Hadhaa Ana!

... برشا حديث و حكيات

استكمال لتدوينة , ياباني في تونس ج5


وزع علينا أستاذ اللغة اليابانية مجلة “نيبونيا “ , المجلة هذه بالعربية , هي نافذة على اليابان تصدر كل 3 شهور , يتم توزيعها على الطلاب الي يتعلمو اللغة اليابانية في اطار نشر القافة اليابانية و التعريف بيها الي تقوم بيه السفراة اليابانية في تونس ممكن تتحصل علها مجان فقط عن طريق السفارة اليابانية



أخر نسخة من مجلة نيبونيا

الموضوع الرئيس في العدد هذا كان عن الروبو : للحراسة , لتجنب الوحدة , للانقاذ..للرقص …لاخماد الحرائق و الاروع من هذا للجراحة


ROBO

ROBO2

ROBO3

ROBO4

ROBO5

لمتابعة الموضوع الاصلي من المجلة


عجبتني المجلة و وريتها لدرانا و قعدو يشوف فيها …لكن فما حاجة معجبتنيش وقت شفت صورة لجامعة

و أنا نتفرج على تصاور من اليابان في الانترناتTokyo


و اعجبت بانتاج المخابر اليابانية كيف الموجود في اخر صورة …روبو الي يقوم بعملبات جراحية


اكثر من مرة نحس ان فما عوج فينا , حتى فيا انا … منيش خير من العباد الي عايش معاهم اما فما عوح من عوح و فما شيء أقوى من العوج , منيش ماش نحكي على أستاذ متصابي أو على الفرق في التقنية أو الفرق في العقليات الي عند الناس الي سبق حكيت عيلها


العوج هذا من العيار الثقيل الي يخليك تكره روحك و تقول بربي العباد هذه لباس علها ؟


في السنة الجامعية الـ 2008/2009 قامت طالبة تونسية في جامعة من الجامعات بانجاز مشروع ختم الدراسة الي يقوم فيه الطالب بعمل مشروع يكون تقييم لكل ما تعلمه في سنوات دراستو… الطالبة هذه عملت مشروع جديد في الفكرة لانه يقوم على مساعدة ذوي الاحتيجات الخاصة … ذوي الاعقات الي تخليهم في حاجة لوجود شخص في الجوار لمد يد المساعدة عند طلب الحاجة


فكان المشروع قائم على انه يكون اداة الوصل بين الشخص الي يحتاج الرعاية و من حوله و كذلك ما حوله , اذا هو مينجمش يحل التلفزة ممكن يحلّو التلفزة و يحط القناة الي يحب يتفرج علها بمجرد امر صوتي

اذا يحب كاس ماء , يقوم الجهاز باعلام من حوله بحاجة السيد الي مينجمش يخدم روحو

الفكرة مميزة ممكن لانها عندها مجال للاستخدام مع ذوي الاحتيجات الخاصة وحتى مع الكبار في السن لتجنب اجهادهم

مشروع كيف هذا موش من الممكن ان طالب عادي يصرف عليه … لهذا السبب تم الاستعانة بمعدات المعهد

لكن موش كل المعدات في حالة جيدة مما استوجب انه يتم اصلاحها و حتى يتم اصلاحها تطلب شهرين من الاخذ و الرد و رغم ان المعهد العالي هذا يقوم بدعم الطلاب بمايقارب الـ100 دينار من المعدات لكل طالب لكن هذه المعدات هذه مكانتش في المستوى … لكن الطالبة خدمت بيهم و حمد ربي انها لقات المطلوب


خاصة و ان البعض كان عاجز بسبب غلاء اسعار بعض القطع اللي وصل الثمن متعها الى 400 دينار و يتم استقدام القطع هذه من اوروبا

كمل المشروع و كملت الفكرة و كبرت الامال و قرب اليوم الموعود , باش يتم امتحان الطالبة و تقييم المشروع و اسناد عدد

siemens كان فما أستاذ , عامل باك + 7 في ألمانيا و خادم في مخابر


siemens1


موش خادم عام او اثنين … لا … خادم 20 عام كرئيس فريق بحث …. يعني عالم في مجال خدمته… من العقول الي يفتخر بيها … لكن الأستاذ الكريم جاء و شاف المشروع و مالقاش فيه شيء يعجب


حاجة غريبة لان بقية الأساتذة اعجبت بالفكرة و بالجهد المبذول و جاء يحاسب فيها على جودة معدات المعهد .. لان مدى القدة على التواصل بهذه الاجهزة متفوتش 8 متر… و مكانش فما شيء احسن ممكن يتم استخدامه في المعهد … و النتيجة هي ان الطالبة هذه مخذاتش حقها في العدد الي تم اسناد اليها و الاكثر من انك تضلم شخص اجتهد في خدمتوا هو انك تحسسو قدام الالعباد الي جات باش تكون معاه سواء بوه او أم او اخوة و اصدقاء … الاسوء من هذا هي انك تحاول تصورو كغبي و تحاول تجرحو


و في مرة أخرى كانت نحكي فيها مع استاذ في القسم على سبب اللي يخلي الحارس للجامعة يطردني وقت نقعد بعد الوقت … معملتش عيب او عملت حاجة ممنوعة … كل الي طلبتو هو مجال هادء للعمل

كان رد السيد الكريم الي عندوا باك + 7 : انت لواه قاعد بعد الوقت ؟ برى روح و اخدم في داركم

استاذ باك + 7 يحكي هكا ؟ علاش نلوم على الحارس الي عامل باك – 11 و خارج من السنة ثالثة ابتدائي يطلب مني مغادرة الجامعة بعد ما قعدت نخدم بعد الوقت في قاعة فارغة


ملقيت ما نحكي معاه , قتلو : ملى علاش في فرنسا , في كندا , في السويد , في فلندا في الامرات الدولة الي نقولو عليهم موش قاعدين يخدمو يقعد الطالب يقرى في الجامعة بعد ما يوفى وقت القراية؟

على شكون نلوم ؟ على شكون نحكي ؟

منيش عارف اش نقول

جامعة تسكر الـستة متع العشية و القهاور تخدم للصباح

واحد من الاساتذة حكالي على صاحبو الي يخدم تقني ميكانيك في فرع معمل الماني في تونس في صلب تخصصه , وكان عررف هذا الشخص الماني و كان يستغرب ان هذا التقني يقعد اكثر من ثلاث سعات كل نهار يجبد في الشيشة قدام القهوة , لهذا السبب اول ما رجع من المانيا جابلو فيلم يشرح من الصفر كيفاش كل 30 دقيقة تكون كرهبة من نوع بي ام جاهزة للاسخدام

BMW_thumb3


على هالحسبة السيد اللي يقعد 3 ساعات يشيش , يكون زميلو في المانيا صنع 6 كراهب بي ام… اكبر دليل على تخلفنا هو القهاوي المعبية 24 /24 و اكبر دليل على حبنا للتخلف و اعجابنا بيه هو الجامعات و مراكز البحث الي تغلق بعد 6 مساء


BGH8_thumb6


واذا شفنا الصورة التالية تلقى فما 7 كراهب


la_chose_1083615325_mbcamion_thumb3


7*30= 3h + 30 minutes


قداش لازم وقت باش نصنعوا كرهبا في تونس ؟


شاهية طيبة

8 commentaires:

Bravo encore une fois ...
Ton poste incite à bosser, à produire, ...

En tout cas, je remercie Dieu parceque je n'appartient pas aux karkaras ! Inchalla, les Tunisiens se réveillent plus.

Le fait de commencer à poser les questions est un bon signe.

Ce qui manque chez les tunisiens et même chez les Bac+20, c'est les objectifs. Il ne font pas tout ce qu'il font ni pour leur pays ni pour améliorer la situation. Il font ça pour eux et pour se montrer.

Moi aussi j'ai entendu plusieurs fois le mot "quel malade" pour la simple raison que je parle de l'informatique dans une école d'informatique entre des élève ingénieur qui doivent être des responsables dans le futur.

Je suis désolé à le dire, mais la situation devient de plus en plus pire...

@ Houssem

أهلا بيك , شكرا لمرورك
التكركير يعدي و اذا شخص استسلم للعادة هذه , موش ماش ينجم يتخلص منها بسهولة ... كيف المخدرات ... البداية تكون ساهلة و تعجب المستهلك و من بعد تبدأ الكوارث على الفرد و المحيط و البلاد الكل

@ boulabiar

أروع شيء قلتو هو كونا معندناش هدف في الدنية و معندناش طموح هي مشكلة أخرى , ممكن ان نتحصلو على الشهايد كبرستيج لكن المحتوى أو المستوى الي نخرجو بيه في أغلب الحلات يكون سيء للغاية

ممكن الحاجة الي تفرح هي وجود بعض الأساتذة و الطلبة الي قاعدين تنتج و تعمل في مجهود ...صحيح موش بالعدد الكبير لكن على الأقل فما أمل ...

:-)

Dans les universites on peut laisser les salles informatiques ouvertes pendant la nuit, mais pas les ateliers, et les laboratoires ou il y'a du materiel. Donc c'est normal que la gardien doit tout fermer apres 6 heure du soir.

Si on travaille 8 heures/jours serieusement, on n'aura pas besoin de travailler pendant la nuit pour finir son projet.

Generalement les bacs + 20 qui rentrent au pays, cherchent a se reposer, mais pas a bosser et a mener des projets.

@Soufiene
القاعة الي كنت فيها ... كانت عبراة على قاعة دراسة عادية ... طواول و كراسي مفماش معدات ممكن تخاف عليهم

أنت تقول ان السيد الكريم يحب يرتاح ... ممكن هو يرى ان المشوار متعو وصل - باختيار الشخصي - للنهاية متعو لكن فما شكون ميزال مبداش أصل ... أنا منيش طالب أنه يتعب معنا ... لكن نحب كون الطالب الي يحب يخدم ياخذ فرصة

شاهية طيبة

Le coût du matériel n'a rien à voir.

9ellek des équipement walla chnua.
Elli yesma3 y9oul 3anna des équipement bel milyarat.

Alors pourquoi lorsque j'étais en France, j'avais un accès TOTALE au laboratoire malgré que je ne suis qu'un nouveau stagiaire étranger.
Pourquoi alors j'avais accès à n'importe quel heure (càd 00h, 2h, 4h 6h du matin) et que le gardien me félicite même pour le travail que je fais.

Remarque, le labo contient les équipement très que Soufien a indiqué.

on est libre de travailler à l'heure qu'on veut, chacun est plus productif dans un espace temporel propre à lui.

Pourquoi tu veux l'obliger à travailler les 8heures du jour ???

Bon soyons clair,

@Boulabiar

Je ne sais pas ce que tu faisais en France, mais je suis sure que c'est interdit de travailler sur une machine d'essai la nuit.

On peut se rendre aux bureaux, utiliser les ordinateurs, mais pas les machines et les appareils, parce qu'il doit y avoir un technicien d'assistance. En plus, pour des raison de securite, on n'a pas le droit de toucher au materiel le soir en etant seul dans un laboratoire ou un atelier.

Je n'oblige personne a travailler les 8 heures du jours. Mais je trouve que si on travaille serieusement du 9h du matin a 18h, on n'aura pas besoin de travailler le soir pour finir son projet (c'est un avis personnel)

On n'a pas un materiel qui coute des milliards, mais on ne peut pas laisser les eleves travailler dans un atelier, et utiliser les machines a partir de 18h.

Par ailleur, meme si ce materiel ne coute pas des milliards, il reste cher pour ton p'tit et miserable pays :))

صحى شريبتكم
@Soufiene
الخدمة الي كنت نحدم فيها هي مشروع طلب مني واحد من الاساتذة أنه نقوم بيه و سبب اني كنت في الجامعة وقتها هو لان فما شكون يخدم فيه معيا ومكانش ممكن انه يمشي معيا للدار او أنا نمشي معاه لدارهم بسبب الحس الموجود
لكن خلينا نكون صريحين ... فما مرة طردني فيها العساس من الجامعة رغم انها كانت 4 متع العشية لا لشيء الا انه كما قال هو , الكاتب العام متع الجامعة هو الي طلب منو هذا الشيء ... شيء مشجع على القراية

و زيد على هذا الكاتب العام متع الجامعة انسان متلقى كيفاش تحكي معاه ... متعالي و منطقو زبلة , سامحني على الكلمة

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget