Hadhaa Ana!

... برشا حديث و حكيات

استكمال لما سبق , من تدوينة ياباني في تونس ج2


مرة من المرات , طلب مني الاستاذ الكريم اذا ممكن نشوفلو مقال من جريدة فرنسية , المشكلة ان مكانش يعرف اسم الجريدة لكن يتذكر العنوان الرئيسي و بالطبيعة الموضوع الي كان يتعلق باختفاء صحفي فرنسي و العثور عليه ميت بعد مدة , نسيت اسم الصحفي , لكن وقتها جبتلو المقال و بعض النسخ الالكترونية لجرائد كتبت عن المقل, بعد عدة عبرات من الشكر … سألني : عندك انترنات في الدار؟


قتلوا في فرح : اكيد



site_internet


رجع يسأل : قداش السرعة؟ قداش من ميجا؟


سكتت , مقيتش منقول , بربي شنو ماش نقول ؟ وقتها عنا اسرع شيء 1 ميجا , وقتها في عصر التخلف التقني موش كيما توى...

اسسجمعت أفكاري و قتلو: عندي 128 كيلوبيت


مفهمنيش فاش نحكي , عاود سأل : قداش من ميجا هذه ؟


سكتت , مقيت منقول , نجي نشوف في اليابان و تايوان و السويد و ما جورها عندهم سرعة توصل للـ 1 جيقا و انا عندي 128, توى تحسنت السرعة لكن 1 ميجا او 512 كيلوبيت اش تجي وقت نقارنها بالشيء لي عندهم و نلقى سيدة عمرها 75 عام في السويد عندها اسرع سرعة انترنات في العالم 40 جيقا , هذا عام 2007


creation-site-internet-besancon

تجنبت الرد على السؤال , و رجعت سألتوا: عندك انترنات و في الدار ؟


قلي : لا , اما كل يوم نمشي لمقى انترنات , باش نشوف الاميل


رجعت نسأل فيه :علاش ؟


الحكاية , موش مستحقة برشا تفكير , ببساطة , معندوش خط هاتف في الدار في تونس و زيد على هذا الجودة دون المقابل الي يدفع , و في كل بداية صيف , تبدأ الشركات تعمل في العروض و تغري في الناس و في المواطنين بالخارج الي رجعوا للوطن باش يعملو اشتركات و لكن تنسى هذه الشركات او تتناسى كونها غير قادرة على توفير خدمة في الجودة المطلوبة مع العدد الكبير الي ينخرط , لانها تغلب الربح على الجودة…و الاروع من هذا هو الموضف المتملح في الخدمة…يطيشلك الستيلو و الورقة و يقلك عمر و حدك


قعد باهت وانا نحكي معاه وقت فسرتلو ان السرعة الي كنت نستخدم فها ما هي الا 1/4 ميجا


عندو الحق , لواه نلوجو على سرعات اعلى ؟ يا أخي موش من بين الاشياء الي تعطيك صورة على التقدم هي السرعات المتاحة ؟ اذا مفاش شكون يحتاج أكثر من المتاح , هذا شيء يعني ان مفماش بنية تحتية تستحق السرعات هذه, و القطعات الي تستحق هذه السرعات هي الاتصلات و الخدمات و الاعلام و الترفيه و الحق يقال ان الترفيه ماشيء 5/5 , حتى أحد شباب الحومة عمل حساب على الفايس بوك رغم انه ميعرفش يكتب اسمو لانه خريج سنة ثالثة ابتدائي… و فما مرة دخلت للقهوة الي قريبة للجامعة , شفت شكون حال اللاب توب و قاعد يتفرج على الكليبات مع القهواجي , رغم ان القهوة فيها روتنا تمشي من الصباح للليل


مش كيف برشا عباد , ما تعرف من التقنية كان باش تخدم باها و حتا في المترو قاعدة تقرأ و تكتب في الرسائل الالكترونية


3496259672_268bd48ccb_b


sub


nagoya_subway

0 commentaires:

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget