Hadhaa Ana!

... برشا حديث و حكيات

استكمال لتدوينة ياباني في تونس


من بين الحوايج الي حبيتها في العباد الي عرفتهم من اليابان , هي الجد في الخدمة , صحيح موش الكل في نفس المستوى لكن الاشخاص الي عرفتهم أعجبت بيهم

لكن الاعجاب مكانش متبادل … ممكن اعجبوا بالاجواء و الطبيعة الي تختلف عن اليبان


على سبيل المثال معندهمش صفة هندي , ممكن يزرع لكن موش بالكثافة متعنا

Hindi1


في اليابان عندهم ساكورا


SakuraHealed


, برشا أجواء راقية , صحيح موش متوفرة تحت صفت الهندي لكن معليناش


أستاذي الكريم , كان مستغرب حاجة , هي تهرب الطلاب … يجيو مخر , و يدخلو بعد الوقت و يحبوا يخرجوا قبل الوقت , و هو شيء موش مستانس بيه , لدرجة انه كان يحاسب بالدقيقة في الخدمة و يكون دقيقة جداا


makes_eat_time


أكثر من مرة يقلي علاش الطلاب ميعطيوش قيمة للوقت ؟


هو ميجيش للقاعة مخر, و لكن جياني انا للقاعة متاخر كل مرة خلاه يقلق و يقلي : اذا تحب تكون مقتدي “بالثقتفة اليابانية لازم تكون في الوقت”

و انا مجبر على التاخير اسبب بسيط ياسر هو الكار, توى بربي الشوفير يعمل تعسيلة او يمشي للقهوة و بعدين يخرج من الترمنيس مخر و انا تحبني نجي في الوقت؟


الشيء الثاني الي تعقد منه هو كون الطلاب متحبش تخدم , يعني يشوف فيهم موش قاعدين يقدموا بجدية في الدرس, باش تعلما الهيراغانا 6 شهور مع شويا كلمات


Treatise_On_Calligraphy


مكانش راضي بالي قاعد يصير, و كان ديما يقلي علاش متخدموش؟


كالعادة نعمل روحي منيش فاهم , و نزيد نستفسر


الطلاب ميحبوش يقراو , يجي مخر و يحب يخرج بكري , ويحب ياحذ اعداد ممتازة و يحب ينجح”


تبسمت , مقيتش منقول , و بعد برشا تفكير , قررت السكوت , لان معني باش نرد عليه … و الله عندوا الحق , عباد تغيب و ماهياش جدية و تحب تنجح؟ باش ؟ حتى الحد الادنى من الجهد متبذلش … و بعدين يجي يسب الاستاذ و يسبلو امو و بوه … على خاطر معطاوش عدد مميز … نحبوا ناخذو الاعداد و ننجحو متميزين و زيد نواليو مهندسين و الخدمة يجيبها ربي… و اش خصك كان جينا كيف مصر , نزيدوا نقولوا “يا بش مهندس” … علاش لا؟ جات كان على هذه؟


وقت راني ساكت : قليش اش بيك ساكت؟


قتلو: كيفاش تعملو في اليابان؟


رد عليا : في اليابان , الطالب الي ميحبش يدخل , ميجيش , و ميقعدش يحاول انه يفزد الحصة, بالعبراة المعهودة الي كنا نقولوهالو قبل 30 دقيقة من نهاية الدرس

“ c’est l’heur !”

“و اذا فما شكون يحب يغيب يكون مسؤل على تصرفوا مع الادارة اذا فما شيء مخالف


بربي , نزيد نقلو موش كيف طلابنا كيف طلابكم؟ حتى الطموح منكسابوش , و اش نقول اخر؟


cat_manga


نتذكر , ان ياكودا – صديق ياباني-, الي يخدم مهندس في شركة كبيرة متع ميكانيك وقت سالتوا اش تحب تعمل , قلي انه يرقد نصف اليل و يفيق كل نهار الخمسة متع الصباح لانه يخطط لبدأ مشروعو الخاص و قاعد يبذل كل جهدوا باش يحققو. لا لشيء الا انه يحب يحقق طموحو باش يعمل شركة تولي في نهار من النهرات تنافس كبرى الشركات في اليبان


ربي يوفقوا


DSCN5271 Titan - DEC motor


حتى الجمعات موش كيف كيف… نهار الي كنت نخدم في مشورع قعدت نخدم فيه في الجامعة بعد ما وفى الوقت , جاء الحارس و طفى الضوء و قلى ماش نسكرو…. بربي ؟ يجي شخص مقراش كيفي و متعبش كيفي و عامل باك – 5 اذا موش اكثر و يقلك سامحني اخرج, وتحب تقارن اليابان بتونس؟



مثل انقليزي


” Workshop is the devil’s mind An idle..!!”

2 commentaires:

صباح الخير
لعلّ تقصد
An idle workshop is the devil's mind

صباح الورد خويا

شكرا على التصحيح ...

Enregistrer un commentaire

بسبب بعض المشاغل و القراية منّتجمش نتابع المدونة بشكل دوري, متقلقش اذا التعليق خذا وقت باش يتم ادراجه و الكلام الزايد يجعل ادراج تعليق صعيب شوية, نقص منه و تفضل قول اللي تحب , بالتوفيق

TUNISIA

TUNISIA

من أجل تدوين نظيف

!هذا أنا

Ma photo
حروف مبعثرة...برشا حديث وحكيات... كيف كل الناس

هذا أنا

بلوغ مثل اي بلوغ أخر.. موش لازم تقلق برشى من هذه الناحية ..... الايام كفيلة باش تعطيك الصورة الادق على المحتوى

أقوال تروقني

أنا من أشد المؤمنين بالحظ، وقد لاحظت أن حظي يزداد كلما زاد عملي

توماس جفرسون
الرئيس الثالث للولايات المتحدة الأمريكية

ضيوفنا الكرام

Une erreur est survenue dans ce gadget