Hadhaa Ana!

... برشا حديث و حكيات

قبل بضع سنوات , بدات تونس في التشجيع على استخدام السخنات الشمسية و في السنين الاخيرة بدأ التركيز على الحكاية هذه أكبر … لان كيما تعرفو ان الشمس الي عندنا قوية لدرجة ان احدى الابحاث تقول ان 1 "% من الصحراء الكبرى تكفي لتغطيت احتيجات اوروبا من الطاقة… شيء يعمل الكيف


On 140 acres of unused Nellis land, 70,000 solar panels await activation as the first third of the solar photovoltaic array gets commissioned Oct. 12 with the other 66 percent of the panels scheduled for activation in the next two months. (U.S. Air Force photo by Airman 1st Class Nadine Y. Barclay)


الوالد عجبتوالحكاية , و مع تشجيع الدولة و التسهيلات , زاد تشجع هو و قرر انه يركب في الدار سخان شمسي … و كان له ما اراد


بعد تعمير مطلب و بعض الاوراق … تحصل على قبول الطلب و مشاء لشريكة قريبة باش ياخذ معندهم السخان


Photovoltaik


بعد جمعة جاء السخان الشمسي … فرحت بيه , لان الغاز دو فيل ميزال متمش تركيبو وقتها و كنت نخاف تقصش عليا دبوزة الغاز … و الي صارت اكثر من مرة و كنت اما نكمل بالبارد و نتحمل العواقب الي خلاتني مرة نكمل جمعة مريض و اما نكتفي بالقدر الي تحصلت عليه و نخرج بالحالة التعيسة هذه و نمشي نجيب دبوزة جديدة و وقتها نفكر نرجع نكمل او نشد الفرش … الحق متع ربي أنا فرحت لاني كائن يحب العومان اكثر من مرة في النهار و فرحت اني معادش يقص عليا المساء السخون … شعور منعش


وقف الكميون قدام الدار و هبط منو خمسة شباب , و معاهم عرفهم او الشاف متعهم… نصف ساعة و تم تركيبو


وقف الوالد و سأل : باهية الماركة هذه؟


العرف : اتهنا ! هذه من احسن الماركات الي نخدموا بيهم ! حتى وقت تكون الشمس ضعيفة يسخن الماء


بدأ الوالد يهز في راسه على اساس انه موافق و عجبو الحديث , قعدت ساكت مقيت منقول , لان الفرحة كبيرة ياسر … الفرحة مجربها كان الي يقص عليه الماء السخون و قت الدوش

رجع العرف يحكي : السلعة هذه جديدة احسن من الي كانت عندنا , انت مزهار , جات بزهرك باش تاخذ حاجة ليكس , اتهنا خويا


energie-solaire-bbg


فما ابتسامة بدات تضهر على وجه الولد , علاش لا ؟ اما خير نستفيد من الشمس او ترصيلي نكركر في الدوزة من الحانوت؟

بعد جمعة , قام الوالد برتكيب السخان و وصلو بالماء و في الثنية نحى الشوفو – علاش الخساير – ؟ زوز يخدمو؟

قلت برا نجرب , دخلت حليت الماء … فيه شوية سخانة …اما ماهياش متع دوش ميزلنا في ديسمبر… و قعدت نستنا و بديت نحس بالبرد و مشات معاه الفرحة


خرجت نرعش و مشيت جري للفرش … رجعت نحكي مع الوالد .. قلي ممكن على خاطر الماء معندوش برشا

زدت استنيت و بعدها مشيت شوفت … لقتو بارد … بعد جمعة نفس الشيء


غشونا … الله غالب , تشري معند ولد بلاد تقول ميغشكش و يخاف ربي … و قت تجي تشوف تلقى روحك في التسلل… و الماء قعد بارد و الدوش ولى شيء يمرج … لان الشوفو موش راكب و كل مرة نجي ندوش نقعد نسخن في الماء على القاز… ورغم اني كنت ندوش كل يوم و في النهار اكثر من مرة و لات حكايت الدوش هذه مشكلة

اول نهار فرحت بيه بالماء السخون كان في شهر ماي و بالتاكيد في الصيف و قت تكون الدنيا سخونة و الشمس موجودة… اما في البقية متع العام مفماش ريحتو… و عنا على هالحالة هذه عام

اليوم نهار مسحب , مفماش شمس , انا نسيت الحكاية متع السخان و دخلت للدوش


tunisie-charme-perdure-L-1


و اذا بالماء البارد يهبط عليا…حسيت كان بالصدمة متع البرد , سكرت السبالة و بديت نرعش

وخرجت جري من الدوش , خشمي يجري و انا نعطس و نرعش


angry-cat-in-pink-rabbit-costume-1


السخان طلع كيف الحاسوب العائلي من 8 سنين , اشري و طيش

محلاه الشعور بانك تغشيت في البيعة

0 commentaires:

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget