Hadhaa Ana!

... برشا حديث و حكيات

استكمال لما سبق , من تدوينة ياباني في تونس ج3

كل مرة , كنت نشوف فيعا أستاذي يقري فيها ,نحس ببعض الأسى , لسبب بسيط هو كونه يبذل في مجهود و في المقابل …المردود يجيبو ربي


GTO


كان يجي في الوقت او بالاصح قبل الوقت ببضع دقائق, ويبدأ الدرس في الوقت المحدد ,و يلدأ يقري فينا ويحاول يشرح , ويفسر ويبسط الموضوع , ولانها كانت أول مرة نقرا فيها اليابانية و لان النطق و كتابة الاحرف تختلف عم عهدناه سوى بعض الكتبات في الصور المتحركة و بعض الجمل في أغلفةالمنتوجات ,


dscn1585


كان يتفقد كل طالب على حدى و يصحح الاخطاء و يزيد ينصحو كيفاش يحسن من وضعه و كان يحترمنا وقت كانا نحكيو , مكانش يقاطعنا او حتى يقوم باسكاتنا و كان يصبر علينا وقت تصير بعض التجاوزات… و مع هذا كنت نسمع برشا سبّان في حقه, و كلام زايد حتى لمجرد المزح … انسان يعلمك و انت تسبوا


disappointed


صورة مشرقة للاخلاق الي اصتف بها البعض


جدية هذا الاستاذ في العمل , سبق اني شفتها عند بعض الأساتذة الي حصلي الشرف و عرفتهم أو قريت عندهم , أساتذة من بني جلدتنا… شفت شكون منهم اثناء دراستي في المعهد قام باعادت تدريس أحد التلاميذ لبرنامج الرياضيات بسبب تغيب زميلي عن القسم لمدة شهر و نصف بعد تعرضه لنوبة قلبة استوجت اقامته في المستشفى


ist2_3240551-math


كان البعض من زملائي يجتهد حتى يتقن اللغة الي تحولت من مجرد عبرات و جمل مبهمة الى جمل تفهم و ان كانت بشكل جزئي

موش الطلبة الكل نجحت في تعلم اللغة الشيء الي تسبب في ابعادهم من القسم بعد ان اثبت عدم قدرتهم على المواصلة


021cours


لعل من اكثر الحوايج الي تلقى فيها المفارقة هي تجنب عدة شركات يابانية الاستثمار في تونس رغم التسهيلات الكبيرة الي تلقها من الدولة … و في احدى المنسبات في احدى الجامعات التونسية كان يوجد دبلوماسي رفيع من البعثة اليابانية في تونس , طرح عليه السؤال : عن سبب احجام الشركات اليابانية عن الاستثمار في تونس رغم كل التسهيلات و كل الاعفاء الضريبي؟


الرد كان بسيط جداا : نحن لا نبحث عن اعفاء ضريبي, و لكن نبحث عن يد عاملة متقنة


صفعة من العيار الثقيل , صفعة للكل الموجودين , و لكل معني بالامر , من طلبة و عمال و مهندسين… يعني تفضحنا على قاعدة , و ان كان موش جديد لان المنطفة العربية معروفة بانها مكان اقل مردود انتاجي على الاطلاق

كل شخص الا ما رحم ربي , يخدم ويقول : نخدم على قد فلوسوا … اش يحب اكثر من هذا؟

اللي يخلص 400 د واللي يخلص 800 والقائمة طويلة

بربي كل واحد قداش لازم يخلص باش يخدم خدمتو؟


D1325~Will-Work-For-Money-Posters


في ادارة تونسية , قام مدير المؤسسة بعمل جولة تفقدية للموضفين على الساعة 7و15 دقيقة بعد 15 دقيقة من بدأ الدوام الصيفي … الصدمة هي ان الاشخاص الي كانو في في اماكن عملهم ميفتوش 25%من العدد الجملي للموضفين , بعد ماقام بمعقابة المتخلفين عن الدوام , ارتفع رصيدو من السخط و السبان الي هبط عليه في قفاه بالتاكيد من قبل المعقبين و من ساندهم


working_overtime


اذا نحكيو على الاجتهاد و الاتقان في الخدمة , تلقى ان الناس الكل تصقف و تساندك , لكن وقت الجد … الرجال مهمش برشا

و الاكثر من هذا هو كون الكثير من الي ينصحو بالاتقان في العمل من اسوء ما يمكن انك تشوفو في حياتك من الكوادر و أصحاب الشهائد


ابرز مثالين منجمش ننساهم , الاول أستاذ جامعي كان دقيقة في تعامله مع الوقت و معروف بشدت حرصه على جودة المادة المقدمة في درسه سواء كان فما 5 اشخاص او 20 و المثال الثاني استاذ جامعي أخر سبق اني حكيت عليه في تدوينة {التحرش الجنسي في أثناء الدراسة} … وكان الله في عون الصابرين


at-work

2 commentaires:

J'aime bien la série "ياباني في تونس" :)

C'est une critique assez constructive de notre société...

Merci

@Houssem

أهلا بيك ... شكرا على المرور :)

شاهية طيبة

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget