Hadhaa Ana!

... برشا حديث و حكيات

جانفي 2009


طلعت نتائج المرحلة الاولى في الجامعة لطلاب السنة الثالة و بدأ كل واحد يحضر في مشروع التخرج… البعض بدأ في الاتصال بشركات يعرفهم و البعض الاخر ميزال يحب يرتاح و بعدين ربي يسهل… و فما شكون طلع كنترول …منجحش …لازم يعاود

كان فما بعض الي نعرفهم و فرحتلهم و الي منجحش…. كلمتو على الاقل ماخذة بالخاطر


400_F_4171420_1OoC4P2IJNzZ5ChP7azloWxUYEjH8PXz

أفريل 2009


كنت مروح من الجامعة … كالعادة بعد نهار طويل من القراية و التعب نرجع نهز في روحي بالسيف … أهم حاجة هي اني نستفيد من كوني كملت لربعة متع لعشية و نرقد قبل ما نفيق و نبدأ نقرى


من الجامعة للدار نستحق بين 15 و 20 دقيقة في الكار … لكن المشكلة هي وقت الكار متجيش في الوقت … تقعد تستنى و تنزيد شويا … و تفد … و تزيد تفد … و تكره رحوحك وقت تجي الكار … موش على خاطرها جات مخر … اما على خاترها تجي معبية و متلقى وين توقف ممكن اذا انت مزهار و والديك راضين عليك تلقى كفاش تقعد واقف في الباب و اذا انت مزهاراكثر ممكن يجي ولد حلال و يكون قلبو معبي و يكبش فماش ما يطلع و في الثنية يدزك و ياخذلك بلاصة معاه… هذا هو الفيلم الي يخليني نكره النقل العمومي … لكن لاني في النهار هذا كنت مروح بكري … موش في وقت الذروة و الشيء الاهم هي الكار الي جات قبل وقتها … الشيء الي خلها تكون فارغة و تخلف بعض المحطات قبل ما تتعبا بالطلبة


طلعت … مقلقتش روحي برشا … الكار فاضية …شاف الكنفيور الكارطة و تعديت … لقيت محمد في الكار قاعد يحكي مع نزهة .. محمد هذا هو طالب سنة ثالثة في الجامعة متعي … ديما يحكي بانه يعرف يتصرف و يعرف يدبر راسو و يعرف كيفاش يركح الجو متاعو … يحب يصور كونو “قافز” بين الناس … يعرف فلان و يعرف كيفاش يخليه يقضي و اذا لزم يكلم سي فلان باش يتصرف … وقتها كان يحكي مع نزهة الي هي تخرجت في دفعة 2009 كمهندس

وقت شفتهم سلمت عليهم و تعديت … بعد درجين جاء محمد و قعد في الكرسي في جنبي …فهمت منوا انوا كان في المركز الثقافي الفرنسي و انو يحب يكمل يقرأ في فرنسا… حكى على الجامعات الي يحب يكمل فيهم و على الجهد الي قاعد يبذل فيه باش يحقق الطموح … قعد يحكي على راحتوا … و بعد هذا فهمت منوا انه كان يحكي مع نزهة على الي ماش يعملو باش يلتحق بمرحلة المهندسين …ربي يوفقو يجيبو في الصواب…خاصة و انه كان من بين الي نجحو من الدورة الرئيسية للامتحانات


كل مرة يحكي فيها على انه يحب يولي مهندس كنت نقعد في حيرة … أكثر من مرة كنت نسرح وانا نحكي معاه لا لشيء الا اني كنت نحاول نتخيل كيفاش ممكن يكون محمد مهندس


ota2.jpg (Image JPEG, 800x1242 pixels)


منيش حاقر ولد الناس …. لكن فما حوايج موش معقولة ….كيف انه يجي يقلك تعاوني باش نخدم مشروع تخرج و المقصد هو انك تخدم و هو يعاونك بالرأي … هذا مقالش بيه ربي


closed


و الاكثر من هذا اني وقت حكيت معاه أكثر من مرة في الفكرة متع المشروع … لقيت انه موش عارف علاش قادم …ضايع … معندوش خلقية قوية في الدومان …لانه كيف أكثر الناس تنجع ب10 وتتعدى و متركزش على المتسوى و الاكثر من هذا انها تختار حاجة أقوى من المستوى حتى لشخص ممتاز…حتى المشروع الي خدو مكانش متعو… دبر راسوا فيه … و في الوقت الي كنت نشوف فيه البعض ميرقدش و هو يخدم… كنت نوف فيه يحوس


ATT00002


بديت نحكي معاه على الفكرة و على المشاكل و الحلول الممكنة و على الاسلوب الي لازم يخدم بيه … انا نحكي و هو يقاطع … مرة مش مشكلة عندي شكون نعروف صاحبي يعمل التاش – الجزء – هذا و اذا كملت معاه يولي يقول انت تسكر فها … بعد حديث طويل وليت شاكك …اذا هو الي ماش يخدم أو فما شكون ماش يخدم في بلاسطو … وان كنت مقتنع بعجزوا على انه يعمل حاجة وحده…. وقت كان يحكي في جاحة معنديش علها فكرة كان يحاول ياكلني بالهف و اذا تحدث في حاجة عندي علها فكرة نعرف انه ضايع


جوان 2009


بدات الجمعات ترد على الطلاب الي تقدمو باش يكملو في فرنسا و فما شكون تقبل و فما شكون متقبلش … و محمد لم يقبل … و الاكثر من هذا الشيء الي خلاني نشك في جديت ولد الحلال هو انه بعث كان لجمعات مرموقة … كأن شخص باك أداب ناجح ب10 يبعث للسوربون … حاجة موش معقولة … او واحد باك رياضيات ناجح ب10 يبعث للبولي تكنينك في كندا …حكيت معاه …ملقيتش معاه اي حل… منجمش نفوت الدود متاعي لاني منيش خوه …بل مجرد صديق … سكتت و خليتوا يحكي على راحتو


في أخر جوان , كلمني وكان يستفسر اذا نعرفشي “كتف” …وكان يحكي على سي فلان…مسماش شخص محدد لكن …هو يحكي على شخص يعرفوا ممكن يتصرفلو… و من بين الي ذكره هو انه فماش شكون طلب عليه فلوس … الله أعلم شكون لكن نتذكر ان شخص عرفتو عام الباك من القروان وقتها كنت نفكر نمشي نقرأ في المانيا بعد ما عديت باك تقنية , وكنت نقرا في اللغة الالمانية في معهد خاص …كان زميلي يحكي مع الاستاذ عن سيد طلب فلوس باش يقضي لكن تبين انه مش اكثر من محتال … و حتى الطلاب الي كان يكريلهم في الشقق في المانيا كانت زبلة على حد تعبير واحد من التوانسا الي تغش في السيد الي كان في منظر يوحي بالشرف و الامانة الزائفة… وقتها نبهنا الاستاذ من مثل الاشكال هذه


port_tn_big_127


سبتمبر 2009


طلعت النتيجة , و لم يقبل محمد و حتى الكتفات الي كان يحكي بيهم طلعو 0 … ممكن محبوش يقضيو و ممكن كانو كتفات تاعبة … كتف الي ممكن يدخل باش سي محمد ما ياخذش اقصاء من مادة و يعادوها في دورة الابطال.. اللي كانت الدورة الثانية..لكن موش متع حاجة صحيحة كيف هذه

عاود كلمني و شد صحيح فماش منطلع نعرفش شخص ممكن يقضي... الله غالب منفعتوش … عمل زيارة لعدة اشخاص … في رحلت البحث عن كتف ضايع ممكن يتصرف …و الاحلام بدات تضيع و الوقت ماش يوفى

الجمعة الي فاتت كنت مروح في الكرهبة و شفت سي محمد يحكي مع واحد من الاساتذة قدام دار الاستاذ بصحبة بوه ..ولد بلادي فماش ما يقضيلو…لكن مفماش نتجة…ضياع الحلم أصبح أقرب للواقع


a49c40912c4715


ممكن محمد هو الشخص الي معندوش زهر … لان البعض نجح و منيش فاهم اش عمل باش ينجح ؟ لانه 0 و اذا يقعد يقرأ 1000 عام يقعد 0 … في بعض الاحيان نسأل الطلاب من مرحلة المهندسين عن شيء محدد… و يكون الرد مجرد حديث فارغ …لمجرد انه ميحبش يقول انه يجهل الاجابة… الحق يقال هو وجود بعض الاشخاص الي تستحق الشهادة عن جدارة و تستحق انه يقال علها مهندس لكن موش الكل

كنت نحكي معي استاذ يقري في مرحلة المهندسين و اذا بيه يقلي انه طرد تلميذ من القسم لانه كان يجهل معنى عدد اولي… الاعداد الاولية تتقرى في السنة ثامنة اساسي…كيفاش وصل الطالب هذا؟ الله أعلم اش حضر ليلة الامتحان … الله اعلم اش صار معاه


Home_Photo_books


المصيبة الاكبر هي ان المهندسين بعد التخرج … جرات العادة ان المتميزين ياخذو وضائف في شركات و البعض منهم يكمل يعمل المرحلة الثالثة خاصة اذا يحبوا مجال البحث و يحبو يكون عندهم مكانة مرموقة في المختبرات العلمية… لكن المصيبة هي ان النسبة الاكبر من الدفعة الي تتخرج و تكون هزيلة و متنجمش تاخذ فرصتها في الشركات الخاصة ,تختار انها تكمل تقرى و تدخل مجال البحث {راجع تدوينة : مسمار في حيط} … الله اعلم كيفاش ماش تبحث ؟ و كيفاش ما يكون عندها اصدرات علمية … لكن الشيء الاسوء هو كون الي يبدأ يعمل في المستار يكون عندو القدرة على التدريس … و هنا تبدأ المصيبة


ATT00029 (1)


البعض يفرض عليك احترامه…بعلمه … بثقافته … بجهده في الخدمة و البعض يخليك تشك في روحك


4 commentaires:

Malheureusement, c'est la vérité.

Et en plus, ba3d ma ywalliew y9arriew, ywalli 3and'hom takabbor ghayr 3edi.
Far3oun fi zmenou.

El tounsi y7ebb koll chay, khedma sehla we feha barcha r9ed, we barcha flouss, we ra7a, we ... ...

@ Anonyme
الله يصبر شكون ماش يقرى عندهم... الشيء هذا موش كان في تونس, فماشكون قرا في فرنسا و فما شكون قرا في كندا ... لكن مفاتوش ال0 ... ورغم انهم قايمين خشوماتهم لكن هذا الشيء مغيرش صورتهم بين الناس و بين الزملاء عن كونهم مش اكثر من 0 يمشي على الاقدام
شاهية طيبة

Je connais quelqu un qui repond parfaitement a ces criteres. Elle a fait une maitrise en chimie, . Durant son parcours elle a double' une annee , reussissaitt toujours a la session de controle, n etait jamis discplinee, ne pigeait rien de rien
Bi kodrat kader elle a eu son diplome, et etait acceptee a l hopital pour faire un master car son frere est medecin, evidement elle a eu son master. Elle arrive au canada fait un master en 3 ans et demi, elle ne supportait pas le rythme donc elle venait deux jours par semaine. Maintenant elle veux faire un doctorat car elle adore les titres mais elle ne veut pas le faire ici a l universite' car c est dur, elle cherche pourtant un job dans le secteur d industrie pharmaceutique mais a condition qu il y ait ps bcp de travail... etainsi de suite
le pire de tout ca, c est qu elle ne cesse de raconter qu en Tunisie papa andou wi andou , en Tunisie, je connais bcp de gens qui peuvent me trouver du travail de luxe

@Anonyme
صحى شريبتك
شفت منهم برشا ... لكن الخدمة في الخواص شيء و القراية شيء أخر... حتى اذا شخص قبل تدخل واحد معرفة باش يخدم الاشكال هذه كون متأكد انه في اول مناسبة يطردوا و شفت منها برشا... يتدخل خو او اب او حتى صديق و بعدين وقت تكتشف الشريكة حجم الكارثة الي هابطت عليهم يتخلصو منو

هي ناس مرضة لا اكثر

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget