد من اصحابو

ولحب يتحمل عذابو

حلام كبيرة الي هزاتو

وفيبالو يغير حياتو

بالسيف مخبي دمعاتو

كي فارق امو وخواتو

خرجت امو تبكي وراه

وليدي عقلي راح معاه

وجابو خبرو بعد ايام

الموجة لعبت بالاحلام

وهكا حلمو قعد كلام

hijra وجابو خبرو بعد ايام...الموجة لعبت بالاحلام...وهكا حلمو قعد كلام



2 commentaires:

ڨلنا السلام عليكم.. صحة فطورك..ـ
أنا من المتابعين لمدونتك، و ديما نڨول باش نكتب أما ما واتتش الفرصة، و فما مرة كتبت أما ماعرفتش نبعث تجيني كتيبة و ميساجات.. المهم.. راك تعجبني و طريقتك في الكتابة باهية.. ونشجعك لأنك تقريبا الوحيد اللي باقي يكتب وقت جفت أقلام البلوغسفيريين الاخرين (حلوّة البلوغـسـ...)ـ
واصل ! ـ
إن شاء الله لي عودة لأعلق على كتاباتك السابقة.ـ

و عليكم السلام و رحمة الله و بركاته
يعطك الصحة, يعيشك
اهلابيك , شرفني مرورك و أهلا بيك
دمت بود

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget